لجـــــــين يانور العين قصة ولادتي

اللهم صلي على محمد وعلى ال محمد
طبعا حملت بعد سنه من المعاناه وسبب عدم حملي للمره الثانيه النتيجه كانت خمول الغذه الدرقيه واخذت العلاج في شهر رمضان المبارك يوم 13 وماكنت متوقعه اني احمل لانه مرات قليله اللي صار فيها لقاء وكنت على طول اغتسل بس سبحان الله اذا الله رايد يرزق العبد يزرقه وبعدهاااا ليلة العيد راح انطلع الزكاه او الفطره قلت الى زوجي اشتري لي تست وقلت له مع اني متوقعه 100%100 اني مو حامل راح اشترى لي التست وجربته الا طلع خطين واحد خفيف والثاني غامق ^o) خنقتني العبره والفرحه مره وحده بس قلت يمكن خربان او شي ماابي اوهم نفسي اني حامل وانحبط طبعااا ياما شريت من هالتستات من قبل بس من كثر مااقرء في النت شكتت بس دعيت وقلت يارب اكون حامل صدق ومايكون مخرف مسحت دموعي وطلعت صليت ركعتين شكر ورحت الى ابو الشباب كان جالس على النت وكنت متزاعله معه في اخر 10 الايام من شهر رمضان راويته التست وقال شنهو يعني طبعااا يستعبط الرجال :woo: قلت له حامل ونط من مكانه وقال اروح اجيب واحد ثاني نوعيه احسن من هذا قلت له مدري وعلى طول راح وجاب لي التست الثاني وجربته وطلع نفس الاول وبعدهااا رحت الى دكتورة النساء والولاده اللي كنت اتابع معاها وقالت خلاص لازم تتابعين مع اخصائي الغذه علشان يضبطهاااا لج ورحت وظبطها لي بان زاد الجرعه لي وكنت خايفه من الاسقاط لانه يقول انه اللي عندهااا خمول ولا تتعالج او غير مضبوظه احتمال تسقط وطبعا قال لي احتمال ولاده مبكره لج
ومشت الايام ودخلت التاسع وعطوني موعد الولاده 16_6_1431 هجري وكنت ميته من الخوف
واقول ياليتني ماحملت خايفه من الالم والقيصريه مع انه ولدت ولدي طبيعي بس الوحده منا ماتدري وش يصير لهاااا وكان عندي احساس اني راح اموووت استغفر الله ربي
بعدهااا رحت موعدي وقلت الى الدكتوره اليوم ماحسيت بحركتهااا :lol: وين احس بحركتهااا وتوني قاعده من النوم طبعا خافت الدكتوره وقالت لازم تنويم فزيت من مكاني وقلت ماابي قالت وقعي على مسؤليتج اذا صار للجنين شي احنا اللي علينا سوينه وقالت راح اكشف عليج من تحت وحطت يدهااا احس انه سوت لي زي التدليك :o من داخل واني :) مريحه وبعدهااا قالت لي اذا نزل ماي عليج او حسيتي بالم على طول الاسعاف وجيت ركض على النت كنت ابغي اشوووف وش يعني التحريض سمعته من وحده من التجمع الا تالي يطلع نفس اللي سوته لي الدكتوره واني ياغافلين لكم الله8o|
ومن بعد ماسوت التحريض صرت احس بالم بس بسيط وقامت تنزل علييي افرازات زي المخاط كل يوم شوي لي كملت اسبوع وقلت الى زوجي مشيني على الكورنيش ووداني ومشيت وجيت البيت الاديك القراريص في فخدي واحك كاني مجنونه ودخلت الحمام اعزكم الله وتسبحت وغسلت المكان مافيه فايده طبعااا طلعت حشره زي العنكبوت بس صغيره مره وخفت قلت كان ماحطت بيضهاااا فيني وخلاص ماقدرت وثاني يوم دخلت الحمام اعزكم الله اشوف لون الافرازات صار زي الصدى قلت راح اصبر واليوم اللي بعده قعدت الصبح ودخلت الحمام صارت الافرازات فيهااا دم وابو الشباب قريب بيقوووم وقلت له يالله شوووف شغلك لانه قريت انه الاحم يوسع الرحم :o
وبعدها قام الالم يجي لي كل ربع ساعه او عشر دقايق قلت يالله خلني اغسل الملابس وانظف اللي مانظفته واعدل الشنطه وبعدها على 1ونص الظهر قلت الى زوجي ودني المستشفى وقلت له اتوقع يرجعوني لانه الالم مو متواصل ووداني ودخلت على الدكتوره وكشفت وقالت انتي ولاده فاتح 3 سم قلت لهاا اقدر ارجع البيت قالت لا يمكن الحين يتوسع بسرعه
ودخلت غرفة الانتظار وصار الالم يشتد وحطو التخطيط والدكتوره تجي كل شوي مافي الورقه شي عن تخطيط البيبي وبعدهااا شالت السير تبع التخطيط من بطني وحطت تخطيط طويل دخل المهبل طبعا قبلهااا فكوا الكيس ونزل الماي ولفت الحزام على فخدي وبعد 20 دقيقه جت وقالت راح اعطيج ابره مهدئه وعطتني اياها منه وراحت الا اشوووف واحس بشي ينزل انادي عليهااا وجت بسرعه وقالت ليه كذا كان قلتي علشان ننقلج غرفة الولاده وراحوا الممرضات وجابوا الاغراض وقامت هي حطت ايدههها ووسعت المكان وطلعت بنتي على الساعه 5 وشوي العصر :Dطبعااا كانت ولادتي سهله الحمدلله رب العالمين وماشقوني ولا خيطوني وللحين ماني مصدقه لانه في حملي الاول شقوني وخلاص العوار لما تقعدي وتقووومي ماتقدري تسوووي شي
وان شاء الله تكون كل حمالاتي الباقيه كذا بدون شق:lol:
طبعااا بسبب التحريض ولدت قبل موعد ولادتي بــــ 5 ايام
وربي يسهل على كل حامل ويرزق كل محرومه