تجمع بنات مصر لشهر شعبان 1431 للاستفسارت عن الميك اب

أ

أنوش

مشرفة سابقة

13-07-2010 | 11:27 PM

تجمع بنات مصر لشهر شعبان 1431 للاستفسارت عن الميك اب

المواضيع التي تأخذ صفة الموسوعات أو القواميس أو التي يتم فيها تبادل المعلومات او الإستفسارات الخاصه ببلد ما ,نرجو فيها الالتزام بالأمور التالية :

1) أن تكون صاحبة الموضوع المسؤولة الأولى عن مجرى الموضوع
وأن تتعاون مع مشرفات الركن في التبليغ عن أي رد يخالف قوانين
الركن.
2) عدم الدخول في دردشات جانبية والخروج عن مضمون الموضوع
3) يغلق الموضوع تلقائيا عند أول كل شهر غير مقدين بعدد الردود
4) لامانع من ذكر اسماء المحلات
5) يمنع وضع ارقام الهواتف او البريد الالكتروني على العام
6) سيتم اغلاق اي موضوع يخالف الشروط اعلاه دون ابلاغ صاحبته

7) الرجاء التبيلغ لاي مخالفات لمشرفات الركن فقط سواء بالضقط على رمز

لابلاغنا او ابلاغنا عن طريق الرسائل الخاصة

ملاحظة هامة

يخالف وضع اي مشتريات بالتجمع ويتم عرضها بالموضوع الاصلي للمشتريات المثبت لركن الميكاج واي صور مشتريات سيتم حذفها ...

اي عضوة تقوم بوضع 3 مشاركات مخالفة سيتم الابلاغ عنها للادارة وسيتم توقفيها لمخالفتها قوانين التجمع

س

ساره افندي

عروس ماسية

14-07-2010 | 01:21 AM

مبروك التجمع الجديد ياريت اللي جاب اي حاجه من جولدن روز يقولنا تجربته لان اغلبكم بستفسر عنها واللي بيقول هنزل اجيب وكده فايريت اللي جاب حاجه يقول تجربته معها خصوصا الملمعات

&

&&رانيا&&

عروس رائعة

14-07-2010 | 02:49 AM

مباارك الجزء الجديد
السلام عليكم
بنات انا عايزة اعرف روج ثااااابت جدا مش يروح لو اكلت حاجه ياريت لان عندى كتير بس بيضايقونى ومش ثابتين ياريت اللى تعرف تقولى
وكمان عايزة بودره كويسه والاحسن المائيه ولا العاديه ياريت يابنات تفيدونى
وجزاكم الله خير وياريت ماتطنشوش والا هزعل بجد

م

مكرووونة

عروس رائعة

14-07-2010 | 06:18 AM

ايون و انا كمان عاوزة روج بيثت و مش بيروح
عندى الوان جميلة كتير بس بتروح من اى اكل علطوووووووووووووووووووووول

L

L O L Y

عروس مبدعة

14-07-2010 | 06:21 AM

مبروووووك الجزء الجديد عقبال اموسوعة انا بقى عايزة حاجة تدى مظهر طبيعى وتخى الهالاات انا هاستخدمها فى الافراح او المناسباات وحاجة واحدة تكون تخفى الهالاات السودة وتدى مظهر للبشرة يعنى لو كريم اساس او بودرة للوش كلو انا موش عايزة كونسيلر انا عايزة حاجة واحدة للوش والهالات ويكون سعرها مش غالية لانى موش هاستخدمها كتير والايها فى كل المحلات او حاجة من اوريفليم او ايفون

د

دوللي الدلوعه

عروس مشرقة

14-07-2010 | 06:21 AM

ساره افندي;12635311:
مبروك التجمع الجديد ياريت اللي جاب اي حاجه من جولدن روز يقولنا تجربته لان اغلبكم بستفسر عنها واللي بيقول هنزل اجيب وكده فايريت اللي جاب حاجه يقول تجربته معها خصوصا الملمعات

