الخبز البوري الخفيف
هذا شكل دقيق القمح الاسمر
المقادير
كوب دقيق ابيض فاخر جميع الاستعمالات
كوب دقيق قمح اسمر
ثلاثة ارباع كوب ماء فاتر
ملعقة ملح ومثلها ملعقة سكر
ربع فنجان زيت زيتون
الطريقة
نحط الملح والسكر مع الدقيق الابيض والاسمر
ونسوي حفرة في الوسط ونحط الزيت ونحرك بالشوكه لحد مايتداخل الزيت تماما مع الطحين ونفرفرة باليد
بعدين نسوي نفس الطريقة ونعمل حفرة ونضيف الماء ونخلط بالملعقة وبعدين باليد ولما تحسي ان العجين لزق لاتضيفي اي طحين روحي غسلي يدج زين ونشفيها وردي اعجني وراح تحسي العجين تماسكت
قسمي العجين الى كور وهذي الكمية تكفي اربعة اقراص صغيرة
لاحظي عجينتنا هذي مافيها خميرة وماتحتاج تخمير وماراح تتعبج ابدا
واهني افردي اول كرة وخلي سمكها خفيف
واهني لازم تحطي في المقلى زيت غزير ويكون حامي وتحطي فيه اول قرص عشان ينتفخ ويصير مثل الجباتي الهندي الاحمر بس انا مااحب الزيت فخليت دهن خفيف
وهذا شكلة وهو يستوي
وهذا زيت جدا قليل اقل من السابق
