اول مرة اشارك في هالقسم
وان شاء الله نلقى ردود طيبه
حبيت انزل لكم
الغدا الي سويته امس
كلش سهل وبسيط
وطعمه حلو وخفيف نفس المندي
بسم الله نبدا
ملاحظه: صورت بس بعد الخطوات
لانه في البدايه مايه على بالي فكره التصوير
القادير:
_دجاجه كامله ومقطعه اربع قطع
_بصل عدد1
_طماطم على حسب كميه الدجاج..
انا سويت دجاجه صغيره واحتجت 4 حبات من الطماطم
_ارز مغسول. انا احتجت جيله ونص
_مكعبين من الماجي
_ بهارات .. م ص سنوت (كمون).. ربع م ص كركم.. قليل من الملح
_ بهارات صحيحه.. قرنفل..فلفل اسود.. دارسين..ليمون اسود..هيل
صورة من البهارات الي كانت متوفرة عندي
الطريقه
اول شي نسلق الدجاج بعد تقطيعها في ماء دافي
لحد مايتكون زباد فوق الماي..
هني نشيل الدجاج ونغسلها مرة ثانيه بالماي ونكب الماي الي سلقنا فيه الدجاجه في المغسله..
ونضيف ماء جديد.. بس مانكثر منه.. يعني تقريبا نغطي نص الدجاج فقط..
نترك الدجاج بالماء على جنب..
ثم اقطع البصله شرايح صغار.. واقطع الطماطم واضيفهم مع بعض في الخلاط لخلطهم لحد مايستوي عندي صلصه ..
الحين اخلي جدر الدجاج بالماء على النار لمده دقيقتين تقريبا.. وبعدها اكب الصلصه على الدجاج
ونخلي البهارات كلها
هاي صورة من الخطوة
واحرك الصلصه بالملعقه عشان نذوب الماجي ونخلط البهارات عدل
نخلي النار متوسطه الى عاليه
لحد مايطبخ..
اذا شفنا الدجاج استوى.. نشيل الدجاج ونقليه بالزيت شوي.. لخد مايتحمر قليلا....
الحين في خطوة مهمه
بعد مانشيل الدجاج من الصلصه
نكب الارز المغسول في وسطها
ونحرك شوي..
ونرجع نشخل الارز عن الصلصه.. ونحتفظ في الصلصه
ثم نرجع الارز المشخول للجدر وناخذ شوووي من الصلصه يعني بس بالملعقه نمررها من فووق
ونصبها فوق الارز الي في الجدر..
ونخلي فوقه الدجاج المقلي
صورة توضح الخطوة
(لو تلاحظون ماء الصلصه قليل ومايتلاحظ)
اخر شي نغلف الجدر بالقصدير ليحتفظ بالبخار ونخلي فوقه المغطاه
نخليه يستوي على نار هادئه
لمده من 30 - 45 دقيقه
*********
مقادير الصوص الجانبي
فصين ثوم
4 حبات طماطم.. الكميه اختياريه
م ك معجون طماطم
قليل من الملح والقليل من السنوت
صبار (تمر) هندي منقوع
فلفل اخضر حار .. الكميه اختياريه
الطريقه
نخلط في الخلاط، الطماطم والثوم والفلفل الاخضر الحار بعد تقطيعهما
ثم نخلي هالصلصه فيى النار
ونضيف لها معجون الطمام
والبهارات
ومنقوع الصبار(تمر) الهندي
ونحركهم شوي ليما تطبخ ونسكر النار
***********
صورة للطبق
وبالهناء والشفاء
الي يعجبها موضوعي
تقيمني ان كنت استاهل
:)