انا ياساره جبت البودر المائي بتاعهم رهييييييييب
والموس روعه عاوزة اقولك بالنسبالي احلي من ميبلين انا بشرتي دهنيه طحن
الجلوسات زي بتاعت اوريفليم
البلاشر بتاعهم بقي يع يع :hysterical:اخرحااااااااجه حتي الكرات
الماسكرا الناحيتين جميله
المناكيرات جناااااان:thumbs_up:

j

jana elfrdos

عروس مبدعة

14-07-2010 | 07:41 AM

ساره افندي;12635311:
مبروك التجمع الجديد ياريت اللي جاب اي حاجه من جولدن روز يقولنا تجربته لان اغلبكم بستفسر عنها واللي بيقول هنزل اجيب وكده فايريت اللي جاب حاجه يقول تجربته معها خصوصا الملمعات

دوللي الدلوعه;12637902:
انا ياساره جبت البودر المائي بتاعهم رهييييييييب

والموس روعه عاوزة اقولك بالنسبالي احلي من ميبلين انا بشرتي دهنيه طحن
الجلوسات زي بتاعت اوريفليم
البلاشر بتاعهم بقي يع يع :hysterical:اخرحااااااااجه حتي الكرات
الماسكرا الناحيتين جميله
المناكيرات جناااااان:thumbs_up:

مبارك الجزء الجديد
انا لسه مجبتش حاجه منها بس ان شاء الله ناويه اجيب كام شهر كده ان شاء الله ربنا يسهل وبجمع الحلو فيها لاني مجربتهاش قبل كده
وزي ماقالت دوللي انا استقريت على البودر المائي والموس لحد دلوقت بس لسه برضه مش عرفه اي درجه تناسبني ربنا يسهل واروح اعمل تست واجيب وابأه اقولكو على التفاصيل ان شاء الله

m

miss cat

عروس مبدعة

14-07-2010 | 07:55 AM

بنات البودرة المائية وعرفناها
اية بقى الموس دة ههههههههههههههههههههههههههههههههههه
والماسكرا يابنات يفضل اجيبها لونها اية انا عنايا زى القطط كدة يليق معاها لون اى وكمان الايشادو بحس ان اى لون مش بيليق على عنيا غير الكحل الاسود وانا داخلة على مرحلة هههههههههههههههههههههه هتجوز وعاوزة اغير اللوك كل يوم

أ

أنوش

مشرفة سابقة

14-07-2010 | 02:18 PM

ساره افندي;12635311:
مبروك التجمع الجديد ياريت اللي جاب اي حاجه من جولدن روز يقولنا تجربته لان اغلبكم بستفسر عنها واللي بيقول هنزل اجيب وكده فايريت اللي جاب حاجه يقول تجربته معها خصوصا الملمعات

انا قلت تجاربي مع حجات كتير يا سارة الفلويد والموس فاونديشن
والماسكرا والجلوس والبلاشرات زي ما دوللي قالت مش اد كده
والكونسيلر جميل اوي

رورو حبيبة جوجو;12636234:
مباارك الجزء الجديد
السلام عليكم
بنات انا عايزة اعرف روج ثااااابت جدا مش يروح لو اكلت حاجه ياريت لان عندى كتير بس بيضايقونى ومش ثابتين ياريت اللى تعرف تقولى
وكمان عايزة بودره كويسه والاحسن المائيه ولا العاديه ياريت يابنات تفيدونى
وجزاكم الله خير وياريت ماتطنشوش والا هزعل بجد

الروج الثابت جدا يبقى حاجة اوريجينال ياقمر مش ب 10 ولا 20 ولا حتى 60 ج
روحي مزايا وفيسز وعيشي هناك فالماركات الجامدة
والبودره على حسب نوعية بشرتك لان المائية بشرة دهنية اوي

مكرووونة;12637891:
ايون و انا كمان عاوزة روج بيثت و مش بيروح
عندى الوان جميلة كتير بس بتروح من اى اكل علطوووووووووووووووووووووول

زي ما قلت فوق يا قمر ان الروجات الثابته الثبات العادي سعرها يترواح لحد 50 ج
لكن اللي مش بتروح بالاكل والشرب يبقى عليكي وعلى مزايا وفيسز ايف سان لوران وميك اب فوريفر والحجات الجامدة دي

