تجهيزات بنات السعوديه + تبادل خبرات

رتوش الود;13988204:
نحول وجهه نظر
بس صدقيني اذا ولدتي ما تقدرين تتحركين من الالم بتحتاجين احد يخدمك مهما كان
ومدري انا يوم ولدت صرت حساسه بزياده حتى كللن لاحظ هذا الشي

صح يمكن على حسب التعود بس مهما كان بتجلسين اقل شي اسبوع جثة هامده ماتسوين شي

الولدانه تمر بحالة اكتئاب بدون ماتشعر
وهذا الي صار لي بولادتي الاولى
بصراحه تعبت نفسيا وكل متضايقه وخايفه واحاتي
مع ان امي وخواتي ومراة اخوي حولي 24 ساعه
الحمد لله ماقصرو معاي
واذا صاج البيبي وانا نايمه ياخذونه
واهنيه ارخص شغالة استئجار ب2500 وفوق وماتضمنيها
يعني صعبه تحصلينها بااقل

فاطمه الحلوه;13989036:
على فكره اني قلت ابشتري الوان موحده كبدايه حتى اعرف جنس البيبي بس ابي اتاكد ايش الالوان الموحده الى البيبي اني اعرف بس تعرفي الهوس على الوانه:023:

/اخذي الوان حياديه
عندك البيج البرتقالي الاخضر يعني تناسب الاثنين

القمران;13989622:
سيمفونيه ربي يسهل عليك ويقومك بالسلامه

تسلمين عيووووني
ربي يهون علينا كلنا ونقوم بالسلامه
للحين ماكو حس ولا خبر ولا بوادر :|
شكل البيبي مستانس في الكرش :D

M!SS Aro;13990500:

الحين نجي لأغراضي أنا :):

فوط للصدر من مذر كير - كلوتات للاستخدام الواحد من سنتر بوينت- زيت جنين القمح يمدحونه لتوحيد لون البشره - شامبو - صابون سائل للجسم -

ليفه - فرشاة اسنان - معجون - زبدة الكاكاو من بالمرز لمابعد الولاده- كريم نيتروجينا لترطيب الوجه- مرطب ومعالج للشفايف من بودي شوب-

كريم معطر من بودي شوب-ديودورنت الصبار من بودي شوب-حبوب الكالسيوم وباخذ حبوب الحديد كمان مرره ينصحون فيها بعد الولاده ..

...

البجامات طبعا راح استخدمها فترة النفاس بس:

رد تاغ ب 49 :

رد تاغ ب 49 :

رد تاغ ب 49 :

رد تاغ ب 49 :

وهذي بعد النفاس ان شاء الله من لافي ان روز ب 100 :adore::

وبس اي شي جديد بصوره لكم << فاااضيه :study:

دعواااتكم

...

الله يقومك بالسلامه
ماشاء الله روووووعه تجهيزاتك وبالعافيه يارب
البطانيه اخذت مثلها للبيبي احسها بتدفيه
تقومي بالسلامه

فديت قلبك عبودي;13991900:
يعطيكم العافيه ع الموضوع الجميل

الله يعافيك يارب

دعواتكم لي الله يسهل علي قريب
بصراحه خايفه مابي طلق صناعي
احاتيه وماكو ولا علامه ع بداية المخاض

فاطمه الحلوه
هلا والله بين اخواتك
بدي بالبطانيات الملابس المحايده بعض الاغراض الي تحتاجبنه
مثل معقم الرضاعات سرير العربانه كرسي السياره في اشياء كثيره مو بس الملابس يحتاجه البيبي
لانه هاذي التخفيضات تكون قويه لانه حق نهاية السنه
فلا تفوتينه...

M!SS Aro
تجهيزاتك مره روعه
بس خساره الميزان رافض

مس ارو

البجامات حلوين بس غريبة ماشفت زيهم في رد تاغ


يمكن لاني مارحته من فتره


انتين من زمان شريتيهم؟؟

سيمفونيه;13991999:
دعواتكم لي الله يسهل علي قريب
بصراحه خايفه مابي طلق صناعي
احاتيه وماكو ولا علامه ع بداية المخاض

الله يسهل لك انشاء الله


بالعكس الطلق الصناعى اريح تولدين بسرعه

فاطمه..
عذرا ع التأخر بالرد..انا شخصيا ماانتظرت اعرف جنس البيبي ولا شي..لأني اشوف ان البيبي حلاته بكل ألوان الطفوله..ابيض..بيج..أخضر..أصفر..برتقالي..بني..أحمر..بنفسجي فاتح..وممكن حتى انكـ تاخذين أزرق لانه يصلح للبنات..اما الوردي بعضهم يدرون انهم بيجيبون ولد و مع كذا ياخذون وردي..^_^على حسب انتي شنو تحبين..
و أخذي ملابس صيفيه..
و اللي الحين موجود بالسوق مو كله شتوي ..يعني أفرولات مذركير اللي تجي كامله ومسكره بالرجل..اللي 3 مع بعض احسها تصلح للصيف<<لاتنسين انكـ بتشغلين المكيف..والبيبي ما يتحمل برودة المكيف..يعني الملابس اللي مخمل او صوف ابتعدي عنها..اما القطنيه خذي اللي تبين
و تقدرين تاخذين الشباحات"الملابس الداخليه"من الحين..مذركير و سنتر بوينت عندهم بدون كم و بنص كم و بكم..و ممكن يوصل تخفيض شباحات مذركير بنهاية التخفيضات إلى 75 ريال<<7 شباحات مع بعض..ملفات البيبي القطنيه اللي بسنتر بوينت تنفع للصيف..

انتي اشتري.. بس مو كل شي..يعني اذا مفكره تاخذين مثلاً10 أفرولات..خذي 3 الحين والباقي لو صار تخفيض قبل ولادتك<<سنتربوينت ممكن يسوي
اما مذركير..مادري يمكن بس شهر واحد و سبعه<<مو متأكده بس اقول لك يمكن..
وطقم البانيو انا حبيت اللي من مذركير اكثر من سنتربوينت..و اخذته بالتخفيض بــ165<<بانيو+ليفتين+فوطه+العلبه المفتوحه اللي ينحط فيها اغراض الشاور
السرير..لاتفكرين تشترينه إلا بنهاية التخفيضات..لاتاخذينه بدون تخفيض..وبالتوفيق
مس أروو..
ماشاء الله..حيل حلوين تجهيزاتكـ..وبانتظار الباقي^_* ا..وبجايمكـ شي..و أسعارهم حلوه..ايه مو كل فروع رد تاغ تجيب اشياء حلوه..
تتهنين فيهم..ويتهنى البيبي بأغراض الصيدليه..الشاي هذا مهم؟حق شنو؟ممكن يدمن البيبي عليه؟
سيمفونيه..
ربي يسهل عليكـ..اجل التمر مايفيد ولا المشي؟!!
غريبه الدكتوره اللي تتابعين عندها ماسوت لكـ ذاك اللي سووه حق مادري اي عضوه..توسيع يمكن اسمه توسيع..ولاتخافين اهم شي مو بعمليه والله يقومك انتي و البيبي بالسلامه..

&#974;!ƒ&#281; &#7760;ƒ &#7733;!&#942;g;13996247:
الله يسهل لك انشاء الله


بالعكس الطلق الصناعى اريح تولدين بسرعه

تسلمين اختي
والله جربته بولادتي الاولى بغيت اموت متعب بصراحه
بعكس الطلق الي يجك من ربك سبحان الله
والله يرزقج بالذريه الصالحه

نحووول;13996830:
فاطمه..
عذرا ع التأخر بالرد..انا شخصيا ماانتظرت اعرف جنس البيبي ولا شي..لأني اشوف ان البيبي حلاته بكل ألوان الطفوله..ابيض..بيج..أخضر..أصفر..برتقالي..بني..أحمر..بنفسجي فاتح..وممكن حتى انكـ تاخذين أزرق لانه يصلح للبنات..اما الوردي بعضهم يدرون انهم بيجيبون ولد و مع كذا ياخذون وردي..^_^على حسب انتي شنو تحبين..
و أخذي ملابس صيفيه..
و اللي الحين موجود بالسوق مو كله شتوي ..يعني أفرولات مذركير اللي تجي كامله ومسكره بالرجل..اللي 3 مع بعض احسها تصلح للصيف<<لاتنسين انكـ بتشغلين المكيف..والبيبي ما يتحمل برودة المكيف..يعني الملابس اللي مخمل او صوف ابتعدي عنها..اما القطنيه خذي اللي تبين
و تقدرين تاخذين الشباحات"الملابس الداخليه"من الحين..مذركير و سنتر بوينت عندهم بدون كم و بنص كم و بكم..و ممكن يوصل تخفيض شباحات مذركير بنهاية التخفيضات إلى 75 ريال<<7 شباحات مع بعض..ملفات البيبي القطنيه اللي بسنتر بوينت تنفع للصيف..

انتي اشتري.. بس مو كل شي..يعني اذا مفكره تاخذين مثلاً10 أفرولات..خذي 3 الحين والباقي لو صار تخفيض قبل ولادتك<<سنتربوينت ممكن يسوي
اما مذركير..مادري يمكن بس شهر واحد و سبعه<<مو متأكده بس اقول لك يمكن..
وطقم البانيو انا حبيت اللي من مذركير اكثر من سنتربوينت..و اخذته بالتخفيض بــ165<<بانيو+ليفتين+فوطه+العلبه المفتوحه اللي ينحط فيها اغراض الشاور
السرير..لاتفكرين تشترينه إلا بنهاية التخفيضات..لاتاخذينه بدون تخفيض..وبالتوفيق
مس أروو..
ماشاء الله..حيل حلوين تجهيزاتكـ..وبانتظار الباقي^_* ا..وبجايمكـ شي..و أسعارهم حلوه..ايه مو كل فروع رد تاغ تجيب اشياء حلوه..
تتهنين فيهم..ويتهنى البيبي بأغراض الصيدليه..الشاي هذا مهم؟حق شنو؟ممكن يدمن البيبي عليه؟
سيمفونيه..
ربي يسهل عليكـ..اجل التمر مايفيد ولا المشي؟!!
غريبه الدكتوره اللي تتابعين عندها ماسوت لكـ ذاك اللي سووه حق مادري اي عضوه..توسيع يمكن اسمه توسيع..ولاتخافين اهم شي مو بعمليه والله يقومك انتي و البيبي بالسلامه..

بجاوبك عن الشاي هذا للبيبي اسمه شاي مايلوبه اعتقد هيك
انا استخدمته لولدي كويس عن الغازات
بس الدكتوره تقول اليانسون افضل للبيبي لانه بيكون طبيعي وهيك
الينسون يريح الطفل من الغازات
لان البيبي يبي له ثلاث اشهر ع الاقل وهو مسكين يتعصور من الغازات وكذا

واذا على التوسعه على قولتك لا ماسوت لي الدكتورهههه

زين انها كشفت علي لاني كنت تعبانه بصراحه
وان شاء الله ماحتاج توسعه ولا شي وابشركم بخبر ولادتي

ان شاء الله يااااااااارب..
واااااااال..توني انتبه انكـ ماشريتي الستاره حقت البيبي..خلصيها بسرعه قبل لا تولدين..وربي يسهل عليكـ..
زين سؤال..
صج اللي تقولين انا من اروح حق وحده من اقاربي والد و أحمل البيبي اشوفه يعصر وجهه افكره مختنق..آخر شي قلت حق امي قالت بطن البيبي كله يألمه في البدايه
و السؤال هو..
إذا عطيت البيبي الشاي او اليانسون..<<اعطيه في الرضاعه صح؟مافي احتمال ان يتعود بكذا على الرضاعه ولا ماله دخل؟لاني ودي ارضع طبيعي
وكم ممه يبي لي اشتري؟^_^ممه=رضاعه

