قربت انفجر والله

:confused: :confused: :confused: :confused: :confused: :confused:

حبيبتي الغالية ... اول شي الف الف مبروك .. والله يكمل لكم على خير انشالله ... بالنسبة لمشكلتج ... فهي كانت معاي بس معكوسة .. يعني كنت انا اللي اصد و ما احب اطلع و ما اهتم .. بحكم انه كان غريب عني .. بس هو بتصرفاته و اسلوبه و طريقة و اهتمامه قدر انه يغيرني ... المشكلة بالنسبة لي اهون لاني بنت و سهل التأثير على البنات .. بس انتي شوية اصعب و يبيلج شوية صبر .. يمكن راح تتعبين شوية .. بس انشالله تلقين نتيجة بالاخير .. حاولي انج تفاجئينه .. غيري روتينكم .. و بما انكم مالجين .. فهو ريلج و حلالج .. حاولي انتي تقدمين له اللي هالمواقع هذي تقدمه له .. بس طبعا كل شي بحدود .. انا اقصد انج تلبسين له لبس حلو يعجبه .. تتدلعين عليه .. تتغشمرين معاه .. حاولي تملين وقته .. خلي كل وقته مشغول فيج .. بس طبعا باعتدال عشان لا يمل .. فاجئيه انج حجزتي ظاولة للعشا بمطعم مثلا .. او قولي انها هدية من الوالدة او واحد من اخوانج .. شوفي شنو اهتماماته .. شنو يحب ؟؟؟ واستغيلي الامور اللي يحبها .. مثلا لو يحب الكرة وتعرفين اي منتخب ويكون في مباراة لهم مثلا قوليله اييج البيت يطالعها عندج و تزهبين له العصير و الكيك مثلا او لو يحب مثلا .. السيارات .. فاجئيه بهدية شبابية لسيارته و استعيني باخوانج بهالموضوع .. فهمتيني ؟؟ حاولي تشاركينه اهتماماته ..
انتي تقولين انكم تحبون بعض .. الحب وحده ماهو كافي .. مع الايام و المشاكل ترى يروح و يتبخر الحب و يا اما يبقى بداله الاحترام و التقدير او يبقى مكانه الملل و المشاكل .. و هذا يعتمد على شطارتج .. ادري انه الموضوع صعب شوية .. بس هم ادري انج قدها .. حاولي و انشالله الله يهديه و يوفقكم انشالله ..

اختج : عبير

مرحبا

انه مو رومانسي ترى هذا عيب اغلب الرجال
لان البنت رومانسيه فتتوقع من الرجل انه يكون مثلها ( هذا مو عيب )

عيبه انه يقطع في صلاته وان مدمن على مواقع مو زينه

وهالعيبين مو بيدج تغيرينهم بس بيدج تتفاهمين معاه

الله يوفقج

وصلي استخاره لان الحب مو كافي للزواج

بدون زعل لو ما انصلح حالة و انتوا مخطوبين لن ينصلح حاله بعد الزواج

و قلبى فى مشاكل المنتدى المختلفة و ستجدى متزوجات يعانوا من تلك الاشياء

السلام عليكم
يا اختي كل المشاكل تتحل مع الحب ومادام منه فايده ويرجع يعتذر اذن في أمل ولازم ما تملين .
بخصوص انه يقطع في صلاته احيانا كثير يمر الانسان في هذه الحالة لكن مع التذكير وحاولي انك تكلمينه بطريقة غير مباشره لان الرجل بطبيعته ( الأغلبية ) عنيد وما يحب أحد ينصحة وخصوصا المرأه.
اما بخصوص المواقع الإباحية فهذه المشكلة راح تنحل ان شاء الله لما تكونين في بيته انتي بطريقتك واسلوبك راح تقدرين تخلينه يترك هالمواقع ويتحول لك .
على فكره حتى مشكلة الصلاة راح تكون اسهل في حلها لما تكونون في بيت واحد .
والله يوفقك ان شاء الله ولا تنسين تدعين له بالهداية

شوفي حبيبتي ... هذي يسمونها مشاكل ماقبل الزواج .. بس مشاكل مابعد الزواج ترى اكبر ...