L O L Y;12637900:
مبروووووك الجزء الجديد عقبال اموسوعة انا بقى عايزة حاجة تدى مظهر طبيعى وتخى الهالاات انا هاستخدمها فى الافراح او المناسباات وحاجة واحدة تكون تخفى الهالاات السودة وتدى مظهر للبشرة يعنى لو كريم اساس او بودرة للوش كلو انا موش عايزة كونسيلر انا عايزة حاجة واحدة للوش والهالات ويكون سعرها مش غالية لانى موش هاستخدمها كتير والايها فى كل المحلات او حاجة من اوريفليم او ايفون

الله يبارك فيكي يا قمر
بوصي انتي طالبة مواصفات مستحيل تكون في حاجة رخيصة
حاجة تنفع كريم اساس وكونسيلر وتخفي العيوب والسواد وتدي مظهر حلو للبشرة
وكل المواصفات دي مش هتجتمع في حاجة عادية ومش غالية
ممكن تجربي بتاع اماندا بس بيسيح فالحر

miss cat;12638259:
بنات البودرة المائية وعرفناها

اية بقى الموس دة ههههههههههههههههههههههههههههههههههه

والماسكرا يابنات يفضل اجيبها لونها اية انا عنايا زى القطط كدة يليق معاها لون اى وكمان الايشادو بحس ان اى لون مش بيليق على عنيا غير الكحل الاسود وانا داخلة على مرحلة هههههههههههههههههههههه هتجوز وعاوزة اغير اللوك كل يوم

الموس فاونديشن دا نوع بيكون في برطمان صغير كده وبيستخدم للبشرة الدهنية وبسسس
حته صغيرة منه بتتفرد عالوش وهنا تفاصيل كتيرة عنه

http://forums.3roos.com/showpost.php?p=12367026&postcount=61

أ

أنوش

مشرفة سابقة

14-07-2010 | 02:23 PM

كل ما يتعلق بمنتجات افون لشهر شعبان

س

ساره افندي

عروس ماسية

14-07-2010 | 04:03 PM

انا شفت تجربتك ياانوش بس انا عايزه حاجات معينه يعني مش موس ولا بودره مائيه
انا المسكاره والمناكيرات مجربهم
انا كنت بسال عن البودره المضغوطه لان في اكتر من نوع وبسال تجربه يعني حد جبها وخرج بيها مش جربها علي ايده لا علي الوش وعنده في البيت
لان في اكتر من نوع بودره مصغوطه
البلاشر مش بفكر فيه من جولدن روز ولا كونسيلر
كمان الجلوسات انتي جربتيها علي ايدك ولا عندك في البيت؟؟؟؟؟؟؟ لان انا كنت عايزه اشوفها علي الطبيعه ومش عايزه صور المواقع علشان كده سالت اللي جاب حاجه
سؤالي ليه ابعاد ياانوش انا مش مغيبه اوووي كده

ص

صوت العيون ʚϊɞ ṨỠЙḍỠṧ ʚϊɞ

عروس ماسية

14-07-2010 | 05:29 PM

السلام عليكم ورحمه الله وبركاته

ازيكم

مبروك الجزء الجديد

سؤالى هل فى انواع للرموش
وكمان اللزق بتاعها

m

miss cat

عروس مبدعة

14-07-2010 | 08:57 PM

ميرسى يانوش

طب بقوللك انا لما اعوز اشترى اموس دة اجيبة منين لان فعلا بشرتى دهنية طحن ههههههههههههههههههههههههههه
انا اية البامبر دة هههههههههههههههههههههه جهل معلش

ي

يارب وفقني مرمر

عروس ذهبية

15-07-2010 | 12:20 AM

مبرووووووك الجزء الجديد
نفس سؤال جولدن روز انهي مناكير فيهم احسن؟

أ

أنوش

مشرفة سابقة

15-07-2010 | 12:43 AM

miss cat;12644569:
ميرسى يانوش

طب بقوللك انا لما اعوز اشترى اموس دة اجيبة منين لان فعلا بشرتى دهنية طحن ههههههههههههههههههههههههههه
انا اية البامبر دة هههههههههههههههههههههه جهل معلش

