قصة ولادتي بفاطمة..قرة عيني

م

منتهى الأناقة

عروس ذهبية

14-07-2010 | 03:06 PM

مساء الخير يا عرايس..

بعد طلب بعض الأخوات أني أكتب قصة ولادتي ببنتي فاطمة ..الله يحفظها..

فاطمة بنتي الثانية.. ولدت بتاريخ 18\6\2010 ..

يوم الخميس تاريخ 17\6 .. بالليل حسيت بألم و انقباضات قوية متواصلة .. استمرت حق نص ساعة و بعدين اختفت .. و كنت وحدي بالبيت و ما اهتميت بيها ولما رجع زوجي خبرته.. قال لي ما دام راحت عيل بعدج مو بالطلق..

على الفجر الساعة 4 قمت عشان أصلي الفجر ... حسيت بنفس الألم مرة ثانية.. و ما قدرت أصلي و صحى زوجي على صوت تأوهاتي>>أحلى العربية...خخخ
و قعد يهدي فيني .. و بعدين نفس الشي بعد نص ساعة راح الوجع..صليت و رجعت عشان أنام..

لكن هيهات أنام>>:thumbs_up::p
صارت عندي انقباضات منتظمة كل 20 دقيقة.. انقباض قوي و الثاني أخف منه..
و على الساعة 7:30 الصبح قومت زوجي و قلت له عندي انقباضات كل ربع ساعة..>>مسكين هالزوج
قال لي بعد وقت.. رجعي نامي:!!:
قهرني رده..:mad::mad: بس حاولت أنام .. بس صارت الانقباضات كل 10 دقايق..
قومته مرة ثالثة على الساعة 9 .. قلت له ترى لو ما وديتني المستشفى الحين بولد بالبيت:-#:mad:

قال لي .. زين اتصلي بالميدوايف (القابلة) بالمستشفى و شوفي شو بتقول..
اتصلت فيها و خبرتها .. قالت لي ما دام هذي مو ولادتج الأولى ..انتظري ليما يصير عندج انقباضين في 10 دقايق و تعالي.. و خبرتها أنه ما نزل لي ماي أو دم..

و قمنا رحت بدلت ملابسي و فطرنا و شربت شاي>> رايقة الأخت:worn_out:

و بعدين طلعنا على الساعة 10:30 و وصلنا المستشفى على الساعة 11 تقريبا..
و لأن كان يوم جمعة.. مستشفى مسقط الخاص يكون مسكر من قدام و الدخول من الطوارئ .. دخلت و خبرت الممرضة أني متصلة بالقابلة و مخبرتها بأني جاية..
اتصلت بالقابلة و جت الممرضة تسألني.. أنت حامل؟؟؟؟!!!>> تو كل هالكرش و تسألني بعدها :!!::!!:
قالت لها أيوه.. قالت لي بأي شهر .. قلت لها كملت أربعين أسبوع و فوقهم يوم..
جابت لي كرسي متحرك(wheel chair) .. و قالت لي قعدي عليها..
قلت لها ما أبي.. بمشي ..
قال لي أنت مو عندج طلق.. لازم تقعدي.. قال لها ما أبي قلت لج..
بعدين زوجي قال خلاص قعدي و ريحيها..
و قعدت و ودتني الغرفة .. و جت القابلة .. و جابت الغطا و ملابس الوستشفى و مخدات و فوط..
بعدين زوجي قال لها.. تأكدي بالأول اذا هي عندها طلق قبل ما تجهزي الغرفة.. ما أظنها بالطلق>> عباله أبالغ:badly:

فحصتني من تحت و طلعت روحي .. و قالت حق زوجي... طلعت غلطان.. الرحم مفتوح 4 سم..ياااهووووووو.. ضحكت من خاطري عليه:lol::lol::lol:

سألتني اذا أبي الابيدورال (ابرة الظهر).. قلت لهم ما ابيها.. بستحمل الألم

بعدين جابت جهاز الجي سي تي .. و شافت الانقباضات واحد قوي وواحد أضعف..:confused:
قالت لي أريح حق ساعتين و أتغدي بيهم و بعدين بتجي تفحصيني تحت و تشوف كم مفتوح..

طلبت لي عيش و دجاج مشوي>> أقولكم رايقة:cool:
و أكلت..و جت على الساعة 3 و شافت أن نفس الشي 4 سم..

بعدين فجرت لي كيس الماي و قالت أنه راح يسرع العملية أكثر..طبعا احنا بهالوقت ما خبرنا حد أنو احنا بالمستشفى حتى أمي.. عشان ما نخليهم يقلقوا و العيلة كلها تشرف بالمستشفى..

بعد ما فجرت كيس الماي .. زادت الانقباضات و صارت أقوى و متواصلة أقل من 5 دقايق..
و حطت جهاز الجي سي تي مرة ثانية.. قالت لي .. الحين هذي الام طلق حقيقية..:'(:'(

و على الساعة 5 وصلت دكتورتي .. د.رولا...
كنت خلاص .. بديت أهلوس من الألم..ترى هذا طبعي لما أكون بالطلق .. أهلوس:worn_out:
قالت لي الدكتورة شكلنا بنطول في الولادة .. لأن راس البيبي عوج..مثل هذا:worn_out: فما قادر يمر من عنق الرحم..