هذي هي الحياه .. كل وحده فينا كانت حاطه فارس لأحلامها ويوم يا فارس الأحلام .. طلع فارس بس بالمقلوب ..


حبيبتي لاتكونين حساسه وايد .. ترى أغلب البنات مثلج إلي الله هادنهم..

يعني لو كان خطيبج بنفس الوصف إلي وصفتيلنا إياه جان ما قبلتي فيه من البدايه صح وإلا انا غلطانه..

حطي مقابل كل شئ مش حلو فيه شي تحبينه فيه ...
مثال:

"مافيه ذره من الرومانسيه" = "احنا نحب بعض موووت ومناسبين لبعض من جميع النواحي"

يعني انتي ما تتناسبين مع شخص ثاني ... حاولي اتحطين الشئ الزين قبل الشين


أما من ناحية الصلاه ... ترى نحن ما نحب نتعب شوي يابنات الخير .. ترى الريال إلي مايصلي نحن الحريم نقدر نخليه يصلي وناخذ أجر صلاته بعد .. يعني بدل ما نتركه في ظلمته ونقول هذا مايصلي .. ليش مانتم وراه لين مانخليه يواضب على الصلاه "ان كيدكن عظيم" خل يكون كيدنا في الصلاح لشخص نحبه ونبوس تراب رجليه اجسن صح وإلا انا غلطانه

"إن الصلاة تنهى عن الفحشاء والمنكر"
المواقع الإباحيه: عشان مايصلي ... يعني لو تعرفين الوقت إلي يكون هو فيه على النت .. يا بيكون بعد الظهر أو بيكون قبل الفجر ...
وأنتي مثلا لو تتصلين فيه في هالأوقات وتنبهينه ان وقت دخول صلات العصر قرب .. وبعدين تتصلين وتذكرينه ان يقوم يصلي .. وبعدين ترجعين تتصلين وتتأكدين انه صلى العصر أو الفجر... بالتالي فهالشخص من نفسه مابيدخل هالمواقع....


اتمنى اني أكون أفاديتج


أورفوار


لــــــــــــــورا

هلا اختي اذا انت حبه تكلميني راح اعطيك ايميلي ........وبتلاقي انشاء الله الحلول الي بتريحك والله يوفقك انشاء الله وبالمناسبه قوليله يسمع مجموعة جاسم المطوع فن الحوار العائلي جداااااااااا رائعه......

انا اتوقع بانه دلع بنات

ويمكن تطالعين الافلام المصريه القديمه وماثره فيكى

واحتمال خطيبك يحترم اخوانك وابوكى ما يطلع معاكى لانه مافى دخله
لحد الان ويخاف انه لما يتوحد معاكى مايصبر عنك .

اعتقد بعد الزواج راح يتغير تغير جذرى

شكرا لكل الا اهتموا بموضوعي وردوا علي:clap::clap::clap::clap:



اخو ابو العتاهيه :


انا مو رومانسيه بزياده علشان تقول اني اطالع افلام كثير انا طبيعيه جدا وماطلبت زود عن حقي واصلا حتى الرجال لو كانت الزوجه معاهم جافه راح يفتقدوا الرومانسيه ويدورا عليها عند غيرها هل في هالحاله احد يقول عنهم متأثرين بأفلام التليفزيون؟؟

ثاني شي انا مملوكه له يعني ماراح يمتنع لو حب وهذا حقه...


اختي شعوووله : انا ضفتك عندي وان شاء الله اشوفك قريب



اخت لورا :
كمن ناحيه الصلاه ماحد يسوي مثل الا انا سويته له

تكلمت معاه بهدوء وخبرته ليه احنا نصلي وايش فايده الصلاه وقلت له كل شي عن الصلاه يعني بإسلوب محترم ولبق ولين والمشكله ان الكلام الا قلته هو يعرفه ويعرف الأكثر والأهم كمان يعني لو تكلم معاي بالدين هو الا راح يفحمني

وعلى حسب رايك اكلمه وانبهه وقت الصلاه مستحيل يقوم يصلي اوقات كثير اكون معاه مايقوم يصلي مع انه يشوفني اقوم اصلي هل تتوقعي انه يسويها وانا بعيد عنه؟؟؟

اخ فوزي : انا تقريبا معاه 24 ساعه لأن احنا مملكين وانا بالبيت لحالي يعني اخواني وخواتي كلهم متزوجين بس في بيتهم ارتاح اكثر مع اهله وهاشي طبيعي عندنا لكن مع هذا ماتغير يعني كيف بيتغير بعد الزواج؟؟؟




اخت سويب : اعتقد من المستحيل ان احنا ننفصل لأسباب خاصه جدا ..



