شو احسن كريم للاستشوار

بــصــراحـــة أنا أســتــعــمــل كـريــم مـــن ويــلا,,,,,,,,,



وهــو جـــداّ رائــع,,,,,,,,




تــحــيــاتـــي,,,,,,,,,,,,

انا استخدم زيت اسمه pure gloss
والصراحه روعه ماعليه كلام
وخو لونه ابيض شفاف
تستخدمينه قبل وبعد الاستشوار
يعطي شعرج لمعه ولا اروع


وبعد فيه زيت اسمه اضن زيت الحيه
وهو بعد نفس مفعوله

تحياتي

اني شعري عقب الاستشوار بساع يطاير ( يكش ) يصير شكله ماساة !

هذا الكريم يفيد فيه ؟ وهو من اي ماركة ومن وين ناخذه ؟

شوفي انا فاهمه قصدك كيف يكش انا انصحك( بهير ماكس) فضييييع للشعر بس لاتكثرين وريحته تجنن اول ماتخصلين استشوار امسحي بخيف على شعرك يعني يادوب مرري اطراف اصابعك على شعرك وهي فيها الكريم بيطلع مرررره حلو:up:

**فيه هير ماكس بالعسل هذا حلو تحطين منه يادوب على الشعر مش الجذور ماعليك من اللي مكتوب على العلبه ارفكي الجذور لالالا لانه يزيت بس من فوق وخليه زين ماتبين وبعدين اسبحي واذا استشورتي حطي من هير ماكس اللي لونه ليموني بيطلع شعرك تحفه:up:

اتمنى اني افدتك

تووووني مسشوره شعري و الله ههههههه

عاد انا عاده ما اسشور شعري بالبيت ما احب و الله اتعب هههههههه

لما كنت اروح الصالون كانت تحط لي سيروم و تقول انه يلمع الشعر و حلو حق السوار طبعا انا ما كنت ادري شلون

رحت شريت مثله و قمت احط منه و فعلا لاحظت هالشي ان شعري ما قام يتقصف نفس قبل

و صاير يتسشور بسررررررررعه ما ياخذ مني وقت وايد مثل قبل و ما يدهن الشعر اهم شي

و ثاني شي تقدرين تحطين منه شوي بعد السشوار على الشعرات الصغيره اللي توقف جنها قرون ههههههههه

اسم السيروم كريستال سيروم و بكل مكان تلاقينه و ريحته حلوه و الله

حتى بدون سشوار ينفع و الله

انا احطه بعد الشاور و الف شعري و لما اقعد يصير شعري فيه تموجات حلوه و الله

انصحج تجربينه و الله كل الصالونات يستخدمونه ;)

مشكورة اختي ع الموضوع المفيد
انا سمعت عن كريستال سيروم بس ماادري وين يبيعونه فياريت تقولنا الاخت sambosa وين يبيعونه :o
والاخت الغاويه وين يبيعون الزيت اللي قلتي عنه pure gloss ؟؟
وهير ماكس بعد وين يبيعونه ؟؟

انا استخدم كريم المرز لي بالبروتين الخاص بكوي الشعر واشوفه زين

سيروم كريستال مافي أحسن منه ... تقدرين تحطينه وشعرج مبلل قبل السيشوار أو حتى اذا كان شعرج جاف بعد السيشوار ... رووعه وريحته حلوه .. ولاحظت انه ينعم الشعر ... والله لدرجة أني بعد ماأحطه ماأقدر ألف شعري ... لانه من النعومه مايثبت ويتبطل

كاتب الرسالة الأصلية : *المجروحة*
مشكورة اختي ع الموضوع المفيد
انا سمعت عن كريستال سيروم بس ماادري وين يبيعونه فياريت تقولنا الاخت sambosa وين يبيعونه :o
والاخت الغاويه وين يبيعون الزيت اللي قلتي عنه pure gloss ؟؟
وهير ماكس بعد وين يبيعونه ؟؟

تلقين حاجتك عند بدي شوب انا كنت اخذ منه

اشرحي لهم شنو تبين وبتلقين عصار ازرق اسمه فريز هذا اللي كنت استعمله

انا كنت استعمل سيروم كريستال ممتاز

بس سمعت عن سيروم من محلات العنايه بالجسم فيه بالفيصليه فرع
المهم اسم السيروم
shine serum
من مجموعه باسم
FLAT OUT
من محلات مركز العنايه بالجسم KMS

,وسعره حوالي 65 ريال \\\\\\45 مل

مكتوب عليه فلات اوت شاين سيرم
قطرات شديدة اللمعه ويحمي من تطاير الشعر وتقصفه لجميع انواع الشعر

انا استعمله بعد الاستحمام والشعر نصف مبلول واركز على الاطراف
وهامة الراس .....فاهمين ايش اقصد
المهم وابعده عن الجذور حتى ما ينام الشعر بعد الاستشوار
واشوف نتيجته اكثر من خيال

نستني جودة سيروم كريستال

وباياااات حلوات مني لكم

حبيبتي مافيه أحسن من سيروم كريستال لأكن أنا أشتريه من محلات التجميل ب30 ريال بس والنتيجه جدا"رائعه طبعا يستخدم بعد ما تغسلين شعرك وشوفي بنفسك الفرق (wink)

انا استخدم سيروم بودي شوب رائع احط على كل خصلة واسشورهاوبعد مااخلص امسح على شعري قليل واسشورة على الماشئ يطلع روعة

ما ادري يا اختي انا اسشور شعري كامل وما احط عليه اي شى قبل السشوار ولكن بعد ما اخلص منه اسشوره احط لمسه من كريم بالمرز وااااايد حلو يعطي الشعر لمعه طبيعيه وتقدرين تحصلينه في كل الجمعيات

هلا حبيباتي بالنسبه حق كريستال سيروم انا اشتريه هني من البحرين من عند نزيه لمستلزمات الصالونات لكنه موجود في كل الصيدليات و السوبرماركتات الكبيره

و كل ما اروح اشتري علبتين علشان ما اروح كل مره

بس صراحه روعه روعه انتو جربوه و بتشوفون الفرق

و على فكره انا سمعت انه في الامارات كريستال وايد رخيص ما ادري اذا هالكلام صح ولا لا يا ريت تقولون لنا علشان اذا كان رخيص وايد نروح نشتري كارتونه ههههههههه

و بعدين عن فلات اوت انا استخدمته مره لكنه ما عجبني يخلي الشعر كأنه مسحوب وايد و ما يخليه لين و ناعم يعني ما حبيته انا احب لما اسشور شعري يكون طبيعي و فيه حركه بس فلات اوت صج يسحب الشعر بس يخليه كانه يااابس يعني يصير كانه شعر الامريكيات الافريقيات اليابس هذا!!؟

انا ما نفع لي يمكن لأن شعري خفيف و ما ينفع معاي يمكن ينفع مع الشعر اللي شعرته قويه بس انا بصراحه ما حبيته :(

غريبه سمبوسه انا استخدمه كحمايه للشعر من الاستشوار
اللي هو فلات اوت
ماستخدمه للتنعيم ابدا ومع هذا شعري معاه اكثر من طبيعي
يمكن انتي كثرتي عليه السيرم ؟؟؟؟؟

على العموم انا اعجبني هو ولا يهون سيروم كريستال

هلا اخواتي
بالنسبة للاختيsambosa بكم سعره كريستال سيروم وهل منه انواع؟؟؟

يعني اذا رحت بغيت اشتريه ما يوهقوني ان فيه انواع
وشكرا

اما انه اختي اقول ما في احسن من Zero friezz
تحطيه قبل وبعد الاستشوار وشوفي النتيجه ولا أروع
ما يخليه يتقصف ولاشي , , ,


بالنسبه لسيروم مادري ما عندي فكره عنه

هلا اختي عروس الحياه لا مافي منه انواع هو في غرشه زجاج صغيره و لونه شفاف

و سعره تقريبا دينارين و نص

انا اخذه من عند نزيه اللي يبيع مستلزمات الصالون اللي لاصق في بيت الازياء

بس هو موجود بعد في الصيدليات و السوبرماركتات الكبار

طبعا سعره عند الصيدليات و السوبرماركتات اغلى شوي طبعا

انتي روحي نزيه و قولي حق اللبناني او حتى الهندي اللي هناك ابي كريستال سيروم هو يعرفه