السلام عليكم خواتي ..
الحمدلله رب العالمين انا ربيت وقمنا بالسلامه ويبت الشيخ ( منصور )
عقبال الجميع يارب ..
حبيت اخبركم عن قصة ولادتي لسبب مهم ( ذكرى لي في المستقبل ) :L:
من الثامن وبالأحرى من السادس وانا فيني آلام الدورة تروح وترد .. ووصلت بداية التاسع.. وبدا الضغط يرتفع شوووي عندي .. يعني مب بالحد الخطير شوي بس .. ومعاه زلال في البول عزكم الله .. فكانوا يخافون من تسمم الحمل.. بس ماكان في توقع يولدوني او شي عادي ..
المهم انا من وصلت اول يوم في الاسبوع 37 كان عندي موعد .. وقبلها بيوم ياني زجام وطحت على ريولي والتوت ريلي يعني كل شي تجمع لي .. وكانت نفسيتي زفت.. قلت للدكتورة وكان ضغطي شوي مرتفع قالت تعالي بسوي لج تسويع لو فاتح شوي الرحم ..
المهم وسعت لي لين 2سم بس .. و ياتني آلام خفيفة يوم كامل وانا الألم يروح ويرد.. فقلت خلاص بداوم ثاني يوم دام انه مازاد الألم.. رحت الدوام ونفس الشي
المهم على الساعة 11 تقريباً رحت عزكم الله الحمام وما اشوف الا مادة مخاطية بشكل كبيييييير تنزل مني مخلوطه بلون بني ودم احمر .. انا هني مت خوووف منظر يخوف اول مرة اشوفه في حياتي .. ماكان شوي لا وااااايد مهما امسح يزيد .. اتصلت بريلي وياني ورحت البيت اخذ اغراضي ..
المهم انه الوجع وقتها خف وايد بس قلت اتأكد..
في المستشفى بهدلوني من الانتظار والفحوصات ماتخلص كرهوني نفسي وكنت خلاص بشرد بروح البيت ... والي نزل مني قالوا عادي مب شي مهم :!!: يعني انا من الساعة 1 عندهم لين 5 ونص قالوا هالكلام.. اخر شي الله رزقني بدكتورة بهدلتني شوي لكنها طيوبه والله.. قالت خلني افحصج واشوف يمكن فاتح الرحم واساعدج ..
يوم فحصت تقول ماشاء الله انتي فاتحه 3 ونص وانا خليته 4 .. انا مت خوووووف كأني اول مرة اولد .. وكانت بتطلعني العنبر لين يزيد الالم عشان انزل الولادة .. اتصلت بأمي واختي وريلي وانا خايفة .. وكل هذا الألم سبحان الله محتمل ..
بعدين يات الدكتورة قالت لا بنفتح لج الماي لأنه ضغطج يرتفع شوي .. والا كنا بنخليج شوي .. انا ارتحت بعد قلت الحمدلله .. وصلت الساعة 6 وانا اسولف واضحك ولين 7 ونص نفس الشي والرحم بس وصل 5 ..
اقول لأمي شو هالولاده الممله ماشي اكشن :D ويات الدكتورة فتحت الماي ونفس الشي مازاد الوجع الا شوي .. اول مرة جي يصير لي طلق بارد .. كتبت لي الدكتورة لو لين ساعة مازاد الالم يحطون لي مغذي طلق صناعي .. وفعلاً مازاد وحطوا لي الطلق الصناعي على الساعة 9 وابتدا شوي شوي يزيد الالم .. وابتدا الاكشن ..
والاكسجين مطيرني في عالم ثاني واون واصيح شوي بس ما اصرخ ماسكه اييد ريلي واختي ومرات امي لين بديت احس بالدفعات والحمدلله على الساعة 10 دفعت مرتين طلع فيهم منصور مرة واحدة بنفس واحد ماشاء الله
الحمدلله رب العالمين كانت هذي اسرع ولاده لي لأني فعلياً دخلت في الولادة وآلامها صح من الساعة 8 ونص تقريباً والباقي وجع بسيط حتى اني كنت ناوية اخذ ابره الظهر بس ماحتجتها الحمدلله
** ترا هذا كان اصعب حمل لي عانيت وايد فيه سبحان الله وكرهت الحمل بسببه بس كانت اسهل ولادة وماتعقدت الحمدلله من هالولادة نفس الباقي.. سبحان الله
اسمحوا لي طولت عليكم بس حبيت ادون لكم الي صار وياي ..
