يلا اللى تبغى تخفض 8 كيلوجرامات من وزنها فى اقل من شهر بدون جهد ولا مصاريف زياده تدخ

السلام عليكم جميعا سعيده انى رجعت من تانى بس سامحونى كان عندى مشاكل كتيره المهم رجعت من تانى بموضوع يهم كل واحده فينا هو الرججيييييييييييييم مين فينا مش عاوزه تظبط وزنها ومش عارفه لانه مافى وقت نروح جيم وكل ادويه التخسيس مضره جداااااااااااا ودى نصيحه من واقع دراستى المهم يلا كله يمسك ورقه وقلم ويكتب ورايا النظام ده بس الاول تعالوا نتعاهد اننا نمشى عليه بجد بدون اى اضافات زى ماهو يلا بينا الاول سموا الله ووحدوه اكتبوا ورايا اليوم الاول الافطار / ربع رغيف جبن اى نوع او بدلا من الجبن 1 بيضه مسلوقه او ربع رغيف فول وعلى فكره هو ده الافطار كل يوم فى اول اسبوع ماشى نخش على الغداء/اول يوم طبق ارز حوالى 5 6 ملاعق كبار على الخضار بالطريقه العاديه مع ربع فرخه او قطعتين لحم وطبعا طبق السلطه لاغنى عنه
تانى يوم/سمك مشوى مع ربع رغيف فقط كلى سمك مشوى زى مانتى عاوزه طبعا مش كيلو لوحدك يعنى :lol: لكن بربع رغيف فقط+السلطه
تالت يوم/خضار سوتيه بالطريقه المعتاده مع 5-6 ملاعق ارز +ربع فرخه او 2 لحم +السلطه
رابع يوم/مكرونه مسلوقه مع الملح والفلفل +سجق او كفته شوى او بالطريقه المعتاده +السلطه

باقى الايام كررى الوجبات السابقه
العشاء/داااااااااااائما 1 كوب زبادى فقط
بين الوجبات/لو جعتى ممكن تاكلى الخيار او الجزر او الخس بانواعه والفاكهه ممكن تفاح او كمثرى او اى نوع بشرط الا تكثرى عن 2 ثمره فاكهه فقط وطبعا الفواكهه المسكره مثل المانجو والبطيخ .......يفضل قطعه واحده فقط اما الخيار والخس والجزر فاكثرى منها وطبعا اجعلى يوم فى الاسبوع راحه من الرجييم ولكن بدون مانبوظ كل اللى عملناه فى الاسبوع حاجه مهمه اوى
المشروبات/يفضل اللبن منزوع الدسم او العادى ولكن مره يوميا
اشربى كما تشائى من عدد فى اليوم من المشروبات الساخنه او البارده بشرط وضع سكر الدايت اعرف انه احسن نوع اسمه شوجر ماتش انا بستعمله وهو حلو اوى لو مش عاوزه سكر دايت يبقى تلتزمى بعدد 2 ممعلقه سكر فى اليوم
بكده نكون نهيت خطه الرجيم فى اول اسبوع عاوزه اعرف رائيكم وكام واحده هاتشترك معايا فيه عاوزين نبدا من يوم السبت ان شاء الله مستنيه مشاركتكم ورائيكم نكمل خطه الرجيم تانى اسبوع ولا لأ مستنيااااااااكم