بالله عليكم ساعدونى

نون والقلم;12728658:
والله شوفي اختى انتي باين عليكي بتحبي الرجل الاول حب شديد وهذا الشي فعلا مؤثر على حياتج مع زوجج
وسالفة الانجاب ومشكلة زوجج انتي تاخذينها حجة حتى ترتاحي نفسيا وتقولي انج ماظلمتى زوجك وان سبب الطلاق يكون عدم انجاب زوجك للاولاد بس الله سبحانه وتعالى يعلم بخفايا القلوب وهو الوحيد اللي يحاسب العباد على اعمالهم ( يعنى اذا لقيتى لك حجة امام الناس وسبب ، الله سبحانه وتعالى يعلم الاسباب الخفية والحقيقية) ولكن يا اختى انا اقدر وضعك تماما واعلمى ان مايحدث لك مقدر من الله سبحانه وتعالى واذا كان الطلاق نصيبك فهذا شي لامفر منه

لو حبيتى تاخذين قرار الانفصال حاولي تقرري ولكن اعتبري ان الرجل الاول غير موجود في حياتك واسالي نفسك كيف حتعيشي حياتك بدون زوجك وبدون حبيبك ؟

أم سلمى2007;12733752:

تعرفى سبب تعلقك بيه لغاية دلوقتى إيه:

