nooral9ba7;12628047:
عليها بالعافيه توتو
هاللعبتين خاطري اشتريهم لها من زمان وخاصة اول وحده عشان العب فيها :worn_out:
.. :lol::lol:
nooral9ba7;12628082:
شرايكم اغير اسمي من nooral9ba7 الى ام حـصة؟
.. خليه نور الصباح أحسن.. واذا في خاطرش تبدلينه كتبيه بالعربي
ام حممودي;12628159:
اي حبي
عندي خبرة و عندي شهادة الدبلوم الي اعلى من الثانوية
و انجليزي قوية و كمبيوتر
انا في قسم الادارة حبيبتي
مو في الاقسام التجارية
على فكرة مو كل دارسة تكون صالحه للعمل
يوم كنت في المطار كنت ادرب جامعيات بس للاسف
اشلون جامعيات ما ادري
حتى لغة ما عندهم
حبيبتي
انتي امري, و الله اوقف معاش افا عليش بس
لاني اعرف الجماعه الي هناك
كلنا مجموعه وحده بس تعرفين كل مجموعه في قسم
.. يعطيش العافية ام حممودي.. صج صج مكافحة.. ياريت الكل يصير مثلش
ما شاء الله عليش..
وصج كلامش. مو كل جامعيات صالحين للعمل..
وساعات يجونش مسؤولين مايعرفون شي سواء جامعيين او لا
اني اشتغلت لما كنت في الجامعة..اشتغلت بس كم شهر وكان بدون دوام
لأن صحفية بالقطعة.. وقت اللي يبونا نسوي مواضيع نروح لهم
والله مسؤولنا مايعرف شي.. يقول لنا سووا مقابلة لهالموضوع.. اقول له التحقيق او الاستطلاع أنسب
يقول لنا لا ابغيه مقابلة :-o ..عباله نختار على كيفنا
يدور موضوع فيه آراء او قضية تخص الرأي العام ويقول مقابلة ..ولما احاججه واقول له عطونا في الجامعة جديه.. يقول لي مشكل على هالجامعة.. يعني درستون خلاص صرتون تعرفون كل شي؟؟
وهو والله مايعرف يسوي شي صحفي.. مشتغل في هالشغلة بس لأنه يعرف يألف وعنده اسلوب في الكتابة..
فراولــــه ملكيــــة;12628171:
هلا دمووع شخبارج
.. اهلا ام رووونة.. الحمدلله بخير
سمعنا بيفصلون وزارة الأعلام وبيخلونها وزارتين او هيئة ووزارة .... ليش مادري .... مافكرتوا يعني شكثر هالهيئة اليديده بتاخذ موظفين وبيزات بتطير في الهوى والديرة محتاجه حق الفلس ..والا يعني السالفة عشان نجبر بخاطر فلان وعلان ... بصراحة وايد وزراء عندنا صرنا انعين وزراء اكثر من مصر بييلنا يوم بنخلي وزير حق السوق المركزي او وزير حق البرادات .. او وزير حق التكه عشان يحافظ على هالصنعه من الضياع .. نص الشعب وزراء ... والباقي وكلاء ... مابيصير عندنا موظفين ... الوكيل يسوي الجاي حق الوزير والوزير ينظف الكراسي حق ضيوف الوزاره ... نبي وزير حق المنتدى او وزير حق المراقبين لأن المراقبين يبيلهم وزير داخليه بروحهم ... أي نسيت الأهم من ذي كله يبيلنا وزير حق حذف المواضيع !!!!!!!!!!!!!
