الحب الصادق...
ر
29-04-2002 | 07:51 PM
هالقصيده لشخص كان مريض و قالوله انه بيموت كتب الشعر لصديقه
يقول له فيه انه يحب حبيبته و يبغي من صديق هذا انه يخليها تنساه
اقرأ القصيده والله تستاهل ... وراح تعرف معنى الحب الصادق
------------------------------
وصاتي لك من بعدي ........ تموت فيها علشاني
ابيها تعيش و تحيا بك ..... واظل بالذاكره مفقود
وصاتي لك تنسيها ........ ملامح وجهي و تنساني
وتعزفها قصيدة حب .... على عكس اللي عزفته بعود
وصاتي لك تبعدها ........ عن اشعاري وقيفاني
تراها مغرمة بالحيل ........ ويشهد لي عدد الردود
وصاتي لك تسايرها ....... ترى فيها من احزاني
طلبتك لايضيق بالك ........ طلبتك والطلب مردود
وصاتي لك تناديها ........ حياتي..عمري..ازماني
انا عودتها دايم ........ ادلعها وانا موجود
وصاتي لك تعاملها ........ بطيبه قلب و احساني
تراها تذرف الدمعه ........ ودمعتها بليٌا حدود
وصاتي لك تحفظها ........ سور وآيات قرآني
وتخبرها عن الميت ........ رحل لايمكنه بيعود
وصاتي لك ترسمها ........ على قبري وأكفاني
ابيها لوحة تبقى ........ على طول الزمن محدود
وصاتي لك تمازحها ........ وتشوف الضحكة بأسناني
سعيتك ياضحك هالكون ........ طلبتك لاتصير جلمود
وصاتي لك تقهويها ........ من دلالي و فنجالي
تراها تعشق السمرا ........ ويكفيها دخون العود
وصاتي لك تركبها ........ على خيلي و على حصاني
وربي فارسة من قلب ........ شهادة ماهي لشهود
وصاتي لك تسفرها ........ بلاد الشام و لبناني
ترى يحلالها تقطف ورده ........ وردة من بلد الورود
وصاتي لك تراقصها ........ على الحان رحباني
ترى فيها عرق خالة ........ وفيها من جنون السود
وصاتي لك تحببها ........ فأبونورة بعد هاني
وتنسيها ندم غلطة ........ انا فيها ترى المقصود
وصاتي لك تكرهها ........ في تاريخي و عنواني
أبيها تلعن اللحظة ........ وتلعن كل فرح موعود
وصاتي لك تكلمها ........ عن المجني وعن الجاني
وتخليني انا الظالم ........ وانا من حرق الاخدود
وصاتي لك تشبهني ........ بدم أحمر قاني
وانا هالقاتل السفاح ........ مجرم من عصر نمرود
وصاتي لك تحلفها ........ تتوب تحبني ثاني
ترى يكفيها ماعانت ........ ويكفي حيلها مهدود
وصاتي لك تنسيها ........ وصية قالها لساني
أنا اخبرك رجل موقف ........ وانت قدها وقدود
صديقي مالقيت غيرك ........ يعرف وشلون تنساني
أمانه ضمها بقلبك ........ ترى ???رحل مايعود
قصيده جدا مؤثره...لاول مره ارى انسان في قلبه مثل هذه المشاعر الصادقه....مثل هذا الحب الصادق....
ا
29-04-2002 | 09:44 PM
تسلمين رومانسيه
اختيار روعــــه
اختيار روعــــه
ع
29-04-2002 | 10:13 PM
احس ان احساسه كان صعب بالحيل لكن حب صادق بري تسلمين على هذا القصيده المؤثره
ا
30-04-2002 | 05:10 AM
اخت رومانسيه
الموضوع مكرر
وقد سبقتك في وضعه الاخت بنوته
تحت عنون
لقد ابكتني هذه القصيده
http://www.3roos.com/forums/showthread.php?threadid=5430
فارجو الانتباه لذلك
الموضوع مكرر
وقد سبقتك في وضعه الاخت بنوته
تحت عنون
لقد ابكتني هذه القصيده
http://www.3roos.com/forums/showthread.php?threadid=5430
فارجو الانتباه لذلك
ر
30-04-2002 | 07:22 PM
شكرا لمشاركتك.. و الله يسلمج...
ر
30-04-2002 | 07:24 PM
بالفعل هي قصيده جدا مؤثره...و كلماتها نابعه من القلب و كلها صدق و احساس