ولدي عمره 2 يسهر مع اخته يقين 4 سنوات

الاولاد على حسب نوم امهم

يعني انتين ادا تسهري بيسهروا معاش

وحاولي تقعديهم من النوم بدري ولاتخليهم ياخدوا غفوات في النهار

قعديهم 12 او 1 الظهر وخليهم يناموا الليل 12 او 1 وان شاء الله يعتدل نومهم

حاولي توعينهم من وقت

يعني الساعه 9 ولا 10 الصبح

ولا تخلينهم يرقدوون

وطبعا خليهم يلعبون ولا وديهم البحر ولا الحديقه بالعصريه عسب يلعبون ويتعبون .,,,

وحاولي تعشينهم من وقت وتقردينهم من وقت

وان شالله فتره ونومهم بيعتدل

وربي يحفظهم

شوفي بعطيج حل بنتي كانت عادي تسهر بس عاد مو للفجر يعني ممكن للساعة 1 او 2 عادي ولو خليتها عادي بتواصل فشو سويت حطيتها بمركز صيفي بس اسبوع عشان تصحي بدري يعني 6 ونص تصحى فأول يوم ما نامت بدري طبعا كالعادة وصحيتها بالغصب الساعة 6 تقريبا وراحت المركز وردت الساعة 2 الظهر وبعد الغدا كانت مدوخة بس يلست اسولف معها والعصر انشغلت بالتلفزيون واللعب ومن أذن المغرب عشيتها والساعة 8 نامت للصبح وخلاص انحلت المشكلة الحين تنام حدها 9 وتنام يعني اليوم الي بتروح الصيفي تنام 8 وتكون مدوخة من قبل 8 بس تعرفي أذان المغرب ولين أصلي وأعشيها حتى مرات أجهز العشا قبل المغرب لها أدخل أصلي المغرب وأخليها تتعشى وأكون مسبحتنها قبل من أخلص صلاة المغرب أجلس معها شوي ربع ساعة وأدخلها تنام عشان ما تنام بعد الأكل مباشرة وأحاول بعد أعشيها خفيف يعني بيضة وبس أو صمونة وحدة أو تشرب حليب لأن أحاول وبضرابة العصر أعطيها فواكهه والحمدالله صار الوضع شوي أحسن عندي
فإنتي شو تسوي الحين حاولي ادخلينهم يعني عشان تعودوا على السهر نيميهم لو 12 أو 1 بس قوميهم الساعة 9 لو بالغصب ولا تنيميهم الظهر كل ما تشوفينهم بيناموا اشغليهم صدقيني هو بس اول يوم او يومين بالكثير خلاص ولا تخليهم يسهرون لبعد الساعة 9 بعدين لا حدهم 8 ونص وأصلا بتشوفيهم مسكرين من قبل بسبب التعب واللعب ولا يجلسوا عن التلفزيون لأن ما بيكون بذلوا مجهود خاصة أول يومين خليهم يتعبون وبعدها بيرتاحوا صدقيني ومثل ما قلت لج لا تحاولي تسهرينهم لبعد 9 لو عندج شغل نيميهم وبعدين سوي شغلج بترتاحي أنا حتى السوق صرت اروح أخلص مشاويري العصر عشان ما أطلع بعد المغرب ومرات ممكن اخليها تنام وأطلع أخلص مشترياتي هذا لو كان شي ضروري طبعا وبيكون عندها حد بالبيت لو صحت يرجع ينومها فعادي تراها مو مشكلة هي تعود سويها من اليوم حتى لو صحو متاخرين اليوم طلعيهم يلعبون لعب متعب بيرجعون البيت منهد حيلهم يتسبحون يتعشون بيناموا على طول وخبرينا عاد شو صار معج

يسهرون مع من ؟؟؟ أكيد انتي سهرانة عشان جذي يكون نظامهم من نظامج !

حاولي تقعدينهم الصبح من وقت يعني ما يتخلينهم ياخذون راحتهم في النوم بنهار عشان يظبط نومهم بالليل

حاولي حبيبتي تعدلين نومهم حرام وايد صغار على السهر
البنات ما قصروا بنصايح

الاطفال يمشون على نظام البيت يني مو معقوله يحطون نظام لروحهم
فعشان جذي حبيبتي انتي لازم ترتبين موعد النوم تصحينهم الصبح يوم يومين وبيترتب موعد النوم انشاء الله المسأله يبي ليها اشوي تعب واهتمام منك حبيبتي مهما كان بعدهم صغار تقدرين تصيطرين عليهم والله يخليهم ويهديهم يااااااااااااارب

مشكورين على النصائح وسويت مثل ماقلتوا والحمدالله ماسهروا
واني مأسهر اصلا