هل تصرفي صح.. أو اني ذليت روحي ؟!

نور مجان;12726172:

انا بقول لج انك اكيــــــــــــد غلطانه

يعني مو من اي مشكله تروحي بيت اهلك كل شوي

خلك امرأه رزينه انتي الحين عندك بنت

يعني اول ما صارت الهوشه كنتي ابتعدتي عنه شوي لحد ما يهدأ

واول ما يكون رايق

تسأليه من الي قالج هالكلام وتحلفين انك ما قلتي ولا تقولي قدامه انه اهله كذابين حتى لو كنتي عارفه مليون بالميه انهم

كذابين ويحاولون يخربون بينكم هم ذولي اهله وما يرضى عليهم

اهم شي تبرري موقفك وانك ما قلت هالكلام ومو مهم تعرفي من الي وصله هالكلام لان مشكلتك مع زوجك مو مع اهله

اذا حسيت انه بتصير هوشه ابتعدي او هدي شوي لان العصبيه عمرها ما تفيد

واخيــــــــــــــــــــرا

حاولي انك تكوني مع اهله رزينه

وتثمنين كلامك عدل وفكري مليون مره قبل لا تنطقين بكلمه خاصه مع اهله

يمكن انتي تكون نيتك زينه بس هم يفسروها شي ثاني

واضح ان زوجك يسمع لاهله

ف مفتاح قلب زوج اهله يعني حاولي انك تتدودين لهم في العيد تهدين امه هديه

او تمدحين خواته قدامه هذا اذا تبين سعادتك

حتى لو كانوا يكيدون لج وتعرفين بكرهم لج

أريج الأقحوان;12725930:

أهلاً بك,,

أختي المشاكل الزوجية هذي لابد منها ولا يخلُ أي بيت منها!!
شي طبيعي,لكن في فرق بين اللي تقدر تنهيها بسلام,وبين اللي تكبرها وما تعرف تتصرف بهدوء.

المشكلة اللي صايرة لك,أقل من عادية,بس الكلام اللي انقال عنك مو عادي,لكن لا تبحثين عن الشخص اللي قال لزوجك الكلام؛لأن بالفعل بتكبر المشكلة,وخلاص إنتِ سويتِ اللي عليك,وأثبتِ لزوجك إنك مو قايلة الكلام.

المهم إنك الآن تتصالحين وياه,وتطلبين منه بعد هذا الموقف إنه ما يصدق كل شي ينقال عنك إلا بعد ما يتأكد منك شخصياً.

أما موقفك:
يعني لازم نعرف إن بين الزوجين لازم نلغي شي اسمه (كرامة)في المواقف العادية,لكن المواقف اللي يخون فيها الزوج ويتعدى الحدود هذي ما ينسكت عليها وتدخلها الكرامة.

فالموقف اللي صار لك ما انذليتِ فيه,عادي,بالعكس قطعتِ الطريق على الشيطان,أما لو جلستِ بالبيت وما رديتِ لبيتك يمكن لا قدر الله تكبر المشكلة,ولا قدر الله مع كثر الكلام اللي بيطلع (تتطلقين)!!

بس خلاص إنتِ لازم تتعدلين,وتعدلين الوضع,حتى ما تضطرين بعد كذا لموقف مثل هذا.
مو كل ما يصير شي بينك وبين زوجك تنطين على بيت أبوك!!
بعدها ما بتلقين أحد يترجاك ولا ينتظر رجوعك..
خليك راكزة ولا تطلعين من بيتك إلا إذا كان شي يستدعي الخروج.


لا عاد ترادين زوجك بالكلام,خاصة لو كان زعلان,بيني اللي عندك وخليك صامتة,واللا اخرجي من عنده خليه يهاوش مع نفسه.

اصبري وطنشي عشان تقدرين تعيشين..

موفقة..

أهات زمن;12726733:
أختي نسيج الخيال : انا ادري اني مو غلطانه ...بس اللي قاهرني يوم اقول له ابي ارجع البيت وهو يقول ليي لا ترجعين قعدي وقمت ركبت السياره ...احس ذليت روحي على شانه