:lol::lol:
.. عجل وظفوا لنا وزير حق التجمع ههههههههه
انا اول مرة اسمع عن البويات الي يتصيدون البنات ... من صجهم بعد يروحون اماكن مثل جنة دلمون او واهوو عشان يقطون الرقم .. مابقى شي ماسووه ... ويقولون بعد انهم يربون الشنب .. قبل لبنية مسكينه اذا لها شنب اتحط لكلينكس ماتشيله وساعات يلصق اذا خشمها مليك عشان محد يجوفها وتتفشل ... اذا تموا هالبويات على هالحال بتجوفونهم بغتره وعقال ونعال زبيرية عزكم الله ويمكن وزار بعد من يدري واللحية مخنيره ... بس انا مالومهم الوم لبنية الي تاخذ الرقم منها وتعطيها ويه.. والوم هالأمهات الي مايدرون عن عيالهم شي ... لا والأدهى والأمر اذا كلمتها وصار بينهم حب وغرام اتقول لها لبسي جذيه ولاتلبسين جذيه .. واتغير عليها بعد واتدافع عنها .... انقلبت الآيه صاروا الرياييل ماعندهم غيره والبنات يغارون على البنات ... ماتدرون باجر يمكن اتصير وحده منهم وزيره .. عاد راحت عليهم البنات الي في الوزاره !!!!!!!!!!!!
.. قوية ههههههه اي والله بويات يغارون على بعض
واحلى شي اللي يربون شنب.. صوت قريتين عن الشنب؟ هههههههه :lol::lol:
يقولون لش هذي موضة ولا تعيبين ها!!
يقولي واحد من الأخوان انه كان في دورية عادية في البحر ربي يعطيه العافية اهو والي معاه.... وجافوا بانوش من بعيد وراحوا صوبه عشان يجوفون اذا محتاج شي والا يبي شي .... اهم راحوا صوبه جان يشيل عليه .. ولو وده جان نزل ريوله وتم يخبط في الماي عشان يصير اسرع من الدوريه .... المهم عقب مده وقفوه .. الا يقول لهم انتوا بحرينيين ؟؟؟ قالو له أي ياخوي عسى ماشر شفيك ليش ماتوقف .... الا يقول لهم حرام عليكم حلجي زبد ونشف ريجي من الخوف عبالي دوريه قطريه لاحقتني .. تم دقايق يشرب ماي ويبلع ريجه المسكين .. يقول عبالي طفت لحدود .. قالوا لا انت في حدود البحرين لاتخاف ... المسكين من الأناسه صرخ على الهندي يقوله عطهم ثلاجة سمج صافي .. طبعا ماخذوا منه وقالوا له توكل على الله ... تخيلوا المساكين لي وين وصل فيهم الخوف .... هذا لو صج دورية قطرية جان سواهاااااااا بلا شك !!!!!!!!!!!!!!!!
.. ههههههههه مساكين الصيادين البحرينيين.. من رايي يحطون جدار عند الحدود عشان يشوفونه الصيادين ومايتعدونه خخخخخخ
احيانا اثناء المقابلات في التلفزيون يبتدي المسئول بكلام موزون ويرحب بكلمات عربية فصحى بالمذيع او المذيعه ومن يستن يقلب الحجي بحريني قح ... مثلا في واحد من المسئولين يقول حقيقتا نحن في البحرين لدينا كل الأمكانيات من بنى تحتيه ووسائل اتصالات متطورة لجذب الأستثمارات الخارجية .. الحين عاد بيستن وبيطلع الصج .... بس المشكله الي مغربلتنا وايد ( بلعناها ) منافسه الدول الغير شريفة كلش ( قويه ) من وين طلع كلمة كلش مادري ... ويكمل الأخ المسئول كلامه .... فانا ادعوا الأخوة التجار في البحرين للتكاتف ومثل ما انت عارف ان تجارنا ساعات ( احم ) يحطون بيزاتهم ( رحنا فيها ) في مشاريع غير مجديه ومالها مردود ( اشوه ) على المواطن البحريني الي اهو يحتاج مثل هذي المشاريع العوده .. وياما ناس تغربلوا وفلسوا من هالمشاريع ( طينها ) ... مادري متى بيتعلمون شلون يتحجون هالمسئولين يفشلون روحهم ويفشلونه .. شوي ويقول غميضه على البيزات الي راحت !!!!!!!!!!!!!!
