الضيقه ذبحتني والروتين خنقني ساعدوني

أختي بما إنج موظفة وأكيد زوجج موظف ،
حاولوا تسوون استقطاع مشترك من راتبكم كل سنة شهريا ً ، حتى لو مبلغ بسيط مثلا ً 100 أو 150 ،
وراح يطلع معاكم مبلغ يخليكم تسافرون فيه ، حتى لو دولة قريبة مو شرط أوروبا أو شرق آسيا ،
دبي ، العمرة ، مصر ، أو غيرها من الدول اللي ما تكلفج 2000 دينار ،

أو

بالإمكان ، تأجير شاليه ، مو شرط تسافرون إذا ما عندكم ،
وتروحون له ،

أو

تأجير سويت أو غرفة نهاية الأسبوع ،
صدقيني راح تحسين بفرق ،
وكأنج مسافرة ، لأن فنادق الكويت حيل حلوة ومميزة ، وخدمتهم راقية ،

بس ملاحظات ع السريع ، واسمحي لي على صراحتي :
معقولة ، ما عندج صديقات ؟؟؟؟؟؟
يعني ليش ما عندج صديقات ؟؟؟
شنو السبب بالضبط ؟؟؟
لأنه صعبة ، الإنسان يبلغ مرحلة عمرية معينة ، ويلاقي نفسه وحيد بدون صديق ولا حتى رفيق ..!
كذلك ، معقولة ما عندج لا بنات خال ولا خالة ولا بنات عم أو عمة ؟؟؟

طيب واصلي قرايبج ، حتى البعاد واصليهم ،
يا حلات صلة الرحم ، ويا حلات دعوات الكبار بالسن لا جيتي لهم وحبيتي روسهم ،
واستقبلوج بذيك الدعوة اللي تطرب قلبج ،
ورب الكعبة من أحلى اللحظات عندي ،