.إحساسك بإنه لسه بيحبك وإنه تم التفريق

بينكما غصب عنكما زى فيلم أحمد ومنى


.إنتى متخيلة إنه هيكون على عكس

زوجك حاليا معك وإن حتى لو كان فيه عيوب

إنك هتستحملى عيوبه دى لأنك بتحبيه زى

ماهو هيستحمل عيوبك

.إنك لسه بتتابعى اخباره وإنك عرفتى إنه هو

كمان لسه بيتابع اخبارك يعنى هو كمان لسه

بيحبك وما نسيكى

.العيوب اللى إنتى بتشتكى منها مع زوجك

.تأخر إنجابك

تيجى نبطل كل حجة


موضوع الحب ده إنسيه لأنه لو كان هو ده

الوحيد اللى يقدر يسعدك والخير المكتوب لك

فى الغيب معاه كان ربنا يسر لكما زواجكما

وكم من محبين إستطاعوا تخطى الصعاب

وإرضاء اهليهم ليتم الزواج ولكن فى حالتك ربنا

قدر لك الخير فى زواجك من آخر

يا اختى يامتعلمة ألا تعرفين ان الحياة الزوجية

مختلفة تماما عن تلك الحياة الوردية التى نحلم

بها قبل الزواج وأن هناك أمور تطرأ بعد الزواج قد

تعكر صفو الحب وربما تصيبه فى مقتل

وزلة المحب بالف زلة من غيره

لأن المحبين دائما يتوقعون عدم الجرح او الإيلام

من المحب فانتى لم تتطلعى على الغيب

لتعلمى هل كنتى ستعيشين فى سعادة معه

ام لا

وبعدين مين قال لك إن سلوكياته معك هتكون

مختلفة عن سلوكيات زوجك معك الرجالة كلهم

بيشتركوا فى صفات واحدة إحنا نشوفها عيوب

قاتلة نكرهها فيهم

فما تفتكريش ولا تبررى لنفسك عدم قدرتك

على حب زوجك بانه فيه عيوب

للعم بقى سكوت الرجل ده طبيعة ف غالب

الرجال لأن الغدة المسئولة عن التعبير فى

الرجال أصغر منها عند النساء يعنى ما

تفتكريش إن حبيبك هو اللى بعد الزواج

هيطفشك كلام

وكمان خلى بالك إنتى مقصرة فى حق زوجك

وإنتى مش واخدة بالك وهو فاهم ده وحاسس

لكن ساكت

الرجالة كلهم بيحسوا بستاتهم كويس قوى

وبيحس بيها إذا كانت معجبة به ولا لا وبيحس

بيها إذا كانت كارهاه ولا لا فممكن يكون صمت

زوجك معك وإهماله لك بسبب شعوره الذى

وصله منك

كمان طول ما إنتى بتتبعى اخبار حبيبك

السابق مش هتقدرى تنسيه ولا هتقدرى

تشوفى حسنات زوجك

وبالنسبة لتاخر الخلفة ليه فكرتى بس إنها

تكون حجة من عند ربك لطلب الطلاق وما

فكرتيش إنها ممكن تكون سبب من عند ربك

وفرصة ومهلة لك لكى تتخلصى من حب

الماضى وان تحبى زوجك

لانك لو انجبتى قبل ان تحبى زوجك فستتحول

حياتك إلى حياة مملة روتينية وقد يعمد زوجك

إلى خيانتك او الزواج عليكى وربما تملين انتى

من تلك الحياة وبدلا من ان ينتهى الزواج بدون

خسائر فادحة ينتهى بإضافة ضحية جديدة إلى

ضحايا ذلك الزواج

حبيبتى أعلم مدى فظاعة وقسوة ذلك الشعور

المؤلم الذى يشبه الضرب بالسياط ما

بين وفائك لزوجك وحبك السابق

ولكن إرضى بما قسمه الله لك واحبيه

فإن احببتيه ساعدك الله على حبه والتكيف معه

ونسيان الماضى

وصدقينى حبيبك ما هو إلا بطيخة مقفولة لم

تفتح بعد لا تعرفين هل هى حمراء لذيذة ام

قرعة ماسخة الطعم والمذاق

أما زوجك فقد خبرتيه وفتحتى بطيخته ورأيتى

طبيعة شخصيته وإختبرتيه فى غالب المواقف

وعصفور فى اليد تعرفيه خير من عشرة على

الشجرة تتخيلين حلاوتهم وروعتهم وقد تصدمى

بعد ذلك بانهم صقور

وقد يكون حقا حبيبك السابق نفسه رائعا بكل

معنى الكلمة لكن قد تكون مشكلتك الوحيدة

معه والقاتلة فى نفس الوقت هى أهله

صدقينى الإختلاف الطبقى فى كثير من

الاحيان قد يكون قاتلا للعلاقة الزوجية حتى لو

كان الزوجان متفاهمان قد تقولين وما ذنبه أقول

لك المرأة قد تنسلخ من أهلها لكن الرجل أبدا

ابدا ابدا لا يمكنه أن ينسلخ من

أهله وجبرا عليكى ستختلطين بهم وقد تعانين

الامرين منهم واعلم حالات يصل الأمر بينهم

للطلاق بسبب اهل الزوج

صدقينى إرضى بما قسمه الله لك وإنسى

وجود حبيب سابق فى حياتك

ورتبيها على ان هذا هو زوجك نصيبك وقدرك

وانه حبيبك وعشيقك

ولابد عليكى ان تسعدى بكل دقيقة فى حياتك

مادمتى لن تجدى مفر منها


وإستعينى باخطر سلاح الدعاء

فكم هو سلاح قوى إن شاء الله ينصرك الله به

ويجيب لك دعوتك

ربنا ييسر لك امرك ويسخر لك زوجك ويكفيكى

وسوسة الشيطان ويرزقك الذرية الصالحة

اختك فى الله ام سلمى

باحثه عن السعاده;12763403:
اخواتى اللاتى وقفتم بجوارى فى مشكلتى احب اطمنكم ان علاقتى وزوجى تحسنت كثيرا واصبحت ارى كل مميزاته فقد اكتشفت انه يحبنى جدا طبعا ده غير طيبته حاولت اتكيف مع الوضع وحاولت انسى وحاولت اسعد نفسى وزوجى اشتريت قميص جديد وصبغت شعرى ولبست اكسيسورى ولما جد من الشغل كن مبسوط اوى ونسا انه تعبان وجعان وقعدنا مع بعض كتير اووى تصوروا بقيت احس انه ابنى خصوصا لما يضع راسه على كتفى واحنا بنتفرج على لتلفاز حبيت بس اشكركم والحمد لله بحاول وبدعى ربنا انه يعينى على النسيان وعلى اسعاد زوجى يارب اجعلنى قره عين له واجعله قره عين لى وبارك لنا اللهم فيما اعطيت وارزقنا الذريه الصالحه