تركت صديقتي الي صداقتنا صارلها حوالي 5 او 6 سنوات

س

سيدة عمان

عروس رائعة

12-07-2010 | 01:46 AM

السلام عليكم ورحمة الله وبركاته

للاسف هذا الزمن صعب جدا تحصلي الصديقة الوفية والي تحترمج وتحبج

بحاول اختصر الموضوع

عرفت هذي البنت لما شفتها اول مرة بالمدرسة الثانوية ..
وبعدين جت لبيتنا لما كنا ناخذ حصص تقوية ..وبعدين عرفت ان اختها تكون صديقة اختي ..
بس مو كثير ..يعني هما درسوا مع بعض

وبعد ما خلصنا ثالث ثانوي ..كنت رايحة عند صديقتي وفجاء شفت التلفون يرن ..

رديت وبعد الحاح مني انها تقول اسمها ..وقالت ..المهم بعد شهور كنا نلتقي ونطلع مع بعض ونروح ندور على كليات عشان نسجل..

صار ان دخلنا نفس الكلية ..وطبعا لان احنا عندنا سائق فصرت امر عليها بشكل يومي

ومن يوم ما عرفتها لحد هذا الفصل الدراسي هي للاسف ما تراعي الوقت
يعني اذا خبرتها بمر عليج 8 الصباح ..تقولي اوكي
ولما اكون مخلصة هي ترسل اتأخري 10 دقائق ..اقول تمام
لما اوصل عندها تتأخر 5 او 10 ومرة وصلت انها تتاخر نص ساعة

مع ذلك اسكت وما ارمي كلمة واحيانا اقوللها حاولي انج لا تتأخري
واحيانا الايام الي ما اداوم فيها تقولي ارسلي السائق ..

للعلم ان هذا السائق ل3 عوائل من اهلنا ..ونحن ما نستخدمه كثير
وياما سمعت تهزيأت من اهلي بخصوصها ..على اساس ان ليش هي ما تمر علي وليش وليش

قبل كنت اسوي طاف لانها صديقتي

المهم ..
طبعا بو عبيد ما يتوب عن طبعه ..

صار ان هذا الفصل عندي مشروع التخرج بس
يعني اداوم يوم وحدة ..

واليوم الي عندي كلية نهضت وامي خبرتني امر على زوجة عمي اخذ شي وبعدين امر عندها اعطيها(لان امي مطلقة ومتزوجة وتسكن بعيد شوي عنا)

طبعا انا لازم امر على بيت زوجة عمي وبعدين امر على صديقتي وبعدين امر عند امي وبعدين اروح الكلية

عشان كذا قلت للصديقتي بمر عندكالساعة الفلانية

قالت اوكي ..
مثل كل مرة رحت عندها وتأخرت ..

انا عادة لما اعصب من اسكت وارد عليها ببرود عشان تحس شوي ..

وما اريد ارد بسبة او اغلط عليها عشان ما احصل ذنب...
وكبت عصبيتي داخل مثل كل مرة ..

المهم
طول الفترة واحنا بطريق كنت تحاول تتكلم معاي وانا ارد عليها بهدوء ومالي نفس لاني معصبة
وصلت الكلية وحضرت المحاضرة وانا طالعة شفتها جالسة على الاب توب قلتلها انا بروح ..شفتها مالها بارض تتكلم معاي ..وسويت طاف ورحت ..

لما جاء الليل رسلتلي رسالة :

"ايش كان فيش اليوم ؟
رديت

بس حاولي تكوني على الوقت

ردت

تعرفي شي ما منج مني انا .. ما تأخرت الا 5 دقائق كنت ادور على شارج للاب توب وهذي ما اول مرة تعامليني فيها بهالاسلوب
انا ما وحدة من الشارع ..ياما وياما تكرري هالاسلوب معاي ولو كنت عارفة هذا هو السبب قسما بالله كنت بفتح باب وبنزل ف شارع

رديت انا

صح ما اول مرة لان دايما تتأخري ودائما اقول وقت معين ولما اخلص ترسليلي تاخري 10 دقائق واي اسلوب تراني سكت وما علقت يعني ما علقت ورميت كلمة

ردت :

لو رامية كلمة كان احسن بدال اسلوبج يوم ..ما يغرج شكلي البس واكشخ بس ربك العالم الي بداخلي وما ناقصة عوار قلب زيادة ..استحقرت نفسي بصراحة

رديت انا:

خبريني كيف كان اسلوبي ؟

ردت:
سألي نفسج وبتعرفي ..تعمدت اسالج واسولف في السيارة عشان اكسر شك فيني بس طلعتي صح تكلميني باسلوب خايس

اذا متعودة تسويها مع غيري ومحد يقولج شي فأنا لا اسمحيلي نفسي عزيزة علي وما اسمح لاحد يعاملني كذا لاني في حياتي ما اعامل الناس بهالاسلوب ..تصبحي على خير

رديت انا:
محد في هذه الدنيا مرتاح مو انتي بس
انا اسلوبي خايس ..مشكورة ..ما اكتب اكثر عن كذا لاني ما بنزل للمستوى الي جالسة تكلميني فيه

ردت:
شكرا ع اهانتك ان مستواي انزل عن مستواكي ..كلمة خايس يعني تكلميني بنفسية ولا تقلبي الاية عليا الحين

==========

بعد كم يوم رسلت رسالة ...على بالها اني برضى انا اسامحها ..
صديقة كم سنة تجرحني وتتوقع مني اسامحها مثل كل مرة

رسلت:ما اظن ان الموضوع يستاهل انج تسوي كل هذا انتي اكبر عن كذا اللهم قلتلك الي حسيت فيه وانتي قلبتي الاية علي
براحتك اذا تمسحيني من الفيس بووك وموضوع العناد وتكبر هذا ما حلو ..انا اعرفج زين اكثر من اي وحدة مرت في حياتج..اتصلت فيج ورسلت مسج بس ما رديتي
براحتك بس احنا ما صغار اظن الي بينا اكبر عن كذا فا صفي النية ..ما ماخذين شي من هالدنيا

طبعا اريد رأيكم في هذه المشكلة للعلم صار مار عليها 4 شهور تقريبا وشفتها مرة وسلمت علي ورديت السلام

بس انا عن نفسي ما رح ارجع لصدقتنا للاسباب التالية :

تعبت من انها تعتمد على الغير
تعبت انها تحضر اعراسنا بدون دعوة ..وعادة اعطيها بطاقة الدخول ..
وانا عارفة المقصد من الحضور ..تتوقع احد بيخطبها حال ولدها ..
لان نحن من عايلة معروفة ..

تعبت اتاخر على مواعيدي بسببها

تعبت كل ما اجلس معاها تحش بفلان علانة واحيانا احس بضيقة صدر اكثر واذا شفت احد للاسف راح تقول هذا الشخص سوا كذا وكذا يعني تتطلع بلاوي

ومرة كانت بنت جالسة قدامنا وهي بشرتها غامقة ..جلست تتطنز وتقول يا سودة ..
ما عجبني وقالت تراني امزح ما اقصد ..
والكثير

مع ذلك كله لها معزة عندي لانها دايما لما احتاجها تكون موجودة ..
بس الصراحة خلاص ما استحمل ان احد يمشي معاي عشان اسم العائلة ..
للعلم هي كانت تعرف بنات من عايلتنا ودايما تقوللي عنهم ..
ودايما اتسال ليش بعدها ما تمشي معاهم وتتكلم معاهم

..واخر شي انا اريد اروح العمرة لما ربي يكتبلي الروحة ..بس اخاف العمرة ما تكون مقبولة عشان هي يمكن زعلانة!!

اسفة طولت عليكم

&

❥ بَـحّـة قَصْيٍـِد ❥

عروس ماسية

12-07-2010 | 02:03 AM

واللهـ مو عارفهـ شقول بس انتي خليتيها تتمادى المفروض ماتمرين عليها مانتي مسؤله عنها انا اشوف انك تسلمين عليها عاتي بس لاترجعين زي قبل لكن صفي نيتك عشان تنرفع اعمالك كل اثنين وخميس ان شاء الله والله يهدي النفوس:)

س

سيدة عمان

عروس رائعة

12-07-2010 | 02:07 AM

عـ?روسـ? ب?دون ضـ?روســ?;12613424:
واللهـ مو عارفهـ شقول بس انتي خليتيها تتمادى المفروض ماتمرين عليها مانتي مسؤله عنها انا اشوف انك تسلمين عليها عاتي بس لاترجعين زي قبل لكن صفي نيتك عشان تنرفع اعمالك كل اثنين وخميس ان شاء الله والله يهدي النفوس:)