اخت ماهينور : تفاهمت معاه بجميع الطرق ومافي فايده..




اختي عبير الشوق : انا البس له واكشخ وهو يمدحني ويتقرب مني اكثر واكثر ومايقاومني ابد واتدلع عليه واذوبه كمان وافاجئه من حين لحين بحركات حلوه على قدي ويستانس فيها بس عيوبه ماتتغير..




اتمنى تساعدوني وشكرا لكم كلكم

هلا حبيبتي مشكلتك والله نفس مشكلتي وتقدرن تراسليني على الخاص عشان اقولك اني حتى انا ماني قادره احل هالمشكله وعشان تنصحيني وش اسوي اذا عندك دوا

اختي ام اصييل واللةه ماادري ايش اقولك لاني واقعة في المشكلتين نفسها الصلاة والاباحية بس انا قبل الزواج كنت بريئة وما اعرف اعرف ايش هذي الافلام بس كنت اسمع عنها المهم بالنسبة للصلاة انا احس انه الطريقة الافضل انش تكونين له قدوة يعن اذا ان شاء الله وتزوجتيه خليه دائما يشوفك وانتي تصلي واكيد راح يتأثر بدون ماتوجهين له نصائح مباشره بس المشكلة الثانيه مالقيت لها حل بغم محاولتي اغراءه وعمل كل شيء لارضائه وفي النهاية لافائدة فما علينا الا الدعاء لانه مثل الادمان
لو ولف عليه الواحد ما يقدر يستغنى عنه ولايمكن تقصير منا ماني عارفة
المهم يبغى لنا نسال رجاجيل ايش اللي يخليهم يطالعون هالاشياء المهم انا احيانا لما اواجهه ينكر واحيانا ما ابغى احرجه واحس انها اهانة
في حقي يعني اقول خليها في القلب تجرح ولا تطلع لبره وتفضح الى ان
اصبحت اشعر بحالة احباط ولما يقرب مني احس اني مقهوره زيادة
:mad: ياريت اذا لقيتي حل ماتبخلي علينا000

من عيوني اختي وياليت بما ان عندنا نفس المشكله انك تراسليني عالخاص:confused::confused::confused::confused::confused:

مرحبا اختي ام أصيل

اول اشي الصراحه اني مب متزوجه بس احب افيدك بما انو عندي صديقات متزوجات :o

اول شي اختي انتي ذكرتي انه زوجك مدمن مواقع أباحيه المفروض بعد الملكه انه يقدر يختلي فيكي لو حب ويترك هالعاده السئيه وبعدين بما انو يقدر يشوف مواقع اباحيه معناه انو يقدر يمارس الزنا بعيد عنك ولو سنحت له الفرصه ما راح يتردد والسبب انه ما عنده رادع ولا خوف
وعلمه بالدين المفروض يفيده مو يضر نفسه

وتقولين انو ما يهتم فيكي ولا جيب خبرك في شي وانتي تهتمي فيه
وهو ولا على باله

والشي الثاني تقولي انو مافيه ذره رومنسيه لو تكلمتي معاه ومافي منو فايده


والشي الاهم والاكبر انو يقطع بالصلاه !!
وهذا يعتبر كفر وفسخ للعقد لعلمك الخاص

ابي اعرف في أي ناحيه انتو تحبو بعض موت اذا هذي هي كل مشاكلكم وهو مو مهتم

اختي انتي تكذبي على نفسك ولا عليه ؟؟!! مع احترامي

هل كان لك علم بكل هالأمور وتزوجتيه ؟
ام انك اكتشفتيها بعدين

هل تستطيعين انك تدخلين احد من أهله اواحد من المقربين من اهله عشان يصلحو بينكم اذا تقدرين حاولي ولا صدقيني بعد الزواج راح تتندمين لاتقولي هذي الامور تقدري على حلها بالعكس راح تتعقد وتكبر بعد الزواج

اما بالنسبه أنك ما تقدري تنفصلي عنه لأسباب خاصه . . احترامي لحياتك الخاصه بس لو ما فادت معاك في انك تصلحيه بالعكس الانفصال افضل

الحياه الزوجيه مش بس حب يا أختي الله سبحانه وتعالي يقول وخلقنا بينكم رحمه وموده , , , مش الحب يا أختي الرحمه والموده هي الاساس والاحترام المتبادل بين الزوجين , , الحب شي أساسي في الحياه الزوجيه لمه يكون الطرفين متساوين في الزواج والتفكير والتفاهم

والخبطه يا اختي عشان فتره تفاهم بين الزوجين ويعرفون انهم مناسبين حق بعض او لا والحياه لا تنتهي عند شخص معين , , ,

اخت عبير الشوق اقترحت عليك اقتراحات حلوه والصراحه ماقدر اضيف عليها

بس اذا ما فادت يا اختي لا تعيشي نفسك في وهم , , صدقيني اختي صديقتي كانت تعاني نفس مشكلتك وحاولت كل الحلول وصبرت عليه وبعد الزواج اصبحت حياتهم الزوجيه لا تطاق من المشاكل والمشكله ما تقدر تتطلع الحين والسبب عشان انها سكتت من ايام الخطوبه على خطيبها وتصرفاته , , في نوع يا أختي ما يترك طبعه , ,,

والرأي في الاول والاخير لك واسأل الله ان يهدك سرك معاه وادعي له عسى الله يهديه , , , وخلي في بالك يا اختي احنا مخيرين مش مسيرين يعني ما في شي اسمه ماقدر .. اول تحول

تحياتي :shy:

تحياتي

هلا اختي ام اصيل
انا حبيت اقولك انه انا الان في نفس حالتك ووضعك يعني (مملكة)
وخطيبي هذا او بالاحرى خطيبي السابق لانه بعد ايام راح نفسخ عقد الزواج
اقولك انه خطيبي هذا مافيه اي نوع من الرومانسية وجاف جدا لدرجة انه مايوم مدحني حتى في ابسط الاشياء ودوم ينتقدني
واذا كان معنا احد من اهله شوفي معاملته لي يبين اهتمام ويقترح نطلع طلعات
وفي الاخير اكتشفت بعد 11 شهر من خطوبتناوبعد كل شكوكي وظنوني انه يخوني مع اقرب انسانة لي مع الانسانة الي ربطت بينا وان سبب عدم اهتمامه ولامبالاته هو انه كان يمشي في طريق الغلط
انا ماابي اخوفك ولاشيء بالعكس يمكن تكون اسباب مشاكلك مختلفة عني تماما ولكن راجعي نفسك وتفكيرك وحاولي تنقذين نفسك وخطيبك باي وسيلة
ولو تبيني اراسلك او تكلميني ارجوك ارسلي لي على الخاص
وشكرا

هلا اختي ام اصيل
انا حبيت اقولك انه انا الان في نفس حالتك ووضعك يعني (مملكة)
وخطيبي هذا او بالاحرى خطيبي السابق لانه بعد ايام راح نفسخ عقد الزواج
اقولك انه خطيبي هذا مافيه اي نوع من الرومانسية وجاف جدا لدرجة انه مايوم مدحني حتى في ابسط الاشياء ودوم ينتقدني
واذا كان معنا احد من اهله شوفي معاملته لي يبين اهتمام ويقترح نطلع طلعات
وفي الاخير اكتشفت بعد 11 شهر من خطوبتناوبعد كل شكوكي وظنوني انه يخوني مع اقرب انسانة لي مع الانسانة الي ربطت بينا وان سبب عدم اهتمامه ولامبالاته هو انه كان يمشي في طريق الغلط
انا ماابي اخوفك ولاشيء بالعكس يمكن تكون اسباب مشاكلك مختلفة عني تماما ولكن راجعي نفسك وتفكيرك وحاولي تنقذين نفسك وخطيبك باي وسيلة
ولو تبيني اراسلك او تكلميني ارجوك ارسلي لي على الخاص
وشكرا