.. اييي والله يفشلون.. اصلا حتى المذيعين والمذيعات مايعرفون يتكلمون :-#
ولا عاد اللي في اذاعة بحرين شباب ماادري شسمها.. لما بيقولون الجملة يتلعثمون ويتأتأون .. لو يخلوني اقدم عنهم احسن ههههه :lol:
للاسف للحين في بيوت وناس لازقه فيهم القاب مادري من وين يايبينها .... يعني شيبه وقور ولحيته بيضه يسمونه عبدالرحمن العنقيشه .. مره مسكينه ام اعيال يسمونها نوره الصالونه .... هذي القاب محترمة على فكره لأن في القاب ماتنقال .... يعني هالمسكين مايسوى عليه يوم صغير يحب يعلج العنقيش ..والا نوره المسكينه مايسوى عليها سوت صالونه حاره متروسه فلفل وطلقها زوجها بسبتها.... الحين بدال مايواسونها يقومون يطلعون عليها القاب .... ولا عاد احلامو البطة هذي بعد سالفتها سالفه المسكينه .. مشيتها من الله جنها بطه بدل مايعالجونها قاموا اهلها طلعوا عليها هاللقب .... ربي يهدينا ويبعدنا عن هالسوالف ... عيب ياجماعه مب زين الناس اتطلع القاب بهالطريقة .... يعني اذا كلش قولو جاسم الغوري .. حلو الأسم ورومانسي !!!!!!!!!!!!!!
.. عجبني ابو عنقيشة
ولا عاد الصبيان كل ينادون بعض بألقاب
تذكرت جارة بيت جدي.. لما تشوف امي تقول لها:شحوالش يالمعصية يالمعضلة؟؟ خخخخخخخ
وامي مو ضعيفة جسمها زين..
بعدين امي قالت لنا ان لما كانت صغيرة كانت كلش ضعيفة وينادونها النسوان جديه
متنت امي عقب ماجابت المولود الرابع.. وردت ضعفت الحين ..وللحين تسميها المعضلة ههههههه
الحين الي مسجونين بسبة الأخلال بالنظام او الي قاموا بعمليات تخريبية كلهم مظلومين ؟؟؟؟ ولا واحد فيهم سوى شي ربي يهديني ويهديهم ؟؟؟ عيل من يحرق ويخرب ... كاسبر ؟؟؟ مايصير ياجماعة الخير يمكن فيهم ناس مظلومين صج ولكن مستحيل الكل .... والجمعيات اتقول اذا ماهديتوهم كلهم بنسوي حرايج واذا صادوا ناس من هالجمعيات اتخرب بعد بيطلعون مظلومين وبس هالمسلسل ماينتهي ... متى بنحس بمسئولية وبنوقف هالشي ترى هذي ارضكم وديرتكم .... انا عزمت ابوق لي جم مليون واشارك في عمليات تخريبية ويقبضون علي معاهم عشان اصير مظلوم ويهدوني معاهم ... بالدور يا اخوان كل واحد بياخذ دوره .... مايسوى علينا عطيناكم خطه ياحبكم للبيزه!!!!!!!!!!!!!
.. لا دخان بلا نار.. مو معقولة ناس بيخربون ديرتهم وبيحرقون فيها مني والدرب..
لو عايشين عيشة عدلة مثل الاوادم ماسووا هالشي
>>>رجاءا اللي مايعجبها رايي في الموضوع تحتفظ برايها :cool:
ام تنصح بنتها قبل الزواج سنة 1950
يابنيتي ترى الريال مثل الياهل يبي حنان ويبي الراحة في بيته .... اعتبريه ولدج واخوج وابوج وزوجج لاتبخلين عليه بشي .. خلي ثيابه نظيفه ومكانه نظيف وعياله دائما مرتبين ... ولاتأخرين عليه أكله اذا يوعان وان عصب استحمليه شوي وبيرد مثل اول .. ولاتتطلبين منه شي الا حق الضروره ولا اتطحنين على راسه ... واياني واياج اتفكرين اتهدين بيتج مهما يسوي حتى لو حط السجين على رقبتج .. ترى الريل واحد والقبر واحد .. ربي يبارك لج ويآجرج ويوفقج
ام تنصح بنتها سنة 2011
تحملي تعطينه على كيفه .. لاتخلين فلس في مخباه ... اول ماتروحين البيت قولي له ابي خدامتين بدل الوحده .... واي شي يقولج تعالي قولي او طرشي لي بالبي بي واذا زعلج انا بعلمه السنع .... واذا عصب عليج لبسي دفتج وتعالي عند امج اصلا بروحه ريلج شكله اهبل وغبي ومايعرف يتكلم ... وتحملي اتخلينه يطلع برع البيت بروحه او مع ربعه وان طلع نقصي عليه عيشته ترى الرياييل ماينفع معاهم الا جذيه والا عقب سنه بتجوفينه ماخذ عليج فلبينية
رياييل هالزمن غير ..وحريم هالزمن غير ... ماندري من الي له الحق .. الأم اذا انصحت بنتها بهالطريقة والا الريال اذا عرس عليها اذا اسمعت حجي امها .. لو يسمعون حجي اوبرا ابرك لهم
.. هههههههههههه صج الكلام عدل..
