الي غندها طفل بعمر السنه ونص ادش ضروووووووووووووووري

اطفال واجد كديه ,, هدي قدرات في اطفال ماشا الله عليهم بسرعه يتكلموو وبطلاقه وفيه اطفاال يكوون صعب عليهم اشوي
بس انتي دائماا اتكلمي معااه وعيدي عليه الكلمه اكثر من مره

حبيبتي ..

كثير من الاطفال يتأخرون في النطق ...!!

لا تخافين .. الحمدلله مادام ولدك ما فيه الا العافيه .. ويسمع زين .. ويفهم عليك زين .. خلاص ...!! ليش مستعجله ع الكلام ؟!!!

انا ولدي الحين عمره فوق سنتين .. للآن ما يتكلم الا القليل من الكلمات ......!!! وما ينطقها زين بعد .. نص الحروف ياكلها ...!!

واخوي الصغير ما تكلم الا بآخر الثلاث سنوات .. وماشاءالله .. الحين مزعجنا بكثر القرق ههههههههههه :)

:025:

ولدي عمرة سنة واربع شهوور.... ما يقول ال ماما وبابا وعوعو ونمنم ,,,, انه عبالي كل اليهال ال في سنة جذيي... احاول اكرر الكلمة له بس ما كو فايدة ..يصارخ بس ....اللله يهدي ولدج يا سبلونة ... ويهدي ولدي

عادي مو مشكلة لا تحاتين مراده يتكلم

لا تخافين حبيبتي دامه ينطق خلاص والكلام لاحقة عليه

جم شهر بس وبيعور راسج من القرقة اللي ما تخلص والاسئلة اللي مالها معنى

صبري عليه وبتشوفينه يسولف ويغني وكل شي بيقوله ولا تحاتين ترا هالشي عادي

المفروض اني اللي اخاف .. حتى ماما وبابا مايقول ..

سبلونه انتي في نعمه .. ولاتستعيلين على الياهل

هلا اختي

مادام يقول كلمات حتى لو أقل من عشر يعني طبيعي وقدرات الاطفال في الكلام تختلف

اني ولدي علووي لما كمل السنة والنص الحمد لله كان يتكلم أكيد مو مفهووم كلش بس يقول كلمات وجمل من كلمتين

والحين طبعا كمل السنتين الحمد لله يتكلم ويقول جمل مع بلع بعض الحروف

ولكن بنتي الحين عمرها سنة ماااااااااتتكلم ماتقول الا أربع كلمات ماما - بابا - امبوا يعني ماي - ابي يعني أبغي وتقول بعد لا


يعني كل طفل غير عن الثاني

اهليين خيوتي
و ضع ولدش كلش طبيعي لاتحاتين
و مدام فديته يفهم الى كلامش
و اذا اتقولين هات الكوره خلاص
هني يجي دورش انتين


هذا تجربتي مع حسون و لدي

من عمر السنه اخذت له كتب
فيها صور الحيوانات و انتي بكرامه
الفواكه
الاشكال

وكل مره اطلع مكان لازم اخذ له كتاب في سنه
و خبرش حبيبتي كتب الاطفال اتكون حلوه
الوانها و اشكالها كلش حلوووه


و ابدي علميه

على الحيوانات
و بعدها انتي اسئليه وين هذا و ينه هذا

و بعدها حاولي اتكررين الكلمه له اكثر من مره
و حاولى اتقولين له اناشيد عن الشكل

و اترردينها له بين فتره و فتره


ولا تحاتين غناتي
الله يخليه و يحفظه ليش يارب

أختي لاتحاتين بنتي نفس الشي سنة واربع شهور وللحين كلماتها تتنعد على الأصابع هبابها تقول ماما وبابا وبودي (اخوها عبودي) وكلمة دادا ولا وممم (حق الأكل) .. ماشاء الله أخوها يوم كان بعمرها وين كان يقول وايد كلمات.. بس الحمدلله اقول دام تفهم شنو نقول لها مثلا لو قلنا لها روحي هاتي كلينكس تعرف وتروح اتييب لنه.. يقولون في ياهال يتأخرون شوي بالكلام لاتحاتين لو طولت الحالة بعدين تستدعي الحالة دكتور نطق...

ضحكتيني والله

يعرف 10 كلمات زين ممتاز مو بس زين

بالنسبه لعمره ممتاز


ويش تبغيه يقول يعني !!

بالعكس ولدش طبيعي 100 % ومافيه شيء

وشوي شوي بتشوفيه يتكلم جمله من كلمتين وشوي شوي بيقول جمله من 3 كلمات وشوي شوي بينطلق اللسان



الله يحفظه ويخليه لش ان شاء الله

وترى وضعه طبيعي لاتحاتيه ان شاء الله ماعليه إلا العافية

بنتي عمرها سنة وسبعة شهور

احسها من كملت سنة ونص بدت تتكلم

عااادي الوضع لا تحاتين فيه اطفال لعمر السنتين مايتكلمون بعدين مرة واحد يطلع الكلام

هلا ما تحاتى أنا بنتى سنه و نص بس تتكلم شوي شوي و عنيده اذا تريد تكلم تتكلم بس (عطى -ماما-بابا- كوره-حليب -ممم -ماى):)

مشالله يقول عشر كلمات
بنتي اكبر منه بس كلماتها قليله

حبيبتي المهم قال كم كلمة لا تخافين

بعد السنتين راح ينطلق

بالتوفيق

حبيبتي ماشاء الله عليه ولدش طبيعي جدا و عشر كلمات يعني ممتاز
فيه أطفال يكملون سنتين و حصيلتهم أقل من عشر كلمات و طبيعيين بعد:)
الله يحفظ لش ولدش يا رب.

عادي اختي لاتخافين
الاطفال يختلفون وولدك صغير
واجلسي معاه يوميا علميه على كلمه معينه لين يحفظها وسولفي معاه كثير
فديته الله يخليه لك ..