افكار لهدايااااااا مميزه للغالين ع قلوبكم

تحبين تهدين هداياااااااااااااا؟؟؟؟؟
تحبين تكونين مميزة بهداياج؟؟؟؟؟
تحبين تكون فكرتج حلوة و تشرح القلب؟؟؟؟

بقولكم عن تجاربي..............

هدية عيد ميلاد:-

هاتي مجموعة هدايا ( عطور- لوشن – شريط او سي دي أغاني أو أناشيد – تي شيرت – تحفة حلوة – شموع – ساعه- كف لينكس- بوك- برواز صورة ( اذا كانت للزوج حطي صوره تجنن لج اني (فنية ها ؟ اتفقنا)

اوكي الحين بعطيج الالوان ....
.
هاتي للف الهدايا غلاف لونه سيلفر ( رمادي ساااااااااااااااادة) و هاتي شرايط كحلية مو زرقة . يعني هاتي وحدة عريضة ووحده شوي أخف منها. كل الهدايا غلفيه بلون واحد.

التغليف :-

اذا شاطرة بالتغليف تفنني ( مفكرة افتح محل تغليف من كثر ما أحب هالسوالف )
كلهم غلفيهم بنفس اللون بس الطريقه خليها تكون غير و الشرايط بعد خليها ع شكل ورده – عادي – مايل – ع شكل زائد – كيفج مثل ما تحبين. ( حتى الشريط غلفي ) لا تنسين أي هديه
اذا كان من بين الهدايا ملابس ( تي شيرت او غيره ) هاتي بوكس مال العباية او الشيلة و غلفي بأي غلاف حلو غير السيلفر و حطي داخل البوكس التي شيرت و بعدها غلفي بالسيلفر.

اذا حبيتي تكتبين ع بعض الهدايا من برة ع التغليف – في قلامه تنباع بالمكتبات فيها لماعي و بنفس الوقت صمغ – كانو يحطونها دعايه في سبيس توووووووووووون J و اكتبي عليها اول حرف من اسم الشخص بالانجليزي – أو كلمه معبرة مثل ( أحبك – انت العمر- الشوق لك – أي شي من افكارج الحلوة

الحين هاتي بوكس كبير شوي - تايجر ازرق (كحلي ) سداسي او ثماني احلى من المربع راح يكون

ووديها محل الوروووووووووووووود :flower: وخليه ينسق انه يحط كل الهدايا داخل العلبه بعها يحط الورد ( ازرق او ابيض بس يفضل ازرق ) قوليله لا يحط اوراق خظر وايد بس يكثر من الورد و هذا البيض الصغير اللي يكون مع الورد. واخر شي حطي البطاقه من بين الهدايا بشكل حلو ... ولا تنسين تحطين مقص صغيب مربوط من صوب واحد بس بشريطه كحلية .(عشان ما يتعب و هو يفتح الهدايا ) وخلي صاحب محل الورد يوديها له ............. لا تودينها انتي خليها مفاجأة.

نسيت شي ............. هاتي دبدوووووب من تهاني الخليج او أي محل حلو و حطيه ع طرف من اطراف البوكس ( كحلي اتفقنا؟ :shy:) و لا تنسين تعطرين الدب

العلبه راح تكون مفتوحه و راح تطلع الالوان تخبل .بينصدم لما يشوفها و بيقعد يبحلق فيها مثل ما صار معاي :up:

..... تعبت في عندي فكره ثانيه احلى بكتبها لكم بعدين
bye