شكرا اختي ..
بس يعني كيف اصفي النفوس؟

انا مقررة اسلم عليها وكل شي بس اني اكلمها مثل قبل وادق سوالف وامر عليها مستحيل

ن

نور مجان

عروس رائعة

12-07-2010 | 02:28 AM

حبيبتي

احس البنت ما سوت شي وانتي كبرتي السالفه لانه عندك تراكمات منها

الصداقه ما بس اوصلك وتوصليني الصديق يعطي الشيء بدون ان ينتظر اي مقابل

هي تمادت معاكي صحيح بس لو كنتي قلتلها بأسلوب حلو وجميل يمكن تقبلت

وبعدين انتي غلطتي من البدايه ليه عرضتي انك تواصلينها اذا سائقكم 3 عوائل يعني مره صعبه وهي كانت بتقدر هالشي

يمكن ما هي الصديقه المثاليه لج بس صديقه مثاليه لغيرك

واسلوبها انها تضحك على الناس وتحش مو حلووووو ابد

صفي نيتك وانسي كل شي الدنيا ما تستاهل

ربي يسعدك

س

سيدة عمان

عروس رائعة

12-07-2010 | 02:32 AM

نور مجان;12613556:
حبيبتي

احس البنت ما سوت شي وانتي كبرتي السالفه لانه عندك تراكمات منها

الصداقه ما بس اوصلك وتوصليني الصديق يعطي الشيء بدون ان ينتظر اي مقابل

هي تمادت معاكي صحيح بس لو كنتي قلتلها بأسلوب حلو وجميل يمكن تقبلت

وبعدين انتي غلطتي من البدايه ليه عرضتي انك تواصلينها اذا سائقكم 3 عوائل يعني مره صعبه وهي كانت بتقدر هالشي

يمكن ما هي الصديقه المثاليه لج بس صديقه مثاليه لغيرك

واسلوبها انها تضحك على الناس وتحش مو حلووووو ابد

صفي نيتك وانسي كل شي الدنيا ما تستاهل

ربي يسعدك

صح كلامك يالغلا ..
بس سؤالي هل ارجع مثل قبل؟

ثانيا انا قلت الشي بأختصار ...لان في اشياء ما حبيت اذكرها ..

شكرا على مرورك لمشكلتي ..

ن

نور مجان

عروس رائعة

12-07-2010 | 02:35 AM

اتوقع انه في شي انكسر بينكم ويمكن صعب ترجعون مثل زمان

اهم شي لا تقاطعيها وسوالفي معاها واهم حاجه لا تخليها تعتمد عليج في شي

ع

عطاالقناديل

عروس مشرقة

12-07-2010 | 02:37 AM

ما انت مجبورهـ على صداقه مثل كذا
انت الحين حاسه بالذنب من صوبها
وخايفه تكوني ظلمتيها بهجرك لها
ياأختي صداقة المصالح لا تدوم

&

❥ بَـحّـة قَصْيٍـِد ❥

عروس ماسية

12-07-2010 | 02:40 AM

صفي نفسك وقلبكـ من ناحيتها يعني اضحكي وبسطي معها عاتي لكن لاتوصليها ولا تخدميها في شيء صعب مانتي مسؤلهـ عنها ابدا ابدا ابدا بلعكس هالشيء يقهر وحسيت انها استغلاليه فلا تخلين احد يستغلك لكن لاتقطعين علاقتك فيها فهمتي علي اختي؟؟ وموفقهـ يارب:)

س

سيدة عمان

عروس رائعة

12-07-2010 | 02:41 AM

شكرا نور مجان
اذا صار لقاء بتكلم معاها عادي ..

شكرا عطا القناديل ..

للعلم عندي صديقة ..الحين صارلي معاها 10 سنين تقريبا ..وهذي اعتبرها اغلى من اختي ..لا يوم طلبت مني ولا يوم زعلتني بشي ..
حتى لما عملت عزومة لكل صديقاتي ..تعرفي شو قالت : فلانة انا مستغربة انج تمشي معاهن ..مكانج مو معاهن..