قلت لها ما دام بطول عيل عطوني الابيدورال.. أنا تعبانه:sick:
قالت لي الدكتورة .. ممكن لأن أحيانا الابرة ممكن تخلي رأس البيبي يتعدل..
اتصلوا بطبيب التخدير ..لأنه ما مداوم ..لأنه الجمعة

بديت أهلوس و أقول للقابلة شيلي جهاز الجي سي تي .. قال لي زوجي ليش؟؟!!
قلت له ما أبيه مضايقني..قالت لي ما أقدر أشيله لازم نراقب الانقباضات ..:|

بعدين قالت لي القابلة .. لما جيتي الصبح استغربت و شكيت أنج بالطلق خاصة و أنت تتضاربي مع الممرضة على ركوب الكرسي المتحرك..:-# و أنت كلش كووول:cool:
الحين شفي الفرق ما طايقة نفسج..:!!::rolleyes:

شوي و أحس البيبي بيطلع و أشوف نفسي أدفع..قالت لي القابلة.. ليش رجولج مفتوحة و شكلج تدفعين.. قلت لها أحس البيبي بيطلع..
شافت قالت لي .. شكلج بتولدين الحين..و قالت لي يالله نوديج غرفة الولادة..

قلت لها ما راح أمشي لغرفة الولادة..لأن في ولادتي ألولى خلوني أمشي .. و قالوا لي المشي بيسهل الولادة..
المهم أصريت أنهم يودوني بالسرير.. كنت خايفة البيبي ينزل مني و أنا أمشي :p

وودوني و قالوا لي الطبيي مال التحدير بعده ما وصل .. ما راح تحتاجينه .. رأس البيبي تعدل .. و الرحم مفتوح 10 سم.. ما نقدر نعطيج الابرة الحين..قلت لهم اوكي..
وصلت الغرفة مل الولادة و قالوا لي يالله انتقلي من سريرج حق سرير الولادة..
قلت لهم .. شكرا أنا بولد على نفس السرير.. قالوا لي لا ما يصير.. لازم تولدين على سرير الولادة ..قلت لهم ما أقدر .. وايد تعبانه.. قالوا لي مو مشكلة بنساعدج..و نقلوني بالغصب:-#

و بعدين قلت للدكتورة ما أبي أدفع أنت اشفطي البيبي.. شافت علي^o):!!:
قالت لي ..لا.. ما في شفط.. أنت بتدفعينه ..أنا أعرف أنج تقدرين..>>كله من الهلوسة و ابرة المنوم لأني كنت دايخة و مضيعة و ما قادرة أركز أو أفكر أنا شو أقول..
زين طبيب التخدير تأخر..:clock:

و بس دفعت و دفعت.. و الحمد لله ولدت على الساعة 7:05 مساء بأحلى فاطمة..
قطعوا الحبل السري و سمعتها تبكي شوي .. و بعدين نظفوها شوي و وزنوها و و لفوها بفوط ..قلت للقابلة جبيها..أبيها عندي..
شلتها و حظنتها و بست كل جزء فيها و أنا أحمد الله و أشكره.. و أسمع زوجي جنبي يقول لي مبروك عليج فاطمة..نسيت وجوده المسكين :o:p
قلت له مبروك علينا اثنينا..و أنا فيني صياح..:'(

و بعدين راح يتصل بماماتي و أخوي و أخوه و أبوه و أخته...طبعا ماماتي هزأته لأن ما خبرناه بأن أحنا بالمستشفى و زعلت شوي.. بعدين نست الموضوع...:D

و توته توته.. خلصت الحتوتة:L:

ز

زهرة الجنه

عروس فضية

14-07-2010 | 03:27 PM

الحمد لله على سلامتج حبووبه
تتربى فطوم في عزكم يارب

د

دلوعة س

عروس ماسية

14-07-2010 | 03:29 PM

وخلصت الحتوووووووته بأحلى بنووووته

عن جد انتي رااااايقه بس حلو وااايد عشت الجو وكأني معاج

الله يحفظلج عايلتج
م خبرتينا شو شعوووور ريم اول ما شافت البنوته الحلوه اليديده؟؟؟

o

om sultan&logain

عروس مبدعة

14-07-2010 | 03:31 PM

الف حمد لله على سلامتك
وتتربي فطومة بعزكم يارب وربنا يحميها ويخلي لك اياها وتشوفيها اخلى عروسة ياريت لو حطيتها صورتها اكيد زى العسسسسسسسسسسسسسل

ا

الرمش الحلو

عروس نشيطة

14-07-2010 | 03:34 PM

الحمدلله على سلامتك الغلا...وتتربى ف عزكم فطوومه واختها...يااااه صدق ان العيال يطلعوا من عيووون الامهااات...والله يرزقني انا وكل محرومه ان شاء الله ...:)