في تاجرة ياقمر بتبيعه عالنت ب 82 ج
والبامبر دا الفلويد السائل وبيناسب البشرة العادية والجافة

م

مسلمة تقية

عروس مشرقة

15-07-2010 | 01:49 PM

رورو حبيبة جوجو;12636234:
مباارك الجزء الجديد
السلام عليكم
بنات انا عايزة اعرف روج ثااااابت جدا مش يروح لو اكلت حاجه ياريت لان عندى كتير بس بيضايقونى ومش ثابتين ياريت اللى تعرف تقولى
وكمان عايزة بودره كويسه والاحسن المائيه ولا العاديه ياريت يابنات تفيدونى
وجزاكم الله خير وياريت ماتطنشوش والا هزعل بجد

روجات ريميل ال lasting finish
ثابته اوى حتى مع الاكل و سعرها حاليه 56 جنيه كانت من قريب بحاجة و اربعين و ملمسها
كريمى و روعه قريبه من ايف سان لوران لان انا جربت الاتنين
jordana ال matte مش العاديه النوع ال matte ثابت جدا طول اليوم حتى مع الاكل
بس خدى بالك ان ملمسها مت مش كريمى هى ب 25 جنيه
لو عندك حد برا فى ماركه mac بس اغلب روجاتهم برضو مت ( يعنى مش كريمى )
بالنسبه للبودرة انا باستعمل العاديه و حاليا عندى جوردانا ب40 و فلورمار كومباكت ميك اب ب 50حلوين اوى لو انت بيضا
او خمريه
لو انت بيضا على روز استعملى ال creme puff بتاعت ماكس فاكتور ب 65

م

مسلمة تقية

عروس مشرقة

15-07-2010 | 01:59 PM

ساره افندي;12642405:
انا شفت تجربتك ياانوش بس انا عايزه حاجات معينه يعني مش موس ولا بودره مائيه
انا المسكاره والمناكيرات مجربهم
انا كنت بسال عن البودره المضغوطه لان في اكتر من نوع وبسال تجربه يعني حد جبها وخرج بيها مش جربها علي ايده لا علي الوش وعنده في البيت
لان في اكتر من نوع بودره مصغوطه
البلاشر مش بفكر فيه من جولدن روز ولا كونسيلر
كمان الجلوسات انتي جربتيها علي ايدك ولا عندك في البيت؟؟؟؟؟؟؟ لان انا كنت عايزه اشوفها علي الطبيعه ومش عايزه صور المواقع علشان كده سالت اللي جاب حاجه
سؤالي ليه ابعاد ياانوش انا مش مغيبه اوووي كده

انا حقولك على الحاجات اللى اشتريتها من جولدن روز
انا استعملت الفاوندشين الاستيك هايل و انا بيضا عندى رقم 1
الماسكرا المذدوجه حلوة عندى برضو
الكحل الوتر بروف بتاعهم واو روووعه
كريم الاساس اللى فى الانبوبه المرطب ما عجبنيش
الروجات انا عندى النوع اللى اسمه جولدن روز 2000 بصى هو مش كل درجاته زى بعضها فيها الوان واضحة و قويه والوان خفيفه اوى لازم تجربى انا اشتريت 146 و رقم 132
هما حلوين لاكن مش ثابتين اوى بيطلعوا مع الاكل و الشرب علشان ملمسهم كريمى و جلوسى اما الجلوسات انا مش بحبها لانها مهما جبتى نوع غالى مش بيبقى ثابت علشان
كده انا بفضل الروج
البودرة المضغوطه مجربتهاش من عندهم اشتريتها من فلورمار هى تركى برضو زى جولدن
روز

