التجمع (16)لامهات شهر اغسطس

نورالظلام2007;12701908:

بنات اليوم مرت عمي ولدت بعملية
لان الجنين راسة فوق والضغط عندها مرتفع
كانت خايفة لانة في الاسبوع 36 والدكتور قال لها
ان الطفل اذا دخل الاسبوع 35 يكون مهي لخروج لدنياة
الله يكون في عونها اهي تنومت في المستشفى اسبوع علشان ينزل الضغط
ومانزل وقرارو لها عملية
انشاء الله يوم الخميس نروح نزورها

اصغر عروسة;12701918:
يلا بقوم البس قاليي 9 انتين بارزه

اختي تقوليي خلنا نروح مكان غير مرمريز

قلت لها لا مانبي مكان اوبن

لان حالتي حاله ومو حافه ههههههه

يلاا اكلمكم الليل من بيت ابوي

اذا ما رجعت داير راسي وفيي لوعه عاد

**أروى أحمد**;12701991:
نوران ماعليج من الدكاترة ع قولة ام عزوز

نور
الحمد لله ع سلامة مرت عمج وان شالله البيبي بيكون بخير

الرماح المتكسره;12701994:

نوران مثل ما قالت لش ام عزيز
ما عليش من الدكاتره
وكل شي بايد رب العالمين
هذي دلوعه وزن ولدها بس كيلوين وثلاثه جرام وولدت طبيعي

اهم شي لا تتعبين نفسيتش وان شاء الله الاسبوع الجاي تقول لش ان ارتفع

الرماح المتكسره;12702000:

ام عزيز مفتوحه 2 سم
يعني يمكن خلال هالاسبوع تولد

الللاي قريب بتصير عندنا ولاده
بس ام عزيز بعدين ما بنشوفش

:worn_out:تأخري شوي

نوراااااان;12701945:

مساااااااااااااااااااااااااااء الخييييييييييييييييييييييير

الف الف مبرررررررررررررررررررروك ع افتتاح التجمع الجديد
وعقباااااااال مانشوف ولادات فيه ان شاءلله
ومشكووووووووروة مشمشة ع الافتتاح الحلو
ومشكورين لكل البنااااااات اللي سألوا عني وعن ام عزووووووووز
احنا الحمد لله بخيييييييييير
وتطمنوا لين الحين ماولدنا
هههههههههه
بالنسبة لي رحت موعدي ع الساعة 10
وشافو الضغط لي وكان منخفض واايدوالوزن بعد نازل الله يعين
المهم دخلت ع الدكتورة الا تشوف لي وزن وطول البيبي
المهم خوفتني الله يهديها قالت لي البيبي متأخر اسبوع ووزنه قليل وطوله ناقص
قالت لازم يكون وزنة 2600 وفوق عشان تولدين طبيعي من دون طلق صناعي
قلت لها طيب شالحل قالت لازم تاكين عدل هالاسبوع
عشان يزيد وزنة الاسبوع الجاي ومنظطر نولدج احنا وعطتني موعد ع الاسبوع الجاي
المهم طلعت منها ونفسيتس داااااااون وحددددي فيني الصيحة بس الله يجزاه خييييييير ام عزوووووز
فديتها كلمتها وطمنتني وريحت بالي الله يريح بالها
وقالت معليش منهم ان شاء الله تربين طبيعي هذولا الدكاترة كله يبون يخوفونا وبس
فديتها ريحتني بكلامها والله
المهم رحت البيت ع الساعة 11وشي
وام عزوووز راحت المستشفى ع الساعة وحدة اتوقع وقابلت نفس الدكتورة وفحصت عليها لقت عندها مفتوح 2 سانتي
وعطوها موعد الاسبوع الجاي
وبس هاااااااي اخبارنا والحمد لله ع كل حاااااااااال
الله يهونها علينا وعلى المسلمين اجمعييييييين
ادعولي بنااااااات اني اربي طبيعي
وربي حدددي خايفة الله يستر
يااااااارب