س

سيدة عمان

عروس رائعة

12-07-2010 | 02:42 AM

عـ?روسـ? ب?دون ضـ?روســ?;12613674:
صفي نفسك وقلبكـ من ناحيتها يعني اضحكي وبسطي معها عاتي لكن لاتوصليها ولا تخدميها في شيء صعب مانتي مسؤلهـ عنها ابدا ابدا ابدا بلعكس هالشيء يقهر وحسيت انها استغلاليه فلا تخلين احد يستغلك لكن لاتقطعين علاقتك فيها فهمتي علي اختي؟؟ وموفقهـ يارب:)

شكرااااااااااااااااااااا
فهمت

بارك الله فيج اختي

آ

آم بآاسل

عروس رائعة

12-07-2010 | 02:49 AM

انا مع الاخت نور مجان
احس البنت مو غلطانه
ومدام انها صديقتك الروح بالروح
مافيها شيء لو توصلينها
واكيد هي ماتقصر معاكِ في شيء
يعني لو بغيتي شيء منها ماراح تقولك لا

وعن اسلوبها في الحش والكلام على الناس
صح مو حلوو
بس انتي مالاحضتيه الا الحين
يعني هي صديقتك من عمر
وتوك عرفتي انها تحش في الناس
مااكتشفتي هالاسلوب من قبل
وعادي تقدري بكلمتين تغيري من هالاسلوب
والطبع اللي فيها

وحتى ردها في الرسائل
مااشوف فيه شيء يزعل ابد
واسمحيلي انتي الغلطانه

حتى لو كانت هي الغلطانه
يعني ارسلتلك في النهايه
رد حلوو
يعني لو اتفاهمتي معاها ورجعتوو احسن من اول
ماكان خسرتيها

ومثل ماقالولك البنات
صفي نيتك

واتمنى تقبلي ردي
واسفه اذا كانت في كلمه جارحه
بس هاي الصراحه

وموفقه حبوبه

ا

ايام وليالي

عروس مبدعة

12-07-2010 | 10:20 AM

انا احس انه بداخلك شك انها صداقة مصلحة وانها مادية ,,, شوفي انتي ارجعي اتعاملي معاها عادي وطلعي الماديات برة يعني لا توصيلات ولا عزومات ,, الصراحة البنت ما غلطت في حقك بس هي استغلالية ,,,وانت حسيتي انها زودتها ,,,

س

سيدة عمان

عروس رائعة

12-07-2010 | 11:32 AM

ندوشـ?;12613786:
انا مع الاخت نور مجان
احس البنت مو غلطانه
ومدام انها صديقتك الروح بالروح
مافيها شيء لو توصلينها
واكيد هي ماتقصر معاكِ في شيء
يعني لو بغيتي شيء منها ماراح تقولك لا

وعن اسلوبها في الحش والكلام على الناس
صح مو حلوو
بس انتي مالاحضتيه الا الحين
يعني هي صديقتك من عمر
وتوك عرفتي انها تحش في الناس
مااكتشفتي هالاسلوب من قبل
وعادي تقدري بكلمتين تغيري من هالاسلوب
والطبع اللي فيها

وحتى ردها في الرسائل
مااشوف فيه شيء يزعل ابد
واسمحيلي انتي الغلطانه

حتى لو كانت هي الغلطانه
يعني ارسلتلك في النهايه
رد حلوو
يعني لو اتفاهمتي معاها ورجعتوو احسن من اول
ماكان خسرتيها

ومثل ماقالولك البنات
صفي نيتك

واتمنى تقبلي ردي
واسفه اذا كانت في كلمه جارحه
بس هاي الصراحه

وموفقه حبوبه

اختي انا عرافتنها من زمان على سالفة الحش بس دايما اقول بتتغير
وما شفت انها تغيرت ..

يمكن صح انا كبرت السالفة ..بس والله لانها جرحتني

ومثل ما قلت في اشياء ما ذكرتها ..

شكرا ياقمر وبالعكس عجبني ردك

س

سيدة عمان

عروس رائعة

12-07-2010 | 11:35 AM

ايام وليالي;12616380:
انا احس انه بداخلك شك انها صداقة مصلحة وانها مادية ,,, شوفي انتي ارجعي اتعاملي معاها عادي وطلعي الماديات برة يعني لا توصيلات ولا عزومات ,, الصراحة البنت ما غلطت في حقك بس هي استغلالية ,,,وانت حسيتي انها زودتها ,,,

صح كلامك ..بس الحين بخليها لصدف ..

ما رح اتصل وارجع مثل قبل ...

