تجهيزات بنات السعوديه + تبادل خبرات

هلا والله فيج اختي

تو مانوور الموضوع ^^.^^

يعني حالك من حالي لسه مانعرف جنس البيبي :(

مذركير ماشاء الله ماعليه كلام اغراضه تجنن ونكست بعد حلو بس دخلته في التخفيضات

حسيته زحمه والناس ملعوزه البضاعه بشكل مب طبيعي صاير كأنه محل بو عشره خخخخ

وانسدت نفسي وماشريت شي ..

والله انا للحين مااعرفت بالضبط شنو كل مستلزمات البيبي ، خلينا نساعد بعض وحطي لنا قائمتك :)

وياريت تنزلي لنا بعد صور القطع اللي شريتيها اذا مافيها كلافه :)

فالي جربو شنو لبسو اعيالهم ؟

ياهلا فيك اختي احلى نحله ..


عندي اقتراح .. كل وحده تصور اللي شرته .. وتحطه هنا.. وتكتب لنا بكم ومن وين ..والاهم من اي مدينه ..

عشان نفيد ونستفيد :D:D

وانا بحط اول شي شريته ..((ترا انا ماعرفت نوع البيبي لسا واخذت اغراض حسيت انها تناسب الجنسين ))
بس بصراحه ماصورت قطعة نكست بس اول مااروح بيتي اصورها واحطها لكم اوكي :lol::lol:






اخذتها من مذركير اللي في النمر بالرياض نسيت والله بكم بس اخذتها مخفضين عليها ..

وهذي هي اللسته حقتي :lol:..

وانا بصراحه احس فيها اشياء ناقصه :|..

شوفو لي وش ناقص وخبروني اوكي ;)



للبيبي..

6 مهادات قطنيه خفيفه
6 مفارش
1 مدس << ماحب اكثر اشتري واحد عليه القيمه وبس
6 بجامات كامله << اموت عليها بالصيف او الشتا:lol:
3 ثياب << حق اول الايام ..:D
6 بربتوزات داخليه بدون اكمام
4 قبعات
1 منشفه كبيرة للحمام
12 مناشف صغيرة للتنظيف..
6-8 مريلات اللي على الرقبه
3 رضعات صغيرة و3 وسط
ترمس للمويه
مصاصه بايجون
فرشاة لتنظيف الرضعات
طقم العناية بالاظافر كامل
هدية لبنتي سارة من البيبي<< ناويه على عروسه بشكل بيبي بكل اغراضها


السرير عندي من بعد سارة بس عواميده لازم اغيرها واشتري جديد


بس هذا اللي عندي الحين ..

بحط اللسته اللي لي بعد شوي :thumbs_up:

هذي اللسته لي ..

وطبعا احس انها ناقصه كثيييييييييييييييييييييييير وانا هالايام الذاكرة عندي ممسوحه على الاخر ..:worn_out:

شوفوها وذكروني وش ناقص :D

2 قمصان رضاعه للبيت
4 بجامات للبيت
2 جلابية استقبال
6 علب اندروير استعمال مرة وحده
شباشب للمستشفى والبيت
شنطه
منشفه
فرشاة ومعجون اسنان
ستيان رضاعه
شفاطة الحليب << افكر بايفينت اليدويه
قطن للصدر
توزيعات .. وصياني تقديم ..
وكان ودي اشتري بيالات وفناجيل من مصر بس ماعرفت من وين اشتريها في مصر فاذا تعرفون قولو لي:D ..

وبس هذا اللي كاتبته الحين ..

واذا عندكم زياده لا تبخلون علي :D:D:L:

مقمورية;12679321:
حلو هذا التجمع انا انشاء الله راح البداء اجهز في شهر شوال لان كون في اثامن والله يتتمم حملنا على خير

قلـب علـي;12685756:


ربي يتمم عليكم يااااااااااااارب

مشكورة حبيبتي على النصائح :)
وربي يخلي حمود :D

سيمفونيه;12719614:

مساء الخير

يعطيكم الف عافيه
وطبعا انا ولادتي راح تكون ان شاء الله شهر 12 يعني بعز البرد
واحس البيبي مابيتحمل ملابس ثقيله وصوف

فالي جربو شنو لبسو اعيالهم ؟

[COLOR="Black"]سيمفونيه

مساء النور والسرور

ادامك عرفتي جنس البيبي لحقي على التخفيظاااات

وحيااااااااك الله معاانا


R3MA

ماشاء الله المجموعه البرتقالي يهبلوووووووون

انا خيتو صورت الكم شي اللي شريتهم تقريبا بالصفحه الأولى شوووفيهم وعطيني رايك

الله يعطيك العافيه حبيبتي عاللسته

يابنات اللي عندها خبره تضيف للسته تبع R3MA لأني انا ميييييح مو عارفه شنو المفروض اشتري :(




[/COLOR]

أحلى نحلة;12677690:
بنات اشتريت هذول من مذركير 7 قطع بـ 75 ريال

يصلحون للبنات والأولاد :)



وهذا شكل القطعه الوحده معليش معفسه شوي ^.^

ان شاء الله بكويهم لمن يقرب الحبيب يجي :)

بصراحه رووووووووووووووووووووووووووعه..

اعجبتني الوانه .. وانا احب ويني ذا بوه :lol::lol:
والاحلى يوني سيكس:p:p


يله يابنات نبي تفاعل حلو..

حتى الجلابيات يابنات لاتبخلون علينا فيها <<وحده متورطه:-#:-#

انا الحين افكر بكلللللللللللللل شي مدري متى يمديني :|:|

ودي اذا دخلت الثامن اكون مخلصه كل شي :D:D

حتى انا اموووت على ويني ذه بوه وربعه هههههههه

انا اليوم رحت سيتي ماكس ملابس الاطفال اللي عنده مووب شي

بس ملابس الكبار في اشياء حليوه ، اشتريت بنطلون حوامل واشتريت 3 فساتين قصيره تنفع حتى لم تكبر بطني

كلهم تتراوح اسعارهم بين 60 و 40

حلو .. تتهنين بمشترياتك ..

سيتي ماكس للبيبيات مو ذاك الزود ..

البيبيات ركزي على سنتر بوينت ومذركير ونكست اكثر شي خاصه القطنيات..
وفيه محلات ثانيه بس هذي اللي اسعارها حلوة وبمتناول الكل

وانا بصراحه اشتري منها لان البيبي بسرعه يتغير مقاسه خاصه اول شهرين ..

أهلين كرووشات

اولا أشكر صاحبه الموضوع

لانه هالموضوع راح يفيدنا كثير كثير

انا عن نفسي من الدمام ...

ولسه ماجهزت شي ناويه اجهز بشهر شوال بعد العيد لان توني ببدايه السادس وأنصح كل

وحده يكون تجهيزها محااايده الالوان

ومن يومين سويت السونار ومابين معي بنت او ولد انقهرت هههههههه ودي اعرف والدكتورة

تقول لي راح تعرفي اذا ولدتي جد ملقوفه قلت لها لازم اعرف حااولي :lol: ومافيه البنت او والولد مستحي;)


أدعو لي هالمره بووولد لانه عندي 3 بنات ناويه اجيب ولد وخلاص اقفل ماابي اطفال وان شالله


بس للتنبيه لاتشترون ملابس كثيره للبيبي لانه بسرعه يكبرر ومحتاجه تجددي كل شووي <<< قولي لنفسك هههههههه انا اقول ماراح اشتري كثير ومن اروح كل شي بشتريه ملابس البيبي يجننووون
هههههه وانا اكتب لكم وهو يرفس ببطني مدري وش بلاه او بلاهااا هههههههههههااي
اذا جهزت راح انزل لكم الصوور :) يلا سي يوووو

السلام عليكم ..

كيفكم ياكراريش ؟؟

انا من قطر وناوية اروح الحسا ان شاءالله الاسبوع الجاي عشان اتجهز للبيبي واتجهز لبتناتي للقرنقعوه والعيد..

وين تنصحوني اروح؟؟ابي محلات تخفيضات للبيبي .. وابي اسأل عن مجمع الاحساء مول ؟؟ بحصل فيه للبيبيات ملابس؟؟

ماشاء لله الله يتم لنا جميع
انا موعارفه ابدأ تجهيز ابدآآآآ كلما اروح السوق اتردد في الاشياء اللي تعجبني
واتركها وولادتي بتكون في الشتاء مادري كيف البرد على البيبي حددي محتارة

الحساا فيها العثيم مول والاحساء مول

وفيها السوق شارع الماجد

حسب ذاكرتي


يارب تمم علي حملي وان شاءالله اجهز معاكم

مرحبا ياحلوين ..:adore:


نداء الروح ..

مراحب اختي .. انتي مثلي انا بعد لسا ماعرفت جنس البيبي:(
وشكلي راح اجهز يوني سيكس لان على هالوضع مع التعب ماراح اقدر اجهز كثير بالثامن :|

روز قطر ..

حياك اختي تنور السعودية بوجودك:L: ..
والله ماعرف وش المحلات اللي في الحساء والا كان ساعدتك اختي:thumbs_up:

الفراشه ..

حبيبتي انتي قبل لاتبدين الافضل سوي لسته بالاشياء الضروريه اللي تبينها :)..
ثم بعد ماتخلصين هاللسته اشتري الزيادات اللي تبينها براحتك :thumbs_up:
وبها الطريقه ماراح تحتارين وين تبدين معه:thumbs_up:

عنفوان انثى..

ربي يتمم لك حمل ويثبته لك باذن الله ..

ويتمم حملاتنا كلنا ونولد بالسلامه يارب:D

بصراحة موضوع مرة مرة حلو
انا من جدة بس عايشة في تبوك
وهبدأ اجهز باذن الله قريب عشان خلاص في السادس
والحمدلله عرفت جنس النونو
هجيب نونة صغنطوطة الله يحفظها يارب
ويحفظلكم اطفالكم كلكم يارب
واي وحدة ياريت تفيدنا باسم المحل وسعره
وياريت المستشفى كمان لاني محتارة في المستشفى

ماشاء الله كثرووا البنات :)

معليش صار لي فتره ماشاركت الوحم عامل عمايله :(

روز قطر

العثيم مول اهو المجمع اللي فيه ماركات بس اتوقع انه على الاسبوع الجاي بتكون خلصت التخفيظات

نداء الروح

العفووو ياقلبي

وان شاء الله ربي يرزقك بووولد ..

شنووو جديدكم بنااات ؟

بنات شفت هالموضوع حق الاغراض اللي نحتاجها بالتجهيز

لعل وعسى تفيدنا :)

آغرآض تجهيز المولود




الأساسيات :
* أفضل المحلات : ( مذركير و سنتربوينت و شيكو )
- للرضاعة -
- رضاعتين أو 3 رضاعات 125 مل .
- 2 رضاعات 200 مل .
- فرشة تنظيف رضاعات
- مصاصة أصغر حجم تلقينه
- تعليقة مصاصة .
- ترمس أو زمزمية سعة نصف لتر .
- حامل رضاعات .



- الحمام -
- شامبو جونسون للأطفال .
- زيت جونسون للأطفال .
- صابون جسم سائل .
- بودرة جونسون .
- أعواد أذان .
- إسفنجه حمام .
- مجموعة تنظيف .
( عبارة فيها شنطة فيها مقص أظافر ، مبرد ، مقص عادي ، مشط ، منظفة الأنف )
- بانيو .
- إسفنجة البانيو .
- منشفة .
- مفرش تغيير الحفاظ



- الملابس –
- القطع الداخلية bodysuit
( خوذي 2 باكيج الي يصير فيه 3 قطع ، باكيج مقاس new born و باكيج 0 – 3 ، وممكن تاخذين مقاس أصغر الي هي tiny baby إذا متوقعة الطفل يكون وزنه قليل )

- الأوفرولات الكاملة .
( خوذي مثل البدي سوت ، بس خوذي شي ملون وشي أبيض – الأبيض يخلي الطفل كيووووت | حقات سنتر بوينت أفضل لأن لها طوق صغير من عند الرقبة أما مذركير فتحتة الرقبة واسعة ما تلم الطفل / للي ولادتها بالشتاء فيه أوفرولات عند ماركس سبنسر تجي مخمل مرررة عملية ودافية )

- 1 أو 2 أطقم البيجامات .
( فيه عند مذركير طقم كامل أوفرول وبدي سوت وقبعة وقفازات ، وعند سنتر بوينت مثلها بس إني تختارين القطع الي تبينها وزيادة فيه مهاد أو شرشف قطني حلو نفس الطقم ، لكن لا تاخذين الي تجي بيجامة قطعتين ، عشان السرة وأصلاً موب مريحة للطفل أبد )

- سدارات .
( خوذي مجموعة الي فيها 5 أو 6 إحرصي على الصغار ، وحلو لو تكون مبطنة ببلاستيك ، وفيه أنواع حلوة نهايتها فيها حبل ينربط حول البطن عشان ماتنقلب السدارة على وجه الطفل )

- 2 قبعات قطنية .
( غير الي تجي مع الأطقم )
- 2 قفازات قطنية .
- 4 مهاد
- مفرش للبيت .
( الي يجي أثقل من المهاد ، عند سنتربوينت نوعية حلوة ، وجه قطن ووجه فرو ناعم )
- سرير صغير .
( مع إنه ما يستخدم إلا ست شهور ، بس أحسن للمولود من السرير الكبير )



لك إنتي :
- أربعة برا(سنتيانات) .
- كلوتات إستخدام مرة وحدة .
( خوذي باكيج بـ مقاسك وإنتي حامل عشان الأيام الأولى ، و2 بـ مقاس أصغر / الباكيج فيه 7 حبات ) تلاقيه بمذركير
- 3 فخاذي
- قطن للصدر
( خوذي علبة صغيرة ، لأنه ما راح تحتاجينه طول الوقت )
- 4 بناطيل قطنية داخلية .
- بيجامات أو قمصان دافية للبيت .
- شرابات قطنية .


- الأجهزة –
( ممكن تاخذينها من الصيدلية أو شيكو أو غيرهم )

- مقياس الحرارة . ضروري .
( أحسن شي الي تقيس من الإذن بدون ما تزعجين الطفل ، براون ممتازة بس ما تنلقى بسهولة )
- جهاز تعقيم الرضاعات . إختياري
( ما أقدر أفيد فيها ، لأني ما إستخدمتها ، بس أتوقع لو من نفس ماركة الرضاعات أحسن )
- جهاز المراقبةbaby monitor . إختياري .
( فيه نوع بس الأم تسمع صوت الطفل ، و نوع تسمعه وتشوفه ،
و نوع ممكن الطفل يسمع الأم عشان يهدا ، فيه أنواع تعطيك درجة حرارة الغرفة الي فيها الطفل ، وإنتي شوفي الي يناسبك ، عموماً شيكو أفضل شي )


- أغراض الصيدلية –
- فازلين
- مرهم ميبو
- بودرة السرة .
( تمنع الإلتهاب بإذن الله )
- خافظ حرارة للأطفال
( إسألي الصيدلي عن الأفضل )
- قطرة الملح Salinose
( كويسة لإنسداد الأنف ، وآمنة ، مجرد موية وملح )

أختي قلب علي بسألك سؤال ؟؟؟

الشفاط الكهربائي من وين شريتيه وبكم؟؟؟

عالمي حواء;12757429:
أختي قلب علي بسألك سؤال ؟؟؟

الشفاط الكهربائي من وين شريتيه وبكم؟؟؟

حبيبتي من اي صيدليه واسعاره بتختلف من 200 ريال وفي
ب 1000 روحي وشوفي