اممممم الطلق الصناعييي ما يخلي الوحده تنتنفس على بعض ويذبحها

وفي ناس تستجيب مع الطلق وناس لا

وانا من الاشخاص اللي ما توسعت بالطلق الصناعي

بس احس بالالام لكن توسعه ما توسعت

يعني ذبحنييييييييي

نحووول;13996977:
ان شاء الله يااااااااارب..
واااااااال..توني انتبه انكـ ماشريتي الستاره حقت البيبي..خلصيها بسرعه قبل لا تولدين..وربي يسهل عليكـ..
زين سؤال..
صج اللي تقولين انا من اروح حق وحده من اقاربي والد و أحمل البيبي اشوفه يعصر وجهه افكره مختنق..آخر شي قلت حق امي قالت بطن البيبي كله يألمه في البدايه
و السؤال هو..
إذا عطيت البيبي الشاي او اليانسون..<<اعطيه في الرضاعه صح؟مافي احتمال ان يتعود بكذا على الرضاعه ولا ماله دخل؟لاني ودي ارضع طبيعي
وكم ممه يبي لي اشتري؟^_^ممه=رضاعه

شوفي البيبي يتعود على المميه اذا كنتي ترضعيه حليب
انا اخذت مميتين بيجون حجم صغير
لان بس حق الينسون او الماي
وان شاء الله الرضاعه بتكون طبيعيه

تذكر يوم;13997300:
اممممم الطلق الصناعييي ما يخلي الوحده تنتنفس على بعض ويذبحها

وفي ناس تستجيب مع الطلق وناس لا

وانا من الاشخاص اللي ما توسعت بالطلق الصناعي

بس احس بالالام لكن توسعه ما توسعت

يعني ذبحنييييييييي

اي والله صادقه يام حسين
الله يعين
يعني تعب فوق تعب بصراحه
والله لايحوجنا له

السلام عليكم كروووشات

بقول لكم قصه ولادتي طبعا انا كملت الشهر التااسع وابد ماكان في طلق ولابوادر ولاده ابدا..

كان عندي موعد يوم الثلاثاء وعملت لي الدكتورة موجات صوتيه للبيبي قالت كل شي اوكيه بس كملتي الشهر التاسع بعطيك مهله ليوم الاحد يعني اربع ايام حاولي تمشين كثير واشربي قرفهوالا شرفينا يوم الاحد وهاتي الشنطه معك علشان طلق صنااعي .. ووقتهاا تخووفت بصراحه من الطلق الصناعي ..
طبعا انا ماارحت لها يوم الاحد ع الاتفاق ع شان الطلق الصناعي قالت لي امي تأخري كم يوم وكثرري مشي وان شالله تتسهل . ومنها اروح مع زوجي المجمعات وامشي بس مااقدر اواصل مشي لاني اتعب ع طوول والنغزات من تحت تجي تذبحني مررهومافي اي نتيجه ولا بووادر ولاده ابدا..
المهم رحت المستشفى وادخل ع الدكتورة ومن شافتني ابتسمت لي قالت
لي لسه ماولدتي:(يعني مافيه الا طلق صناعي قالت لي تعالي بكره وهاتي اغراضك . المهم ليلتها كنت عاايشه بخوف وقلق ومانمت لو نمت انتبه ع طوول يعني كنت افكر طول الليل بالولاده . المهم رحت الصباح الساعه 8 ونص ودخلت ع الدكتورة وعلى طوول ضبطت اوراق التنويم .. هنا المعاناه والتعب
طبعا تنومت ع طول بالغرفه الخاصه فيني بعد الولاده يعني مو بغرفه الولاده

وانا بقلبي اقول ان شالله تجي الساعه 12 وانا ولدت وارتحت :'( والمسأله مطووله . المهم عملت لي تخطيط علشان تشوف اذا فيه طلق والا لا وهالتخطيط ياخذ ساعه ونص . وهي سوته لي 3 مرات
ومنها دكتور عمل لي سونار علشان يشووف ووضع البيبي ..
بعدالتخطيط والسونار جاتني الدكتورة ع الساعه اربع ونص العصر قالت لي
اتضح بتقرير السونار انه المويه بدت تقل حقه البيبي وانه المشيمه بدت تنكمش خووفتني اكثر هنااااااااا:badly: قلت لها طيب وشلون الحين قالت مافيه الا خيارين ياطلق صنااعي ولازم يكون قووه اراده منك ومن البيبي وهي بنفس الوقت خايفه من البيبي مايكون عنده قوه دفع من قلت المويه.
الخيار الثاني عمليه هنا خفت اكثر واكثر ووقتها فعلا تعباانه ومرهقه اخذت اليوم بالمستشفى كله تعب لانوم ولا اكل.
المهم كلمت زوجي وخبرته ومنها صار كلام بينه وبين الدكتورة واتفقنا ع انه عمليه وووقع الاورق .. ودخلوني غرفه العمليه الساعه 7:'(المغرب ومنها مدري عن شي ابدا ..
فك البنج من عندي الساعه 9 ونص والالالم ذاابحتني مررررررره ومنها دخلوني الغرفه الخاصه بعد الولاده الا زوجي موجود ينتظرني علشان يفك البنج وانا أتألم حييييييييييل ودموعي ع خدي من قوه الالم . وقتها مااقدر اتكلم وزوجي مسكين جاايب لي عشااااا شافني لاتعبت مره لانوم ولا اكل
وطبعا وقتها الاكل ممنوع لمده 3 اياااااااام جلس مع للساعه 1 طبعا بالليل
منها تكلمت شووي شووي ابي اشوف النونووه ووراني وياها بالجوووووال
لان اول ماولدت ع طوول شافهاكان موجود بقسم العمليات ..

قسسسسسسسسسم بالله معاناااااااااااه وتععععب الله يسهلها عليكم يارب
وتشووفون النونوووات وتقوومون بالسلامه

هلا

بالنسبه للي سئلت كم ميميه

انا اخذت 3 ووحده خااصه للمويه تجي مره صغنوونه للموويه فقط

والثانيه لشااي الميلووبا

والثالثه للحليب طبعا الايام الاولى ماكنت اقدر اشيل بنتي وارضعها علشان العمليه

حاليا اعطيها طبيعي والصناعي ..

وحبيت اخبرك زوجي رايح صيدليه الدواء وشاف رضاعت من ماركه فليبس اكيد الكل يعرفهااا

ولها مميزات كثيره هالرضاعه وواخذها بس فيها عيب انه شكلها شووي كبير

احلى شي فيها انها تمنع الغازات يعني الهواء ماااااايكون داخلها وعارفين الغازات بيزعج البيبي

بهالعمر
وعليها عرض خيال
الوحده سعرها 50 ريال
واذا بتاخذين 2 سعرها 75 ريال
طبعا الثانيه تقدرين تستخدمينها اذا كبر البيبي لعمر 6 شهور

سيمفونيه..
مشكوره حيل ع الافاده..وربي يسهل عليكـ و علينا..ونسمع خبر ولادتكـ بالسلامهـ
نداء..
وووووووول يعني حيل تبهدلتي بالولاده..الله يساعدكـ ..يقولون اللي والد بعمليه يبي لها شهرين عشان يروح الألم..
زين..ليش يحرمونكـ من الاكل 3 أيام؟؟؟؟؟
وبالنسبه للممه..شكرا على المعلومات..ويبي لي اروح صيدليات الدواء القريبه منا..ان شاء الله الله العرض حتى بالشرقيه..
ومشكووووووره حيل ع الافاده والله يعطيكـ العافيه..

نداء الرووح;13998828:
السلام عليكم كروووشات

بقول لكم قصه ولادتي طبعا انا كملت الشهر التااسع وابد ماكان في طلق ولابوادر ولاده ابدا..

كان عندي موعد يوم الثلاثاء وعملت لي الدكتورة موجات صوتيه للبيبي قالت كل شي اوكيه بس كملتي الشهر التاسع بعطيك مهله ليوم الاحد يعني اربع ايام حاولي تمشين كثير واشربي قرفهوالا شرفينا يوم الاحد وهاتي الشنطه معك علشان طلق صنااعي .. ووقتهاا تخووفت بصراحه من الطلق الصناعي ..
طبعا انا ماارحت لها يوم الاحد ع الاتفاق ع شان الطلق الصناعي قالت لي امي تأخري كم يوم وكثرري مشي وان شالله تتسهل . ومنها اروح مع زوجي المجمعات وامشي بس مااقدر اواصل مشي لاني اتعب ع طوول والنغزات من تحت تجي تذبحني مررهومافي اي نتيجه ولا بووادر ولاده ابدا..
المهم رحت المستشفى وادخل ع الدكتورة ومن شافتني ابتسمت لي قالت
لي لسه ماولدتي:(يعني مافيه الا طلق صناعي قالت لي تعالي بكره وهاتي اغراضك . المهم ليلتها كنت عاايشه بخوف وقلق ومانمت لو نمت انتبه ع طوول يعني كنت افكر طول الليل بالولاده . المهم رحت الصباح الساعه 8 ونص ودخلت ع الدكتورة وعلى طوول ضبطت اوراق التنويم .. هنا المعاناه والتعب
طبعا تنومت ع طول بالغرفه الخاصه فيني بعد الولاده يعني مو بغرفه الولاده

وانا بقلبي اقول ان شالله تجي الساعه 12 وانا ولدت وارتحت :'( والمسأله مطووله . المهم عملت لي تخطيط علشان تشوف اذا فيه طلق والا لا وهالتخطيط ياخذ ساعه ونص . وهي سوته لي 3 مرات
ومنها دكتور عمل لي سونار علشان يشووف ووضع البيبي ..
بعدالتخطيط والسونار جاتني الدكتورة ع الساعه اربع ونص العصر قالت لي
اتضح بتقرير السونار انه المويه بدت تقل حقه البيبي وانه المشيمه بدت تنكمش خووفتني اكثر هنااااااااا:badly: قلت لها طيب وشلون الحين قالت مافيه الا خيارين ياطلق صنااعي ولازم يكون قووه اراده منك ومن البيبي وهي بنفس الوقت خايفه من البيبي مايكون عنده قوه دفع من قلت المويه.
الخيار الثاني عمليه هنا خفت اكثر واكثر ووقتها فعلا تعباانه ومرهقه اخذت اليوم بالمستشفى كله تعب لانوم ولا اكل.
المهم كلمت زوجي وخبرته ومنها صار كلام بينه وبين الدكتورة واتفقنا ع انه عمليه وووقع الاورق .. ودخلوني غرفه العمليه الساعه 7:'(المغرب ومنها مدري عن شي ابدا ..
فك البنج من عندي الساعه 9 ونص والالالم ذاابحتني مررررررره ومنها دخلوني الغرفه الخاصه بعد الولاده الا زوجي موجود ينتظرني علشان يفك البنج وانا أتألم حييييييييييل ودموعي ع خدي من قوه الالم . وقتها مااقدر اتكلم وزوجي مسكين جاايب لي عشااااا شافني لاتعبت مره لانوم ولا اكل
وطبعا وقتها الاكل ممنوع لمده 3 اياااااااام جلس مع للساعه 1 طبعا بالليل
منها تكلمت شووي شلامووي ابي اشوف النونووه ووراني وياها بالجوووووال
لان اول ماولدت ع طوول شافهاكان موجود بقسم العمليات ..

قسسسسسسسسسم بالله معاناااااااااااه وتععععب الله يسهلها عليكم يارب
وتشووفون النونوووات وتقوومون بالسلامه

قصتج تخرع يانداء
الحمد لله على السلامه
والله يخلي البنوته