شكرا اختي
وبارك الله فيج

%

%دلع وكلي ولع%

عروس برونزية

13-07-2010 | 11:07 PM

حبيبتي

احس البنت ما سوت شي وانتي كبرتي السالفه لانه عندك تراكمات منها

الصداقه ما بس اوصلك وتوصليني الصديق يعطي الشيء بدون ان ينتظر اي مقابل

هي تمادت معاكي صحيح بس لو كنتي قلتلها بأسلوب حلو وجميل يمكن تقبلت

وبعدين انتي غلطتي من البدايه ليه عرضتي انك تواصلينها اذا سائقكم 3 عوائل يعني مره صعبه وهي كانت بتقدر هالشي

يمكن ما هي الصديقه المثاليه لج بس صديقه مثاليه لغيرك

واسلوبها انها تضحك على الناس وتحش مو حلووووو ابد

صفي نيتك وانسي كل شي الدنيا ما تستاهل

ربي يسعدك
كلام نور مجان
:thumbs_up::thumbs_up::thumbs_up::thumbs_up:

أ

أريج الأقحوان

مشرفة سابقة

13-07-2010 | 11:52 PM

أهلا بك (سيدة عمان) وحياك الله في مكة نشوفك-إن شاء الله إذا جيتِ مكة-^_^

عزيزتي:
سأجاوب على مشكلتك-التي قد يراها البعض بسيطة_! لكنها للأسف كبيرة بالفعل.
أنا مررت بصداقات لا منتهى لها في كل مجال من مجالات الحياة أدخل فيه,ومع هذا إلى الآن أغلب علاقاتي صارت (سطحية)؛لأني اكتشفت,ومع طول الممارسة أن أغلب الناس في هذا الزمان لا يصاحبون إنساناً إلا لغرض من أغراض الدنيا!!
إما الجاه أو المال,أو الدراسة,أو ....,أو...... إلخ.

وموقفك غاليتي مع صديقتك حدث لي مثله تماماً!!عدة مرات ومن شخصيات مختلفة.

فخرجت بعد تلك التجارب بخلاصة تفيدني في حياتي ما بقيت:
- لا أصاحب صحبة ملازمة إلا من هو أعلى مني ديناً وخُلقاً.
- لا أريد عند أي صديقة إلا ما يقربني من الله,فإن لم أجد عندها ما يزيدني قرباً من الله,ولا يدلني على خير,فأتخلص منها فوراً بطريقة سياسية!!لكن يبقى السلام بيننا.
- لا أطمع أبداً في أي شيء عند أي صديقة من صديقاتي,حتى ولو كان معنوياً,انطلاقاً من القول الذي فيه: (وازهد في ما عند الناس يحبك الناس),(وإن كنت تحب أن تكون حبيباً إلى الناس قريباً إلى قلوبهم فلا تطمع فيما عندهم).
- أكون معطاءة مع كل الناس,وخصوصاً المقربين مني,وإن اكتشفت أن هناك صديقة تستغلني أو تعتمد عليّ في تلبية متطلباتها أعاملها بالحسنى منذ بادئ الأمر,فإن استحت وتراجعت عن فعلتها الشنيعة واصلت الإحسان معها,وإن لم تتعظ أقلل من عطائي,وبالتالي أخفف العلاقة بيننا,والنتيجة: (علاقة سطحية,وراحة قلبي)
وقد عانيت أيام دراستي الجامعية من عدة صداقات -لا أعاد الله أيامها-!
هذه تقريباً خلاصة ما خرجت به..

وأما مشكلتك ياغالية فحلها:
كوني حسنة الخُلق متواضعة مع الكل,ومع تلك الصديقة,واحمدي الله على ما أعطاكِ من أمور الدنيا ولا تستخدمي ذلك في التعالي على الناس,ولو بالإشارة-وأعلم أنكِ لستِ كذلك-فقط أردت أن أنبهك.
وبالنسبة لاستغلال بعض الصديقات لبعض أمر مؤلم للغاية ومرير,وأرى أغلب الأخوات ألقين باللوم عليك ربما لأنهن ل م يجربن!!
وخصوصاً التأخر عند المرور عليها لأخذها!!
جربته وآلمني جداً ما يحصل من صديقتي,بالرغم من طيبتها وحسن تعاملها معي!لكنه أمر لا يُصبر عليه,خصوصاً لو كنتِ تلقين اللوم من أسرتك..
وأما سؤالك عن (عودة العلاقة) فأرى والله أعلم أنها لن تعود,وخيرٌ لكِ أن لا تعود!!
فاكتفي بالسلام عليها,والإحسان إليها من فترة لأخرى,أما الاقتراب الشديد فإنه سيؤذيك!!
واعذريني غاليتي إن قلت لك:بأنك أخطأتِ في تصرفك منذ بادئ الأمر,كان من المفترض أن تبقي العلاقة بينكم أخف من هذا القدر,وتكتفين بالالتقاء بها على مقاعد الدراسة والزيارة من بين فترة لفترة,لكن الالتصاق الشديد دوماً يؤدي إلى تكاثر المشاكل والملل من الطرف الآخر.

أتمنى أن تدوني كل مرة خلاصة تجاربك في الحياة,ولو كان الموقف بسيطاً حتى تستفيدي منه..

وفقك الله,ويسر الله لكِ زيارة البيت العتيق بسلام..

m

maiooona

عروس ماسية

14-07-2010 | 03:37 AM

البنات ما قصروا بالنصايح و الملاحظات .. انا من رأييي ان ترجعين علاقتج مع صديقتج بس بدون التزامج بالتوصيل .. اذا قالت ليش؟ قوليلها بكل لطف و ذوق و الله اهلي محتاجين السايق لمشاوير وايد هالفترة .. و مرة و مرتين عيدي نفس الحجة لما توصل لها الرسالة

بعدين مر على خلافكم 4 اشهر .. ما اعتقد انها ما زالت معتمدة عليج

من ناحية الحش و النميمة .. اذا بدأت تتكلم بأحد .. قوليلها بصراحة بليييز ما ابي اتكلم بالناس نستاااثم فيهم

اذا اهي فعلا صديقتج راح تتقبل كلامج .. خاصة انج تنصحينها و تبين لها و لج الخير

اما اذا ما عجبها و عصبت .. خليها عنج ... اللي يبيعج برخيص بيعيه بتراب ... لكن انتي حاولي انج ما تقطعين و نظفوا قلوبكم

و الحق يقال .. ترى اهي اللي بدأت بالسلام اول مرة .. و حاولت تسترضيج من رابع يوم الخلاف ... انتي الحين كلميها

ت

تمنيت

تاجرة

14-07-2010 | 09:26 AM

برأيي .. ماله داعي تظلين شايله بقلبج عليهـاا

قبل كنتوا مع بعض بالجامعه وكانت تعتمد عليج في التوصيل ,, يمكن شافتج مرحبه بالفكره وهي ارتاحت للوضع لأن محد يقدر يوصلها ؟!

الحين ماعتقد من بينكم مصالح ,, فـ مافيها شيء لو استمرت الصداقه وكان بينكم مكالمات

تسأل عنج وتسألين عنهـاا ..

كل صديقه ممكن يصير بينها وبين صديقتها سوء تفاهم

بس المهـم تصفين النيه وماتشيلين في قلبج على احد

:f:

S

SoOd Al DaN

عروس مبدعة

14-07-2010 | 10:12 AM

خلاص مو تقولين تركتيها عيل خلاص
بعد الحمد لله تسلمون على بعض لي تصادفتوا

الصداقة .. ثقة وراحة وإحترام وإذا ما كانت كذا بلا منها
وعمره مقبوله إن شاء الله

ا

الحلــوه

عروس مبدعة

14-07-2010 | 10:54 AM

نور مجان;12613556:
حبيبتي

احس البنت ما سوت شي وانتي كبرتي السالفه لانه عندك تراكمات منها

الصداقه ما بس اوصلك وتوصليني الصديق يعطي الشيء بدون ان ينتظر اي مقابل

هي تمادت معاكي صحيح بس لو كنتي قلتلها بأسلوب حلو وجميل يمكن تقبلت

وبعدين انتي غلطتي من البدايه ليه عرضتي انك تواصلينها اذا سائقكم 3 عوائل يعني مره صعبه وهي كانت بتقدر هالشي

يمكن ما هي الصديقه المثاليه لج بس صديقه مثاليه لغيرك

واسلوبها انها تضحك على الناس وتحش مو حلووووو ابد

صفي نيتك وانسي كل شي الدنيا ما تستاهل

ربي يسعدك

:thumbs_up::thumbs_up::thumbs_up: