ارجوك تساعدنى دكتور عادل

السلام عليكم يا دكتور عادل

انا اعانى من مشكله النحافه وحضرتك كنت قايل ان كل واحد يكتب عن حالته ويبعتهالى



وكنت حللت قبل كدا بول وبراز وكانت النتيجه الحمد لله سليمه

وبالنسبه لتحليل الدم كان فى نسبه بسيطه جدا من فقر الدم يعنى اعتقد كانت 12 من 14 حاجه زى كدا هو الدكتور قالى دى نسبه بسيطه جدا بس بصراحه هو كان كاتبلى على مسحوق للشرب اعتقد اسمه سوستاجين وقالى تعاليلى بعد اسبوع ومشيت على شرب المسحوق ده بانتظام زى ما الدكتور قالى وروحتله بعد اسبوع ووزنى وبرضه ملقاش اى نتيجه وبصراحه هو كتبلى على برشام بس انا حسيت انى يئست ومجبتش العلاج ولا اخذته وانا حاسه بيئس فظيع لانى حاولت فى جميع الوصفات وجميع الوجبات ولا فى حاجه بتنفع معايا ومش لاقيه حل واتمنى ان حضرتك تلاقيلى الحل فى اسرع وقت ارجوك

وانا وزنى 39 كيلو وطولى 150 ولكن وزنى لا يتعدى 40 ابدااااااا ونفسى اوصل ل45 ليكون جسمى مناسب شويا لطولى

ارجوك دكتور عادل تجاوب عليا انا بعتلك رسالتى دى على الخاص ولكن مفيش اى رد من حضرتك ليا
ارجوا الاهتمام يا دكتور برسالتى لو سمحت

والله يوفقك فى عملك وفى حياتك وجزاك الله خير