قصة ولادتي بالتوينز

fooshe girl;12676829:
السلاام عليكم
حبيت اكتب لكم قصة ولادتي بتوامي (محمد ومحمود) والي الله اخذ امانة واحد منهم

المهم من بداية حملي وكنت اراجع بالخاص مافكرت اروح حكومي بس بعدين قالو لي اذا الولادة بتصير في السلمانية لازم اتابع في المركز ورحت من اول زيارة حولوني على الفاتح لان توأم ورحت مره الصبح وماعجبني الوضع كان زحمه وماخلصت الا متاخر فقلت بروح الفاتح العصر الخاص ادفع فلوس ولا اتم في الزحمه وسألت في المنتدى عن دكتورة زينه ورشحو لي دكتورة امل حساني وخليت متابعتي عليها
في شهر الرابع من حملي كنت رايحه عند دكتورة فهيمه عشان تحدد لي جنس البيبي وقالت لي ان اثنينهم في مشيمة وان واحد اكبر من الثاني ب3 ايام بس هذا شي طبيعي وقالت لي لازم شهريا اسوي اتراساوند عشان اجيك الفرق بينهم لان اذا في مشيمة وحده احتمال واحد ياخذ من دم الثاني ويكبر على حسابه وقمت اجيك شهريا وكان يزيد الفرق بس شوويه وقالو لي طبيعي وكان اخر مره جيكت نهاية السابع كان الفرق بينهم اسبوع وقالو لي بعد طبيعي اسبوع
ومن نهاية السابع خليت متابعتي بس عند دكتورة امل حساني في الفاتح الخاص بس ماكانت اجيك لي اعمارهم ولا الوزن تقول لي من الشكل يبين عليهم حجمهم اوكي اجيك لي بس الدقات والماي والمشيمة وتقومني هذي كانت كل ما اروح لها تسوي لي جذي وتمشيني وانا عبالي شاطره ان تقدر من النظر وتعرف كل شي وكل مره انا اقول لها ابي اعرف وزنهم تقول لي لالا اوكي يبين عليهم واذا بقعد اجيك الوزن يبي لي نص ساعه على كل واحد!!!!
انا كنت اقول لها ابي اعرف وزنهم فضوول بس لاني نسيت الكلام الي قالته لي دكتورة فهيمه لان اكثر من دكتور طمنوني ان كل شي طبيعي
المهم كان واحد من التوينز معترض وقالت لي ما بتحدد لي عملية يمكن يعتدل بتعطيني جانس ووصلت الى الاسبوع 38 وجم يوم وكان موعدي تاريخ 7-7 وجيكت لي وطلع الثاني معترض بعد فحددت لي عملية يوم ثاني وترقدت نفس اليوم فهاليوم جيكت دقات قلبهم كانو اوكي
وبالليل لما ترقدت بعد حطو لي التخطيط وجيكو الدقات بعد كانت اوكي
والساعه 5 الفجر جابو لي ثياب العملية ولبستهم وركبو لي الهوز تكرمون مال البوول وكان اكثر شي ألمني والساعة 8 خذوني بودوني غرفة العمليات بس كان في حالة مستعجلة فرجعوني الى الساعه 9 ونص خذوني مره ثانيه وودوني غرفة الانتظار وتميت هناك ساعه الا ربع تقريبا وجيكو دقات قلت البيبي وكان اثنينهم اوكي
على الساعه 10 وشوي دخلوني غرفة العمليات
10 ونص طقوني ابر التخدير في الظهر كانت دخلت العمليات وكنت اصيح خايفة من هالابرة كانت تألم بس مستحمله كل شي واقول كلها ساعه واجوف عيالي وبنسى كل شي
المهم من عقب التخدير على طول ابتدو في العمليات كان التخدير موضعي وشوي وحسيت من كلام الدكاترة الي هناك ان في شي وقامت تسألني الدكتورة تراجعين عند من قلت لها امل حساني قالت لي ما اجيك لج اوزانهم؟! قلت لها لا ما كانت ترضىى وقالت لي من اي شهر اتابعين وياها وكانو دكتورين مال التخدير واقفين وراي وسيده مشوو حسيت ان في شي وقمت اصيح اقول لهم شفيه ولدي والدكتورة حاقرتني جم مره اسألها سمعتها تقول ان واحد سليم يعني عرفت ان الثاني فيه شي وكل ما يمر احد صوبي اساله شفيه ولدي وانا اصيح محد يجاوبني عقب قالو لي مافيه شي بس تعبان شووي اقول لهم مات يقولون لي لا ماسمعتيه يصيح كان واحد يصيح بس
وقمت اصيح وعقب مادري شنو طقو لي ابر في السيلان وخدرووني غمضت عيني وماقدرت اتكلم بس كنت اسمعهم شقولووووون وعلى الساعه 12 خلصت من العمليات ودوني غرفة ويايي ممرضة قالت لي بتم ساعه كاملة وياي اجيك الضغط كل شوي واجيك دقات القلب اذا كل شي اوكي بطلعني عقب ساعه وانا كنت اصيح ذتبحه روحي ابي اعرف شفيه ولدي الثانيه وقالت لي لا تصيحين عشان لا يرتفع عليج الضغط وبتمين اكثر من ساعه وحاولت امسك روحي وما اصيح بس عشان اطلع بسرعه واجوف اهلي وسالهم عن ولدي
عقب ساعه طلعوني وماجفت احد من اهلي ولا زوجي استغربت بس جفت حماتي وسألتها عن ولدي قالت لي دقات قلبه ضعيفه وخالينه في الشيشه
عقب امي جت لي الساعه 3 ويا اختي وسألتهم وقالو لي نفس الكلام دقات قلبه ضعيفه وزوجي بعد نفس الكلام بس ماكنت مصدقه حاسه ان في شي غيررر
وعقب ابوي اتصل فيني وكنت اصيييح الا يقول لي ماعليه الله اخذ امانته الحين احسن مما تربينه ويكبر ويصير عمره سنة ويروح منج قلت له يعني ولدي ماااااات هو عبالي ان دريت لان سمعني اصيح عقب قال لي لا لا يعني اقول لو الله اخذ امانته اكا عندج واحد
وسألت زوجي ولدي مات صح عقب خبرني قال لي اي:'(
انا عرف على طول السبب ان واحد كان ياخذ من دم الثاني من اسألة الدكتورة الي بالعمليات ولان سألت عن اوزانهم وكان فرق وايد بينهم
بس الدكتورة قالت حق زوجي ملتف عليه حبل السري وزوجي يوم قلت له لا مو الحبل السري قال لي ان صج ما كان في اثر للحبل السري على رقبته وطلب التقرير من المستشفى وما رضو يعطونه اياه

بس على كل حال الحمدلله على النعمة الي عندي اياها والله مايسوي شي الا فيه صلاح لي
ومسااااااامحة طولت وووووايد بالكلااااام
والي تقرى قصة ولادتي تدعي لي ان الله يخلي لي محمود ويطول في عمره