الحمدلله انا ربيت ويبت الشيخ منصور.. وه
ع
17-07-2010 | 02:13 PM
b
17-07-2010 | 02:18 PM
ألف حمدا لله على السلامه يا قلبي
يتربى في عزكم منصوري
دائما أقرأ اكشنات أثناء الولاده
الله يسهل على كل حامل يا رب
يتربى في عزكم منصوري
دائما أقرأ اكشنات أثناء الولاده
الله يسهل على كل حامل يا رب
ح
17-07-2010 | 02:23 PM
الحمدلله على السلامه وعقبالي يارب
C
17-07-2010 | 02:24 PM
ألف مبروووك والحمدلله على سلامتج
وربي يبلغش في منصور واخوانه..
وربي يبلغش في منصور واخوانه..
ن
17-07-2010 | 02:27 PM
يا حياتييييييييي الف الف الف مبروك يتربى في عزكم يااااااارب
وتشوفيه عريس يااارب الحمدلله على سلامتك يا لغاليه والله يرزقني ويرزق كل البنات
وتشوفيه عريس يااارب الحمدلله على سلامتك يا لغاليه والله يرزقني ويرزق كل البنات
ع
17-07-2010 | 02:31 PM
حمدلله على سلامتك
ا
17-07-2010 | 02:41 PM
الف الف مبرووووووووووووووك ويتربى بعزكم
*
17-07-2010 | 02:50 PM
الف الف مبرووووووووووووووك الله يحفظه ويبارك فيه
m
17-07-2010 | 02:58 PM
الف مبرووووووك
&
17-07-2010 | 03:27 PM
الف مبرووك والحمد الله على سلامتك أنتي ومنصور ويتربي بعزكم
ياارب.
ا
17-07-2010 | 03:41 PM
الحمدلله ع سلامتج وسلامه منصووووور ويتربى بعزكم ان شاء الله..
الفال لنا الله يسهل علينا ان شاء الله..
الفال لنا الله يسهل علينا ان شاء الله..
ا
17-07-2010 | 04:10 PM
الف مبرووك والحمد الله على سلامتك أنتي ومنصور ويتربي بعزكم
ت
17-07-2010 | 04:48 PM
ألف
ألف ألف
مبرووووووك قدووم " منصــور "
ربي يحفظه لج .. ويبلغج فيه معرس
الحمدلله على سلامتج حبيبتي ..
ألف ألف
مبرووووووك قدووم " منصــور "
ربي يحفظه لج .. ويبلغج فيه معرس
الحمدلله على سلامتج حبيبتي ..
L
17-07-2010 | 05:25 PM
مبارك ولادتك والحمد لله على سلامتك وسلامة المولود
@
17-07-2010 | 05:29 PM
الحمد لله على السلامه
ومبروك عليكم منصور ويتربى بعزكم
ومبروك عليكم منصور ويتربى بعزكم
ر
17-07-2010 | 05:34 PM
الحمدلله على السلامة
مبروك ماجبتي
جعله الله قرة عين لوالديه
مبروك ماجبتي
جعله الله قرة عين لوالديه
ا
17-07-2010 | 05:43 PM
حمد لله ع سلامتج ومبروك ماياج
ك
17-07-2010 | 05:56 PM
مبروووووك
والحمد لله على سلامتكم
والحمد لله على سلامتكم
R
17-07-2010 | 08:26 PM
الحمدلله على السلامه ..
والف مبروك ولادة منصور .. ويتربى في عزك يارب
والف مبروك ولادة منصور .. ويتربى في عزك يارب
أ
17-07-2010 | 08:40 PM
الحمدلله واخيييييييييييرا ولدتي بالسلامة حبيبتي ام مصبح
كنت افكر فيج والله هالايام
يالله الحمدلله على سلامتج ويتربى الشيخ منصور بعزكم يااااااااارب
كنت افكر فيج والله هالايام
يالله الحمدلله على سلامتج ويتربى الشيخ منصور بعزكم يااااااااارب