ع

عروس جنان

مشرفة سابقة

14-07-2010 | 03:37 PM

الحمد لله ع سلامتك انوووقــة ومبااارك عليكم فطووومـــــــــــة

م

منتهى الأناقة

عروس ذهبية

14-07-2010 | 03:40 PM

زهرة الجنه;12641968:
الحمد لله على سلامتج حبووبه
تتربى فطوم في عزكم يارب

الله يسلمج و يعافيج غلاتي.. تسلمين يا الغلا
الله يقومج بالسلامة و تشوفين ضناج بحضنج بالسلامة..:)

u

um 3looy

عروس رائعة

14-07-2010 | 03:41 PM

الحمد لله على السلامة اختي

وتتربى في عزكم

م

منتهى الأناقة

عروس ذهبية

14-07-2010 | 03:44 PM

دلوعة س;12641992:
وخلصت الحتوووووووته بأحلى بنووووته

عن جد انتي رااااايقه بس حلو وااايد عشت الجو وكأني معاج

الله يحفظلج عايلتج
م خبرتينا شو شعوووور ريم اول ما شافت البنوته الحلوه اليديده؟؟؟

شفت كيف..!!
طلع مني الروقان بعدين..:'(:p:lol:

تسلمين عقبال ما نشوفج تكتبين لنا قصة ولادتج:rolleyes:;)
ريم كانت بيبيت عمها.. قال لنا أول ما خبروها.. قعدت تنطط.. زين ما وصلت السقف..خخخخ:D
فرحت فيها.. و كله تبي تشيلها و تبوسها و تغير لها.. عبالها دمية جديدة:lol::D

د

دفا قلبه

عروس نشيطة

14-07-2010 | 03:45 PM

اخاف من طاري الولاده او قصصها هههههه

تتهني بفطوووووم ياااارب وعساها ان شاءالله قرة عين لك ولزوجك

أ

أميرة * A *

مشرفة سابقة

14-07-2010 | 03:46 PM

الحمد لله على السلامة

شلتها و حظنتها و بست كل جزء فيها و أنا أحمد الله و أشكره.. و أسمع زوجي جنبي يقول لي مبروك عليج فاطمة..نسيت وجوده المسكين :o:p

تأثرت من هالجزء :'(
بس أحلى شي إنك نسيتي وجود زوجك خخخ :D

ربي يحفظهم لكم و يرزق كل محروم

:)

ت

توأم قلبي

عروس رائعة

14-07-2010 | 03:48 PM

الحمدلله على السلامة

وتتربى فطوووم في عزكم .. وربي يبلغج فيها عرووس

م

منتهى الأناقة

عروس ذهبية

14-07-2010 | 03:48 PM

اروع حب;12642012:
الف حمد لله على سلامتك
وتتربي فطومة بعزكم يارب وربنا يحميها ويخلي لك اياها وتشوفيها اخلى عروسة ياريت لو حطيتها صورتها اكيد زى العسسسسسسسسسسسسسل

الله يسلم عمرج و يعافيج..
شكرا لمرورك و دعواتج.. اللهم أمين:adore:F:

عسولة امها;12642049:
الحمدلله على سلامتك الغلا...وتتربى ف عزكم فطوومه واختها...يااااه صدق ان العيال يطلعوا من عيووون الامهااات...والله يرزقني انا وكل محرومه ان شاء الله ...:)[/QUOTE]
الله يسلمج من كل شر..
عقبالج يا الغلا..سلمت
الله يرزقج و يرزق كل محرومة بالذرية الصالحة :)

[QUOTE=عروس جنان;12642087]
الحمد لله ع سلامتك انوووقــة ومبااارك عليكم فطووومـــــــــــة

الله يسلمج أم سليمان..
الله يبارك بعمرج و يقومج أنت و البيبي بالسلامة..
و نشوف قصة ولادتج.. ببنوته حلوة و أموررة;)

$

$أم تميم$

عروس جديدة

14-07-2010 | 04:05 PM

الحمد لله ع سلامتج وسلامة البنوتة الحلوة

m

moon & 3 stares

عروس مبدعة

14-07-2010 | 04:18 PM

الحمد لله على السلامة اختي

وتتربى في عزكم

e

esmen

عروس مبدعة

14-07-2010 | 04:35 PM

حمدالله على سلامتك وسلامة طمطم
وألف ألف ألف مبروك

*

*ام ورد*

عروس رائعة

14-07-2010 | 05:00 PM

الحمد لله على السلامة وتتربى بعزكم فــــــاطمة الحلوة ^_^

والفال حق باقي الكروشات ربي يسهل عليهم ان شاء الله

m

miss sayeed

عروس نشيطة

14-07-2010 | 05:20 PM

الف حمدلله على السلامه

m

m!sS-Tamy..

عروس مشرقة

14-07-2010 | 05:25 PM

الف مبرووووك

وتتربي بعزكم يارب

والحمدلله عالسلامه

المهم أصريت أنهم يودوني بالسرير.. كنت خايفة البيبي ينزل مني و أنا أمشي :p

ههههههه حبيتنها *__^

s

sweet lady88

عروس ماسية

14-07-2010 | 07:57 PM

الحمد لله على سلامتج

و تتربى فطوومه بعزكم