اخوات زوجي طردوني من بيتهم!!! اطلع ولا استحمل؟؟

انا صار لي متزوجة سنة و5 اشهر.. شاءت الظروف اني انتقل للعيش مع اهل زوجي.. والحمد لله معاملتهم كانت كويسة فى البداية.. امه اوبوه يحبوني كثير.. بس اخواته كانوا ما كثير يحبوا يختلطوا بي وكانت حماتي تقولي استحمل لان بناتها ما اجتماعيات.. المهم بعد فترة تغيرت معاملة البنات وطلعوا وجههم الثاني الي كله مليان حقد وانانية وكراهية.. كنت على الدخلة والطلعة اسمع كلام زي السم والله .. لدرجة ان لقبي صار العبدة.. وعايروني حتى بالعيال لان لسة الله ما رزقنا لسة.. ولما اطلع للدوام يقولوا لي لعنة روحة بلا ردة ان شاء الله.. تخيلوا .. وانا كله ساكتة ولا خبرت احد لا زوجي ولا اهله بحكم ان زوجي يشتغل بمنطقة بعيدة ويجي يومين بس على نهاية الاسبوع فقلت حرام اكدر خاطره وهو بس عندي يومين..وفيوم من الايام كان زوجي طالع السوق جاو اخواته عند باب غرفتي ويصرخوا طلعي من البيت نحن ما نريدك عندنا؟؟ هنا انا انهرت واتصلت على زوجي وقلت له اسمع.. وحطيت السماعة على الباب وسمع الكلام.. بعدها طلعنا فندق كم يوم بس ما حد كلف نفسه يتصل لا امه ولا ابوه.. المهم بعدها بيومين زوجي راح يجيب ملابس لي من البيت.. فمسكه ابوه وعقد اجتماع بينه وبين البنات عشان يفهم السالفة وتشرطوا البنات احضر الاجتماع وفعلا جيت.. قامت وحدة منهم وقالت من غير لف ولا دوران نحن نكرهها وما نريدها فى البيت من اول يوم دخلت.. انصدمت وما حد رد عليهم ولا وقفهم عند حدهم ولا شي.. مسك زوجي يدي وطلنا من البيت.. بعدها باسبوعين اضطرينا نرجع لاني عندي دوام وبمنطقتهم ما عندي اهل.. واهلي بعيد.. صار الكل ما يكلمني بالبيت لا البنات ولا حتى امه وابوه بس السلام وكيف الحال وخلاص.. ولما اجلس معهم اسولف يقوموا ويروحوا يجلسوا مكان ثاني.. تعبت من هذه العيشة واحساسي باني منبوذة.. قولوا لي ايش الحل وكيف اقدر ارجع علاقتي بامه وابوه وليش امه وابوه تغيروا علي؟؟ هل صحيح انهم موافقين بناتهم وهم بعد اصلا يكرهوني؟؟
للعلم زواجي تم بعد معارضات قوية من قبل اهل الزوج لانهم ما يتزوجوا الا من العيلة..