س

ساره افندي

عروس ماسية

15-07-2010 | 04:15 PM

مسلمة تقية;12651606:
انا حقولك على الحاجات اللى اشتريتها من جولدن روز
انا استعملت الفاوندشين الاستيك هايل و انا بيضا عندى رقم 1
الماسكرا المذدوجه حلوة عندى برضو
الكحل الوتر بروف بتاعهم واو روووعه
كريم الاساس اللى فى الانبوبه المرطب ما عجبنيش
الروجات انا عندى النوع اللى اسمه جولدن روز 2000 بصى هو مش كل درجاته زى بعضها فيها الوان واضحة و قويه والوان خفيفه اوى لازم تجربى انا اشتريت 146 و رقم 132
هما حلوين لاكن مش ثابتين اوى بيطلعوا مع الاكل و الشرب علشان ملمسهم كريمى و جلوسى اما الجلوسات انا مش بحبها لانها مهما جبتى نوع غالى مش بيبقى ثابت علشان
كده انا بفضل الروج
البودرة المضغوطه مجربتهاش من عندهم اشتريتها من فلورمار هى تركى برضو زى جولدن
روز

مرسي ياقمررر المشكله اني بحب الجلوسات اووووي وبحبها بتلمع علشان كده مش بفكر في الروجات اوووي مش عارفه ليه حاولت اعدل من فكرتي بس مقدرتش علشان كده بسال وخايفه ادبس
البودره فلورمار عارفه حلوه وبتسحب الدهون كنت استخدمتها فتره هيا وكريم الاساس والمناكيرات والروج بس البودره ديه عني اغلي ماانتي كاتبه لاتها مش موحوجه الا في فيسيز هنا وفي دبي رخيصه بس المشكله الدرجه لازم تجربي
انا لسه امبارح راميه علبتين بودره ماركات لان لونها مش مناسب معايا

م

مسلمة تقية

عروس مشرقة

15-07-2010 | 04:40 PM

ساره افندي;12652385:
مرسي ياقمررر المشكله اني بحب الجلوسات اووووي وبحبها بتلمع علشان كده مش بفكر في الروجات اوووي مش عارفه ليه حاولت اعدل من فكرتي بس مقدرتش علشان كده بسال وخايفه ادبس
البودره فلورمار عارفه حلوه وبتسحب الدهون كنت استخدمتها فتره هيا وكريم الاساس والمناكيرات والروج بس البودره ديه عني اغلي ماانتي كاتبه لاتها مش موحوجه الا في فيسيز هنا وفي دبي رخيصه بس المشكله الدرجه لازم تجربي
انا لسه امبارح راميه علبتين بودره ماركات لان لونها مش مناسب معايا

انا لسه شرياها من كام اسبوع من محل بلوبيرد للمكياج ب 50 جنيه عندنا فى بورسعيد هو فى كذا نوع انا جبت فلورمار اللى مكتوب عليها compact makeup
دى احسن واحدة فيهم يا سارة بتدى تغطيه كامله بقيت الانواع عند فلورمار تغطيتهم ضعيفه
عنها و درجاتها كتير اوى . البودرة الوحيده اللى درجاتها محدودة هى ماكس فاكتور عايزة واحده
لونها ابيض على روز يا أما واحدة قمحيه او سمرا
الجلوسات يا سارة انا راييى ما تصرفيش على ماركه غاليه لان كلها زى بعضها اشترى
ماركه متوسطه فى حدود حاجه و عشرين جنيه لان تركيباتهم واحدة انا عندى جلوس جوردانا
بس ماكنتش شرياه طبعا كنت اخداه هديه من المحل على مشترواتى هو حلو و طعمه فاكهه
بس مش بستخدمه علشان بفضل الروج وجربى برضو اماندا بيقولوا حلوة بس ما جربتهاش و بيقولوا برضو فى ايفون جلوسات حلوة

أ

أنوش

مشرفة سابقة

15-07-2010 | 05:43 PM

دي حجات جاتلي وكنت مكسلة انزلها

روج برفيكت شاين من جولدن روز
جلوس الترا دياموند من جولدن روز بنفس لون الروج
بلاشر كريمي زي الموس كده بس قوامه كريم لونه روز وفيه لمعه كريستاليه من ماركة ماكس بيوتي