مشكلة صديقتي أبي أساعدها

السلام عليكم ورحمة الله وبركاته

مرحبا ياعرايس منتدانا الغالي

حبيت اليوم أطرحلكم مشكله أعاني منها مع وحد من صديقاتي مشكلتها يبهرها كل جديد مع إنوا أحياناً الشيء الجديد إللي تنبهر فيه ممكن يكون شيء سيء لها ولكن ماتتوب كبيره عمرها تقريباً 30 بس الكبر كبر العقل دايم تقولي على صغرك بس أحسك أعقل مني
والله الواحد يتقي شر نار جهنم ويبتعد عن مايغضب الله

أنا وهي معلمات رياض أطفال كانت بأول سنه لنا وحنا معلمات لأول مره تطلع مع شباب ضليت وراها نصحتها وذكرتها بعيالها عندها ولد وبنت وقلتلها ماتخافين من الله يعاقبك مو بنفسك إنتي ممكن يجازيك بولدك ولا بنتك خافي من الله هي مطلقه المهم ولله الحمد تركت هالشغلات
في ثاني سنه لنا وحنا معلمات هالسنه صار شيء أعظم عشان أوضحلكم حنا عندنا بنات يسجلون كمتدربات يتعلمون طول السنه عشان يصيرون معلمات رياض أطفال تمام

هالسنه سجلوا ماشاء الله تقريبا 13 وحده الله يحفظهم وكلهم عسولات وحبوبات وصاروا من أعز صديقاتي إلا وحده فيهم <ي>كانت غير عبوس وماتحسين براحه بقربها المهم مهمتهم لما يتدربون إنهم يقعدون بفصل كل معلمه مدة أسبوعين و<ي>دخلت عندي أنا أول شيء وقعدت تتكلم معاي وتقولي حكيني عن نفسك عن ماضيك عن وعن وعن قلتلها إسمحيلي أنا ماأعرف أتكلم أصلاً ونادراً ماأحكي حتى عن مشاكلي تبيني على طول أحكيلك أنا ماأعرف هي كل ماتضايق تقولي بس والله صدق أنا ماأعرف أتكلم ماأحب وماتعودت أشكي المهم تدرون هي متزوجه وعمرها 34 تقريباً وعندها ولد وبنت والمصيبه إنها راعية دخان وشيشه وسهرات وطلعات آخر الليل وكانت تقول تعالي زواج صديقتي شوفي حب البنات كيف وعشان تشوفين كيف البنات يركضون وراي يتمنون إشاره مني
قلتلها والله هالخرابيط ماتجذبني ولا أحب أشوفها أعذريني تقولي تعالي اتعلمي كيف عايشين عشان تااخذين حذرك قلتلها لا الله يسلمك مالي في هالسوالف ودايم ماتلاقي وجه مني وترمي كلام وارد عليها مشكلتي مااعرف اسكت ومره صارت هوشه كبيره بينا عشاني عزمتها بفرح وحده قريبتي وشافوها اهلي انوا تدخن بالحمام وصديقتي المعلمه اللي قلتلكم عنها كانت تراقبلها الوضع
صارت هوشه والله ماعرفت اسكت وصديقتي هذي دخلت فصلي اقولها ترضينها لو عملتها بزواجكم انا وقفتلها حارس عند الباب وش رح يكون موقفك وفقدت اعصابي وطردت صديقتي من الفصل لانها تقولي انا ماكنت اعرف مااستحملت وهي تكذب وكان باين عليها وزعلت منها حييييييل بس بعدها تراضينا واعتذرنا لبعض وقلتلها خليتي وحده ماتسوى تفرقنا

والمشكله الكبير إنوا<ي>كذا مره تعزمني زواج صديقاتها ويطلعلي شيء ومااروح امي تقول سبحان الله يمكن الله يمنعك لسبب وانا والله عندي إحساس اني لو تعمقت مع هالبنت رح يجيني مصيبه من وراها وما أعرف ليش هالإحساس ملازمني

الحين مالقت مني وجه لفت على صديقتي المعلمه وصاروا دايم بالصرفه لما نخلص يقعدون بالفصل ويقفلون الباب ولما احد يفتح الباب عليهم يكون باين الارتباك عليهم كأنهم مسويين شيء أو كانوا يسوون شيء والله وحده ثانيه من المعلمات تقولي فتحت الباب والإرتباك باين عليهم ليش هم ايش يسوون والله تعبت وانا انصح صديقتي لدرجة انهم يطلعون كل اربعاء وخميس عند بعض كل اربعاء وخميس عاد والله ماصارت

والطامه الكبرى صديقتي المعلمه راحت زواج لوحد تقربلها من بعيد واخذت معاها<ي>وهم جالسين بالطاوله وحده من معلماتنا زمان انا وصديقتي شافتها وراحت تسلم تحكيني المعلمه تقول رحت اسلم عليهم قامت <ي>تقول لصديقتي من هذي وليش تسلم تخيلوا وهالمعلمه اللي سلمت عليهم كبيره تقول قعدت معاهم على الطاوله تحكيني ماسكين ايادي بعض شويه إلا صديقتي المعله تحط رجلها فوق رجل <ي> تقول لما شفتهم كذا انصدمت وتقول بعد راحوا للحمام ولما رجعوا كانت ريحتهم دخااااااااااااااااان بااااااين وقاموا يحطون عطر عشان الريحه انا انصدمت والله ماني عارفه شو اعمل خصوصاً إنوا صديقتي متقدملها واحد مطلق بس أخلاق ماشاء الله عليه وملتزم وماعليه كلام ووافقت عليه والحين ماشيين بإجراءات الزواج والله خايفه<ي> تخرب عليها وتخرب هي على نفسها الحياه الجديده اللي بتدخل عليها حاولت انصحها بس مافي فايده والله هالإنسانه مو زينه أبد ولا باين عليها انوا ناويه تحسن من نفسها
وانا مااقدر اشوفها تسحب صديقتي وياها بدون مااعمل شيء

نصيحتكم ياعرايس الله يجزاها كل خير من تعطيني حل ويرزقها كل ماتتمنى
شو أعمل عشان أساعد صديقتي

أعذروني طولت عليكم

بحفظ اللهF: