انا اختكم عيون الظبي كنت اتابعكم من بعيد لبعيد وساعات ارد
واستفدت منكم واااايد بصراحه عسى يارب يوفقكن اجمعين
واليوم حبيت اطرح مووضوعي الي هووو
طريقة ازالتي لشعر جسمي كللللله
بدون استثناء اي منطقة
وبقول لكم شي قبل لا ابدا
انا اول مابلغت ماكان عندي حد يفهمني اني لازم اشيل شعر جسمي لانه من الاساس كان واايد خفيف باستثناء بعض المناطق مثل الابط والمنطقة الحساسه
المهم بداياتي كانت ويا الموس العادي الي مال الرياييل خخخ
بعدين اكشتفت اكتشااف عظييييييم انه المناطق هاذي استوت اغمق عن لوني بحكم اني بيضه
المهم قلت ليش ماهتم
ببتدي اول شي
بايدي وريولي كيف اشيل الشعر منهم
عندي طريقة ماتخلى عنها ابدا والي هييه الحلااااااااوه
وانا بذات استخدم حلاوة ميييم ياربي اتخبل تخلي الشعر كللله يرروووح وتنعم المنطقة
وهاذي صورتها
انزين بالنسبه للي بتسال عن طريقة استخدامها
اول شي حطي الرول مالج بقلاص _كوب _ كوبايه خخخ
وحطي فيها ماي حاار وحطيه داخل تقريبا 10 دقايق
وبعدين شلي الرول من داخل وابدي حطيه الحلاوه ع جسمج عكس اتجاه نمو الشعر
وحطي الخلقه –القماشه – القطعه
وشلي وجوفي كييف ونااسه والله تحسين انه جلدج صاار شي ثاني خخخ
انزين اما للمناطق الثانيه
المنطقة الحساسه انا اتبع سنة رسولنا عليه الصلاة والسلام
الي هييه الحلاقه مع بعض الاشياء الي اسويها عقبها
طبعا استخدم مووووس
واكييد معظمنا يعرفه
وهاذي صورته
انزين اشيل عادي مثل كل الناس و عطول يكون عندي زيت بيبي اويل
وهاذي صورته
وادهن به المنطقه
اتريا تقريبا تمر ع الاقل سبع ساعات
وابدا امسح المنطقه هاذي بليمونه
معررروف الليمون انه يبيض
وبعدا احط زيت بيبي اويل نفسه
وخلاص تقريبا اتم ثلاث ايام ادهن المنطقة ولاحظت انه شعر المنطقه هاي خففف من شوو لاتسالوني المهم
الحينه اني للباط
استخدم لها حلاوه ميم بس مش الرول
لا لا العجينه العاديه
وهاذي صورتها
واشل عاادي مثل الناس عقولتهم هههههه
وبعدين اتريا تقريبا يمر يوووم كامل
وابدا امسح المنطقة بليمونه
وبعدين على طوول اسير اسبح
واحط لي من الملح المقشر وهاذي صورته
واقشر المنطقة
بليفه عدددددل وبعدين اجوف باطي يلق ماشاءالله لا سواد ولا شي
بقى لي بس شعر ويهي
اشل شعر الشنب
بالخيييط مع انه مايطلع لي وايد قولوا ماشاءالله
وويهي ماقدر احط عليه اي شي لا خييط ولا شي اقتصر بتشقير الشعر وخلاص يستوي اوك ومايبين اصلا انه فيني شعر لانه انا شعري جدا خفيف ماشاءالله بس مثل ماقلت باستثناء بعض المناطق
وبسسسس
هنيه موضوعي خلص
اتمنى انه ينال اعجابكم وتستفيدون منه وعطيتكم اي معلومات ناقصتنكم عن اي شي من المنتجات المذكوره اعلاه
ولاتنسونا بالدعاء خواتي
والسموحه
همسه الموضوع متعوب عليه جد يابنات والصور من جوجل للامانه بسس
الي تبا تنقله عليها بالف عافيه
بس لاتنقليه عزيزتي لمنتدى كله رياييل
منتدى نسائي واذكري اسمي واسم المنتدى حفظا للحقوق