التجمع (16)لامهات شهر اغسطس

صباح الخير ام عزيز شخبارج ؟

ماي بيبي;12745062:
السلام عليكم
ما كو احد بس بغيت اطمنكم عني
ان شاء الله افتقدتوني وسالتو عني
انا بت عنكم هالكم يوم نزلت الاحساء عشان خطوبة اختي
وسمعو شصار لي بعد الخطوبه
بعد ما رجعت من الصاله انتظرنا لصلاة الفجر وصليت ورحت بنام الا احس بالم قووي يبدا في بطني ويشد في ظهري وحتى النونو تتحجر في بطني كان يستمر الالم ثواني او بالكثير دقيقه كنا نايمين بيت حماتي زوجي يوم شافني اتالم مو عارف شيسوي قام جلس حماتي
وجلست جنبنا وقالت هذا شكله الم طلق انا اول شي فكرت فيه قلت لزوجي قوم نروح الدمام خايفه مابي اروح المستشفى هنا :'(
بعدها اقنعوني اني اروح المستشفى يمكن ما يكون طلق وكنت خايفه حدي
رحنا انا وزوجي وحماتي معانا وقالت لي لاتخافين ما بخليك لحالك
رحنا مستشفى الاحساء واول مادخلنا سالنا اللي في الاستقبال ولاده ؟ وبسررررررعه جاب الكرسي وصعدوني على طول على قسم الولاده وخلوني بغرفه وبالغرف اللي جنبي في ناس تولد
اخذو تحليل بول
وقاسو لي الضغط وجات دكتوره فحصتني:o حسيت قلبي طار من مكانه وقالت مافي ولاده
الرحم ابدا مو مفتوح ولاحتى سانتي
وحطو لي على بطني تخطيط للطلق ولقلب البيبي
وقالت في طلق بس مو منتظم وكتبت لي مسكن
في الغرفة اللي جنبنا كانت وحده تولد وكانت تصااااااااارخ وصوتها واصل اخر الدنيا وكانت تقول ابغي عملييييييييييييييه انا مت من الخوف:hysterical: من صراخها وقلت لزوجي وحماتي خلونا نمشي خلاص ما ابغي مسكن خخخخخ
رجعت البيت واستمر معاي الالم الى اليوم الثاني وباليوم الثاني الالم اختفى :cool:
قريت جزء من الواجب بس ماكملته لانه متراكم خخخخخخخ
الف مبروك ولادة احلى

ماتشوفين شر ماي بيبي..

هذا من تعب السفر والحفلة..

والحمد لله انه ماكان طلق..

وانج تطمنتي على نفسج..

والله يهونها علينا..

om meme;12745679:
صباح الخير ام عزيز شخبارج ؟

صباح النور ياقلبي,,,

انا البارحة مغص فضيييييييييييع..

مانمت طول الليل من الألم..

وعيزانة اشوف الساعة..

وحظي الحلو:thumbs_down: ان امي مطرشة لي مسج بالليل تقول انها بتاخذ سيارتها سيرفس الصبح..

يعني على الاقل لين الساعة 9 او 10 ماعندها سيارة.. والكل دوااااام..:(

وانا احاتي باتصل بمن..

حتى اني قمت الفجر اتمشى.. وشربت ماي ورد وزعفران..

اما يروح او يزيد..

واني ام ميمي ايش الاخبار.. واخبار البنات ..نايمين؟

كتبت لج رد مادري وين راح

انه اول امس الفجر يانس نفس هالالم والمغص ذبحني ماقدرت انام وبطني صار يابس واستانست قلت طلق وبس تميت للاذان وهو متواصل صليت ورديت انسدحت ومايات 6 الصبح الا هو مختفي انقهرت تعبت ابي اولد ريولي منتفخة وماقدر امشي من اتحرك احس ان تحت يعورني

om meme;12745754:
انه اول امس الفجر يانس نفس هالالم والمغص ذبحني ماقدرت انام وبطني صار يابس واستانست قلت طلق وبس تميت للاذان وهو متواصل صليت ورديت انسدحت ومايات 6 الصبح الا هو مختفي انقهرت تعبت ابي اولد ريولي منتفخة وماقدر امشي من اتحرك احس ان تحت يعورني

انا مستعيلة على الولادة.. لاني الثقل ذبحني ..وكرهت نومة الليل.. لان مافيييييييييييييي نوووووووووووووووووووووم..

