تجهيزات الكروشات للعيد

تسلمي على الموضوع الحلو انا راح اكون في اول الثامن في بداية رمضان يعني بنهايته راح اكون ببداية التاسع
مشان هيك ماراح اشتري ثياب حمل راح اشتري عباية حلوة و البسها في حفلة السبوع كمان اذا الله راد
اما عن اولادي اشتريت ملابسهم من اسبوع خفت اتعب و مااقدر اطلع كتير من الزحمة و الحر و الصيام
و لسه باقيلي الاكسسوارات للبنت و شغلات قليلة تانية افكر اكملها قبل رمضان لانه عالعيد مهما اشتريت راح ينقصك كمان باقيلي شوية اغراض للبيبي لازم اكملها قبل بوقت
و ان شاء الله راح اصوم الشهر كله اذا الله راد و الله بيعين كل حوامل منتدانا خاصة حوامل الشهور الاخيرة

انا ان شاء الله اذا ربي تمم حملي بالعيد بكون بالتاسع ويمكن اولد رابع او خامس يوم بالعيد
فبكون مشغولة بالتحضير للولادة وما بقدر اطلع كتير زيارات
وبفكر آخذ عباية حلوة وناعمة حتى اذا طلعت زيارة للاهل
اما بالنسبة لرمضان فدكتورتي منعتني اصوم كل يوم وقالتلي وبصوم يوم وبفطر يوم واذا تعبت لازم افطر لان بيكون حر ونهار طويل وانا عندي سكر حمل فبتخاف يرتفع السكر أو تنقص ماي البيبي والله كريم ويقدرني على الصيام والقيام يا رب
دعواتكم لي اخواتي