بروحه ريلج شكله اهبل وغبي ومايعرف يتكلم
.. خخخخخخخ :lol:
ثقلنا على اخوانا الوزراء لكن الله يهديها وزيرة النوم في العسل ماتدري شقاعد يصير بوزارتها ولبها بس تضحك في الأخبار وفاجه الحلج ... يابنت الناس الطيبين ترى الي يصير ماينسكت عليه ... حرام يهال ماعندهم اهل كل يوم يتعذبون الف مره ... الناس وصلوا لج اخبارهم ومشاكلهم ..ودزيتي حضرتج طبيب مادري طبيبة .. وطبعا من زود النوم في العسل ماتدرين ان هالطبيب مادري الطبيبة اهي الي متوسطة عشان اتشغل نص المركز وماتدرين ان الي في المركز شبكة وكل واحد يدفدف على الثاني والي طينها مدير هالمركز الي خايف على مكانه ومب قادر يقول بم ورابطين حلجه الموظفين .. ترى كله في رقبتج لاتقولين انا سويت وفعلت هزي طولج وقومي روحي بروحج لهم... هاليهال اهم من العشرين دينار الي اتوزعينها على الأوادم الفقاره وكل يوم ذالينهم ابها ... ترانا نحترمج ونحب ديرتنا ..ونحب عيالنا اليتاما والمساكين ... ديري بالج على وزارتج والا ترى المريله بارزه حق مطبخ البيت .... !!!!!!!!!!!!!!!!!!
..مافهمت له شي هذا
واحد من الأخوان يقولي سالفة ولد اخوه ... هالولد يموت بشي اسمه سمبوسه .... ريوقه سميوسه وغداه وعشاه ..ويحب لمرطخه بالدهن مب أي نوع بعد ... انتفخ الولد المسكين كان عمره 10 او وزنه تقريبا 80 كيلو دبته صارت 4 ادوار مع بلكونات ... المهم ابوه ماشاء الله بخير قاله جوف .... لك سمبوسه وحده في اليوم اذا كليت اكثر من وحده مابعطيك مصروف ... توهق الياهل ... قام راح حق الطباخ وقاله سو لي سمبوسه عوده كبر الصحن .... وتم ياكل فيها طول يومه .. وماكسر كلام ابوه ربي يحفظه وكل الي يبيه.... ترى هالجيل يفكر صح .. بس في بطنه ولعبته مب في شي ثاني !!!!!!!!!!!!
..ههههههههه اي والله جيل الحين ماحد يغلبهم..
في مركز يديد فاتحينه ودزوا لنا تحت الباب كتيب عنه ... بصراحة خوش مركز اهو صالون واغذيه صحية ومعدات العناية بالنظافة وادوية ومضادات للقمل والعاب مسلية وكوفي شوب كله في مكان واحد ... بس عاد ياجماعه لاتتفائلون وايد ... ترى هالمركز حق عزكم الله لجلاب ولقطاوة .... الموضوع مب غلط بالعكس المشروع زين ولكن خسرتوا اوراق على الفاضي ... خاصة في البحرين .... قبل اتلاقي عيش وصالونه مكتوتين في لخمام حق لقطاوة ... الحين الأوادم مب لاقيين ياكلون الا بعد بيأكلون قطاوتهم وجلابهم اغذية صحية بروحنا اندور ارخص شي في السوق وناخذه حتى لو فيه سم اهم شي يترس الدبه .... لا والي ضحكني عندهم معدات العناية بالأسنان .. ماعندي سالفه الا اغسل ضروس قطو من الصبح ... ياصاحب المشروع ربي يوفقك بمشروعك بس ترى هالأوراق تقهر المواطن .. اختاروا المكان المناسب بارك الله فيكم ويبلغكم في قطاوتكم !!!!!!!!!
