M!SS Aro;13893832:
اذا كانت التخفيضات يوم 26/12/2010 بالميلادي
يعني تكون يوم[COLOR=red]19/1/1432 بالهجري[/COLOR]
......................
بنات شوفو جدول النفاس هذا مررره رووعه سهل ومرتب اخذته من وحده بمنتدى ثاني
الله يجزاها خير ..
انا بسويه ان شاءالله :
السلام عليكم ..
هذا جدول للنفاس مجرب و النتيجة مضمونة ..
الأغراض اللي تحتاجينها للنفاس مو كثيرة
و هذا سر النفاس الناجح ..
طبعا ما أنصح بقهوة النفاس اللي تاخذونها من العطارين و بعض الحريم اللي مو موثوق منهم لأنها تحوي الشبه و العفص و الصك و اللك اللي يزينك شوي و تخربين بعدين ..
أغراض نفاسك بتكون /
حلبة غير مطحونة و حلبة مطحونة ( بيجيك العلم ليش نوعين ) و
أحسن حلبة حلبة القصيم لا تجيبون يمنية و مدري ويش بحكم ان
ريحتها أخف ترا أحسن نوع هو حق القصيم ..
كمون حب .. يانسون حب .. مرة للشمم كسرة منقوعة بمويه ..
زنجبيل .. رشاد حب .. دباغ ( أرطى ) أعواد من العطار لا تطحنينه و
قشر رمان مجفف مطحون ( يفضل أنتي تنظفينه و تجففينه و
تطحنينه أنظف من حق العطار المغبر )
بس ..
هذي الأغراض ..
طبعا أول عشرين يوم لازم تلهمين في هالحلبة سواء المطحونة ( تخلطينها بمرق لحم أو دجاج مع فلفل أسود ) و تشربينها و المرقة حارة تفيد العظام و تخيط الجرح ..
و الحلبة الغير مطحونة تحطين منها ملعقة كبيرة مسح ببيالة و تصبين عليها ماء مغلي لين نصف البيالة و تدخلينها بالثلاجة بعد تغطية البيالة بكلاد عشان لا تنتشر الريحة بالثلاجة و من بكرا الصبح تسوين لك مراصيع أو مصابيب ببصل و فلفل أسود و شوي سمن لا تكثرين و تطلعين البيالة حقت الحلبة تلقين مويتها راحت شربتها الحلبة و تحطين الحلبة بروحها بعد تصفيتها من باقي الماء بابريق مخصص لهالشغلة و تصبين عليه كاسة حليب و تغلينه مع الحلبة و تصفينه و تحلينه بملعقة كبيرة عسل .. و يمي على الطعم و الله حلو مرة و هالطريقة يسوونها أخواتنا السودانيات و تقضي على مرارة الحلبة بس مثل ما قلت لازم حلبة مطحونة مع مرق اللحم ( مالكم عنها غناة ) و كذلك مع الحليب ..
بالنسبة لشراب الكمون و الزنجبيل و اليانسون و القرفة هذي مرتين باليوم بعد الوجبات و القرفة وقت اللزوم اذا شفتي الدم انحبس خذيها لأنها تدر الدم و أنتو بالكرامة ..
و الرشاد آخر عشرين يوم تسفين نصف فنجال و تتبعينه بمرق لحم عشان يلين البطن أو تعبطينه في تمر بس مع المرق أحسن لأنه يمنع الامساك باذن الله ..
و الرشاد ما ينوخذ ابد بأول عشرين يوم لأنه يزيد الدم فالطريقة الصح هي انك تاخذينه بعد العشرين الاولى يطلع البقايا المحتبسة ..
و الأكل كلي مرقوق بكوسة و فاصوليا فقط .. مع الحلبة و الفلفل الأسود و البصل .. هذا غداء ..
و مرق لحم أو دجاج هذا عشاء و سفي عليه الحلبة المطحونه أو اخلطيها به ..و عليك بالعافية اشربيه و هو حار ,,,
و القهوة سوي لك قهوة عادية بدون هيل و زعفران اطبخي القهوة و حطي بترمسك شوي يانسون مطحون و شوي كمون و شوي زنجبيل و صبي القهوة و تمتعي بالطعم و الله موب شينه و أحسن من الهيل ترا كثرته ماهي زينه للنفاس ..
و بين الوجبات مثل ما قلت اشربي حوار .. شاهي زنجبيل كمون يانسون قرفة اذا لزم الأمر و ممنوع منع بات الغازيات و العصيرات و كذلك الحلا باستثناء التمر فقط سبع تمرات باليوم مو تاكلين الكيس كله لأن الحلا ما يخيط الجرح كثرته ماهي زينه سواء عسل أو سكر أو تشوكليت أو تمر كل هذا لا تاكلين منه إلا اليسير و استغني تماما عن الكاكاو و التشوكليتات و الحلاو تنفخ و تخرب الجرح خليك بس على شوي تمر و ملعقة عسل باليوم و إذا قدرتي تشربين اليانسون و الكمون و الزنجبيل و القرفة بلا حلا فاشربيهم أفضل لك و أحسن لجرحك ..
طبعا باقي الغسول ..
من عاشر يوم من النفاس استخدمي غسول الأرطى مرة زين ..
طريقته تاخذين الأرطى ( مقدار قبضة يد من الأعواد ) و تحطينها بقدر و عليها لتر ماء و تغلينها مع شوي ملح خشن و ملعقة كبيرة مسح قشر رمان مطحون و بعد ما تغلي حطيها بالقيصرية طشت يوضع بالكرسي الافرنجي ( انتبهي لا تحطين الطشت بالأرض الجلوس عالأرض ممنوع لمدة شهر )
و خليه يدفى و تنقعي فيه لمدة عشر دقايق بس هاه ما أوصيك تنقعي فيه و هو دافي ترا البارد ما ينفعك يحوسك و يسبب لك بلاوي ..
و اجتنبي الموز و البرتقال و الليمون و الباميه و القرع و الملوخية و الملوخية و الطماطم لأنها تسبب مويات و تخرب كل شغلك بنفاسك .. و لا تكثرين رز و شوفان كلي لكن لا تكثرين و لو اقتصرتي عالبر أحسن و عموما الطماطم حتى في أكلك إذا جيتي تطبخينه لا تحطين إلا شوي..
بالنسبة للكبو .. ترا ما استخدمته بنفاساتي و من دونه الوضع تمام ما شاء الله ..
و لو تبغون كبو فأحسن شيء ( كسرة مر - كمون - قشر بصل ) و تتبخرين به مع تحت و تتدفين ..بس منقوع المره أحسن و آمن من هواء الكبو و يؤدي نفس الغرض ( علاج الشمم ) لأن الكبو يبغاله وحدة حريصة في التكبي و التدفي ..
يؤ نسيت على طاري الدفا ترا النفاسيه لازم تلبس شراب و بنطلون لو قطني و وقت النوم تلف الطرحة أو الشال عالراس ..
و النظافة الشخصية لازم تغيير الفوط و بالنسبة للاستحمام لا تكثرين ترا يضرك و يحبس الدم .. أول ثلاث أيام خليك بس على غسل الجسم بشويش مجرد تمسيح و تشطيف على طول بعدين تروشي بالأسبوع مرتين و الاستشوار خليه بدورة المياه و ادهري في شعرك جففيه و تدفي قبل لا تطلعين و خلي لتروشك عشر دقايق بس شغل سريع و يؤدي الغرض مو تجلسين ساعة بالحمام و يلفحك الهواء و تبردين انتبهي ..
رجعت اعدل بالرد لأن فيه بنات يتساءلون عن الرشاد و انه ما يناسبهم اللي ما يناسبها تاخذ بدله قرفة آخر عشر ايام للتنظيف
و بالنسبة لتقليل التمر و العسل كلامي عن خبرة و تجربة التمر و السكر يا بنات غير ممنوع لكن لا تاكلين منه كثير خصوصا اول عشر ايام لأن كثرة السكر بالدم تمنع التئام الجرح و مرضى السكر و عدم التئام جروحهم هم خير دليل كلوا تمر لكن خمس او سبع تمرات باليوم و كلوا العسل ملعقتين باليوم حلي فيها المصابيب او المراصيع و حلي بها حليب الحلبة و غير كذا كثرته ما هي زينه تنفخك و تخليك بالون بعد نفاسك على الفاضي و تاخر التئام الجرح
....
:thumbs_up:
يسلموووو خيو