والله يعزج الحمام اذا رحت.. مااقدر اوصل واتطهر عدل..

وظهري ينكسر..

وسوري.. النت خرف عندي شوي.. يفصل..

وين رحتي ام ميمي..
؟؟

توج هني..

انه هني بس رحت افتر في المنتدى انه بعد تعبت وهالمره احس تعب بزياده حملاتي القبليه ماكانت هلون خصوصا ان بنتي الصغيره عمرها سنتين و4 شهور متعلقه فيني وايد احس ما ارتحت غير جذي الكل يحن علي يمكن فيج صبي وبطنج شكله غير فيج صبي وماتبين تعلمين لوعوا جبدس انه مب فارقه معاي بس مادري اشلون من اقول فيني بنت يكون ا لرد اللي حفظته وي صج مسكيييييييينه ل لا ان شاء الله يكون غلط ويطلع ولد

om meme;12745907:
انه هني بس رحت افتر في المنتدى انه بعد تعبت وهالمره احس تعب بزياده حملاتي القبليه ماكانت هلون خصوصا ان بنتي الصغيره عمرها سنتين و4 شهور متعلقه فيني وايد احس ما ارتحت غير جذي الكل يحن علي يمكن فيج صبي وبطنج شكله غير فيج صبي وماتبين تعلمين لوعوا جبدس انه مب فارقه معاي بس مادري اشلون من اقول فيني بنت يكون ا لرد اللي حفظته وي صج مسكيييييييينه ل لا ان شاء الله يكون غلط ويطلع ولد

مادري ليش هالفكرة عن البنت..

اصلاً اذا عندج 3 بنات وربيتيهم عدل...

ان شاء الله بيدخلونج الجنة..

وانا اللي يسألني.. اقول لهم بنت ولا ولاد..

كلهم من عند الله..

المهم سلامتهم وصحتهم.

قمت لين الغرفة شوي.. اطل اذا دانة قامت.. وجاني الم..

صرت ماعرف الطلق من الم عادي.. كله تعبانة..

الحمدلله على هالنعمه غيرنا يتمنى ظفر الياهل بيت اهل زوجي هلون اما بيتنا عادي وانه احب البنات ولو انهم متعبين احبهم وامووووت عليهم ومن يوم انه بنت كله اقول ان شاء الله يصير عندي 3 بنات خصوصا ان عندي بس اخت وحده بس مادري ليش يضايقني هالكلام

انه بعد نسيت تصدقين كأني بجر:):)شنو اسامي عيالج؟

انا ونوران من رحنا المعرض..

انا كنت حاسة اني باشوفها هناك..

كنت مع امي وخالتي وجدتي..

واتصلت نوران تقول لي انا في المعرض.. قلت وانا بعد.. :)

والتقينا..

وامي لما سلمت عليها.. سألتها.."شهرج؟"

قالت اي.. امي قالت مو باين.. فرق بين كرشتج وكرشة بنتي "ام عزوز" طبعاً كرشتي اكبر..بوايد من كرشة نوران..

كأن فيني توم..بالنسبة لها

هههههههههههههههههه

عندي عبدالعزيز
غالية
جواهر ودانة..

خخخخخخخخخخ يا ام كرشه
الله يخليهم لج انه خاطري في غاليه وامي واخواني بعد عاجبهم وماينادوني الا ام غاليه بس زوجي مو مقتنع للحين يقول عايشه على قولته احب الاسامي القديمة قلت له باسميها غاليه وخلاص صوصا ان مافي هالاسم في العايلتين

يوسفوووو قاعد يتمغط .. ذبحني..

وانتي ايش اسم بناتج

مريم ومنيره

أسامي بناتج قديمة مثل ما قلتي....

أنتي ما اتفقتِ معاه إن كل مرة حد يسمي..
؟؟

أنا اتفقت معاه من البداية..

الولد الأول والبنت الأولى عليه.. وبعدها أنا.. وعقب هو..

وجذي.. مرة هو ومرة أنا..

والحين الولد أو البنت اللي الله يجيبهم دوورييي:)

صج باسالج لازم ينزل البطن اتقرب الولاده؟ كل مايجوفوني يقولون بطنج مانزل توالناس عليج يحبطوووني