ملاك العراق H;12698727:
سلام بنات شخباركم ومبروك علينا التجمع الجديد ولا تهذرون كثير ما نبي يتسكر هالتجمع الا فيه اكثر عدد ممكن من الولادات :D:D
المهم اليوم جنت عند موعدي وما لكيت دكتوري لكيت وحده بدالها بس زينه انا اعرفها لان كل فتره دكتورتي ما تكون هنا تجي هاي بدالها المهم ...
الالم الي جنت احس فيه يا بنات ما طلع وهم :lol::lol:
قالت لي عندج طلق خفيف ولازم تجين يوم الجمعه هذي علشان نشوف وين وصل بس قالت لي الرحم ما مفتوح:(
وطمنتني على كلشي الحمدلله وسالتها متى اولد قالت لي من اسبوعين الا ثلاثه يعني حسب الموعد والله اعلم متى تجيج الولاده ..
يااارب ماا انتظر موعدي ..

{ام عبووره};12699018:
تسلمون كروشات ع دعواتكم الى والشر مايجيكم يارب



حبيت اطمنكم انا اليوم راجعه بيتي الحمد الله تصلحت انا وزوجي

بحرانية حلوة;12699674:

ضيفوني وياكم :(

انا موعدي 1-8 >>> ولد >>> اول حمل :D

بعد شوي بروح اسوي تخطيط حق البيبي .. ادعوا لي كلشي ؤكي

ما لوم;12700837:

ويالله راح اقول لكم تقريري لموعدي ..

رحت موعدي وقاست اليي الضغظ والوزن الحمدلله وزني زاد كيلو واخذوا مني تحليل دم طلع ناقص والدكتورة عصبت عليي لانه كل ما له ينقص
شووي الا الدكتورة طالعه جاتها حالة طارئه ومشت .. وضليت من 10 لحد ما طااااخ " اغمى عليي وما اوتعيت الا وانا في غرفه " خفت سيدة ايدي
اتجهت لدبتي .. لكنها اشوه بعد هي منفوخه .. وعصبت عليي ازيد وقالت اليي شوفي شلون اذا بتظليين ع هااي الحالة ما راح تولدين الا بعمليه
والخوف من النتائج المترتبه بعد العمليه .. وخفت وعطتني برنامج تغذيه ان شاء الله بمشي عليه .. وموعدي بعد اسبوع ..وتوته توته خلصت الحتوته

اصغر عروسة;12700881:
مالوووم تحملي بروووحش له

احنا مشكلتنا الاكل والحبوووب

تاخذين الحديد انتين؟

اني صدق ما آخذه لكن هكو اعووض بالابر

الله يسهل علينا

:‏(‏ التعب كل ماله يزيد


اني ماني قادره من اللوعه

قمت سويت ليي نفيش مالح
واشرب معاه فيمتو الغازي

زوجي يقولي عفيه عليش وجبه صحيه

وش اسوي من اللوعه مو مني :(

اصغر عروسة;12700928:
ام عزوووز ما بينت اليوم! عسى المانع خير

الرماح المتكسره;12701425:

نوران وام عزيز

يا الله دخلو وطمنونا عليكم

لا يكون ام عزيز راحت الموعد وقالو ليها ولاده

ملاك العراق H;12701715:
ان شاء الله رماح الله يسمع منج ياارب ..
نور والله مو كادره امشي كله بالبيت واذا اروح لللسوق بس كد الحاجه الي ابيها واجي ..
ام عزوز اليوم ماكوو لا يكون ولدت ؟.؟.

علاوي دنيتي;12701777:
شخباركم كروشات وشخبار التعب؟؟ الله يعيننا على الثقل
ما لوم أكلي أشياء تزيد الدم ما تشوفين شر
بحرانية حياش الله معانا في التجمع
ملوكة الله يهون عليش
أصغروو الله يعينش على اللوعة
أم عزوز وينش لا يكون ولدتين؟؟

شجون إمرأة;12701810:
بنات اني عندي البول وانتوا بكرامة لوونه باقي شوي ويصير دم يعني مراات يصير جذي وفي نفس اليوم يصير عادي

واني خايفه ولما قلت للدكتورة ما عطت الموضوع اهتمام قالت لي يمكن حتى تشوفين دم بسيط هذا عادي اذا صار نزيف مو عادي

يالله بنات بخليكم


ضربااات قلبي مرة وحده تزيد ومااقدر اتنفس ويدور راسي .. وكل مااقول للدكتورة تقول ليي لان دمش ناقص

اني مو قادره اتخيل نفسي اولد بهالحااال