التجمع (16)لامهات شهر اغسطس

ممشي عوالي
حق شسمه اللي ماينظرون
أو حق تصلخني الشمس

أمس الهنديه اللي تحفني تقولي مدام وتأشر على بطني تقولي في بجا قلت لها أي هههههه ضحكتني

ههههه هبالتها

رموح وصلت لج الرساله

هلا أم عزوز منوره شنو شعورج من بعد موعدج أمس ؟

اقرا الواجب يالهذارين.. من الليل بس 15 صفحة..

لاتروحون..باقي لي 5..

أوكو أم عزوز أخدي راحتج

اصغر عروسة;12703926:
مرحبا كروشات شخباركم

توني من شوي راجعه ,, الحمدلله استانست ,, بس عالعشى ما اكلت شي :( اكلت بس كرات الجبنه كأني بيبي على قوله زوجي ههههه


شسوي احس ماقدر عالاكل الثقيل

المهم خلصنا عشى ورحنا شرينا لنا ايسكرييم

جان يقترحون الجماعه اننا ندخل فيلم

والكل موافق , فقلت ما ابي اخرب عليهم , صج ما بقدر اتحمل وبيعورني ظهري

بس عشان اختي وريلها قلت اوكي

المهم رحنا الدانه نبي نشوف الافلام

وبصراحه الافلام ما يشجعوووون

واني قاخده واقول ويع ولا فيلم حلو

قالوا بيدشون فيلم كراتيه

واني تعبانه واقول لزوجي عاد نص الفيلم نبي نمشي اوكي؟

قالي عيل ليش ندخل؟

المهم بعد نقاشات ووقفه اتفقنا انا نمشي ههههه وليله السبت ندخل الفيلم

بس الحمدلله استانسا وتغيرت نفسيتي

ورجعت بيت ابوي بنام عشان بكره موعدي ويا كيران ,,,


وبديت اجهز شنطتي للمستشفى

ذكروني شنو احط فيهاااا

ادري مللتكم ,, :) معليش استحملوني

كلها شهر وخلاص التجمع بيتسكر وما بيعود فيه اصغر عروسه تمللكم

:‏(‏

اصغروووو زين استانستي..

بس ان سمعت هالكلام منج مرة ثانية ذبحتج8o|

يعني شنو مللتينا..

اصغر عروسة;12705340:
رموحه اني ماحب اروح الا سينما الدانه
ولو ان افلامهم مش ولا بد

بس احس افلامهم انظف من السيف
السيف الوسخين ما يقطعوون


ولو ان افلامهم متنوعه وكشوخ صراحه





وبالنسبه للشنطه
اني حطيت ليي بدلتين
وملابس داخليه واجد
وكوتكس احتياط, ولو ان المستشفى يعطونا
وقطن مال الصدر (حفاظات الصدر)
ونعال وانتوا بكرامه
ومشمر
وفوطه
فرشاه ومعجون
صابون وشامبو
ومشط
ومزيل


وبس
واحس الشنطه خليه
هههههه مادري شنو احط بعد

ذكرتيني احط مشمر..

اذا هاي شنطتج بروحج..

حطي بعد بدلتين يمكن يوسخهم الدم..

وتحتاجين تبدلين..

الرماح المتكسره;12706096:

انزين الحين يعني اذا دخلنا التاسع ما يصير ناكل اناناس

اني عدل خاطري في اناناس وباباي

مادري وين المشكلة في الاناناس..

انا تقريبا كل اسبوع او اسبوعين اكل اناناس.. حامل ولا موحامل..

دعائي دنيتي;12706201:
أم عزيز وش سويتين في موعدش أمس؟؟

الحين باقول..:D

غلا حبيبها;12706465:
لو أولد اللحين صج فن هههههه نظيفه في قراطيسي والشعر مستشور هههههه بس حزت الطلق أتوقع بعرق وباطلع من حجرة الولاده بكشتي

نفس الحالة..اللي تصير لي..

اروح متسبحة ونظيفة..

واطلع جني داخلة مراثون..

عرق وكشة..

غلا حبيبها;12706508:
إذا ماقدرت اجففه بخلي أمي تجففه على السريع قبل لإيجون الأوادم وأتمنى أولد على المغربيه عشان لأن يخلوني خمس ساعات عقب مأولد في حجرة الولاده فوق وينطروني لين ما أبول عزكم الله ويجوفون كلشي أوكي بعدين يؤدوني غرفتي ولين رحت غرفتي بكون ذيج الحزه محد عندي ولأوقت زياره باروح باتسبح وعلى راحه أحسن من أول مايودوني غرفتي إلا الأوادم واقفتلي يم الباب ككك

اصلا اذا ولدتي.. موزين تقومين من سريرج بروحج على طول..

لازم احد معاج..

لانج تفقدين دم مع الوللادة..

وممكن يغمى عليج.. انا جذي كنت في عزوز..

وخصوصاً اذا اصلا عندج فقر دم حتى لو بسيثط.. يعني 11

انا جييييت..

الله يسلمكم موعدي امس رحته على اساس دكتورتي موجودة.. قطرية..

بس ماكانت موجودة بعد..

كانت سودانية بس حليوة..

وسألتها اذا يصير تفحصني ولا لا..
قالت في الاسبوع 37 افحصج اذا عندج آلام..

قلت لها انا ما يصيدني آلام الا اذا وصلت 6 سم.

بس عندي ضغط كبير على المنطقة تحت.. لاعرف اقعد ولا انام واسكر رجولي.. لاااااازم مخدة بينهم.

قالت بافحص.. بس ماراح احرض الولادة لو مفتوحة..

قلت خلاص نتوكل على الله..
وطلعت مفوحة 2 سم<<نورااااان حرقتي السالفة...

وسوت لي تخطيط..لان يوسفوووو قلت حركته وايد عن قبل..

والحمد لله كل شي اوكي..

وطبيعي..

وعطتني موعد على الاسبوع الجاي..

اقرب شي الخميس.. وبعد مو عند دكتورتي..

وعيت اليوم الصبح على الم خفيف.. ومطول شوي..

في نفس الوقت يوعااااانة..

عشان جذي قمت وقلت اسولف وياكم احسن.. عشان اذا في شي..

انتوا على الهواء معاي مباشرة..

ابلغكم واروح اولد..

ههههههههههههههههه

صباح الخير

شخباركم

نمت ساعتين وقعدت :( واحس روحي مصدعه

اصغر عروسة;12706691:
صباح الخير

شخباركم

نمت ساعتين وقعدت :( واحس روحي مصدعه

صباح النور على البنور..

صباح الخير للغاليين

وحشتوني

الف مبروك والحمدلله على سلامة اللي ولدوا والفال لنا ان شا الله

هذا احنا.. والله انا مثلج.. اصغرووووو..

صرت اكره النوم..والسبة اني اقوم من النوم ولا كأني نمت..