:-#:-#
تهاني العروسة;12628459:
اني خيو خاطري اقصص شعره بس ابوه مو راضي 8o| اقول اليه بس تعديل يقول لا خليه انا عاجبني ههههه
..تصدقين؟؟ بو حمود ماكان راضي أقصص شعر حمود
يحب الشعر الطويل.. وبالغصب قنعته
قلت له بس يعدله.. حتى وراء شعره طويل قلت له لاتشيله
ماجابه ليي الا محلحس خخخخخخخخ
وهو شعره مايقصه.. الجاهل محلحس والابو طويل :-#
فراولــــه ملكيــــة;12628462:
يعطيج العافيه ام حموود
اي حتى روون شعرها صاي رالحين على اذونها
امس سويت لها حركه ههههههه يازعم طو الشعر هههههه:D
..راوينا وش سويتين في شعرها
صوت الحنان;12628543:
دموع ...
أصلا ولدش لو وش تسوين فيه رزة فديته من صغره حبيب قلبي
..فدييييييييتش صوووت والله.. :adore:
لحظة امل;12628644:
لو ما فيه نت انتحرت وعندي جامعة بس هالكورس صيفي ما رحت لاني توني حامل واتعب بس الكورس الياي لازم اروح
..الله يساعدش.. اذا دوامش لـ6 عجل متى تروحين الجامعة؟؟
ام حممودي;12628671:
بااااال الله يعينش
ذكرتيني بالذي مضى صراحه
كنت الى 5 و نص
و الله رحمنا و خلوها اربع و نص
بس بدون بريك
خيو الدوام من غير شي تعب
فما بالش و انتي حامل
انا لي الشهر السابع الحين
و عندي ثلاث اولاد بالبيت
تخيلي ما اوصل البيت الا و اني
جني بتري منتهي
يعني مل عندي طاقة بالمرة
بس الواحد وش يسوي ادا ما يقدر يستغني عن الشغل
نضطر نصبر و نضحي عشان عيالنا
لان الحياة صعبة و يد وحده ما تصفق
عالعموم الله يعطيش العافية حبابة
و يهون عليش
..الله يعطيش العافية.. صج صج الله يكون في عونش
لو اني مكانش جان تشوفيني امشي واتدوفع واطيح هههههههه
واصير هيكل عظمي.. اني لما كنت في الجامعة اتحرك واجد صرت سلس..
الحين القعدة لاعبة في حسبتنا هههههههه
لحظة امل;12628730:
من حملت صايرة ما احب اكل المطاعم اللي صوب الشغل ههههههه تلوع جبدي من الخيابة كل يوم اقول بسوي لي وبجيبة ان شاء الله من اليوم بسوي لي غذاء حق باجر وايد احسن من اكل من هنية يعورني بطني وتزيد اللوعة وكله في خاطري اكل بيت ههههه كل شي اتنسى عليه
..لحظة امل اني بعد لما حملت مااحب أكل برة
لو اقول لش وش اسوي تضحكين علي :o
خواتي جم مرة يروحون الكورنيش ويا الجهال.. ويمرون علي واروح وياهم اغير جو لأني كنت مااطلع زين
يقولون بيتعشون برة..عاد اني اتصل في أمي تجهز لي عيش واجيب وياي روب او لبن
اكله في الكورنيش والكل يضحك علي.. وتالي يجون ياكلون وياي خخخخخخ
صرت كلش مااطيق اكل برة
ام حممودي;12628784:
شوبيز الي عند
النادي الاهلي
بس ما ميش على محشي ام تهاني العروسة
يجنن:p
..تهاني عجل عزمينا على محشي من يد الماما
اني بعد لما كنت حامل كل يصير خاطري في محشي كوسا :adore: