وألف الصلاة على النبي محمد
يا بنات صلوا على النبي محمد
هالموضوع هو اول موضوع لي
وحبيت احط اول موضوع لي عن عرس بنت خالي الغالية
العرس كان في يوم الخميس تاريخ 8 يوليو
في صالة مرمريز (2)
العرس كان روعـــــــــــــــــــــــــــــــــة
صج روعة بكل معنى الكلمة
كان كل شي باللون الذهبي والازرق
ووايد عجبني فستانها كان صج روووووعة
وصممته في السعودية
وكان روعة روعة روعة الكل قال صايره قمر (الله يحفظها)
وحاولت ادور صورة حق فستانها ما حصلت إلا هالصورة
يعني الفرق تقريبا في منطقة الصدر انها حاطه كله كرستال بدل قماش
وما كان في حامل للفستان مو عاري جذي يعني ما يسمى بالعامية حفره
وماشاء الله عليها ذوقها طلع بالفستان لانه صج حلو
وتسريحتها سوتها في صالون رونق عند الفلبينية اللي اسمها في
هالصورة تقريبا مثل تسريحتها
وكانت حاطه مثل الصورة تاج على راسها بس تاج اكبر من اللي بالصورة
ومكياجها كان عند الماكيرة نهاد
وصج ماشاء الله ماشاء الله مكياجها كان اكثر من رائع
وعرفت نهاد اشلون اطلعها قمر بكل معنى الكلمة
والدي جي كان دي جي رعد
وماشاء الله اغانيهم وايد وايد حلوة
يعني صج الكل قام ورقص على اغانيهم
لان اغانيهم فيها طرب
بخصوص الحنة العروس كانت متحنيه عند ام شهد
وحنتها وايد حلوة بس ابصراحه حنتها ما تغمج وايد
وانا وخواتي وامي تحنينه عند الحناية ام عبدالله
وربي شاهد ان حناها اكثر من رائع وغير ذي حناها وايد غامج
يعني طلع حنة ام عبدالله وايد اغمج من حنة ام شهد
وبخصوص انا واهلي رحنه صالون رونق للتسريحة والمكياج
امي وخواتي سوه لهم الفلبينيات تسريحات حلوة
وانا سوت لي حسنا تسريحة رووووعة
وماشاء الله عليها انسانه في قمة الاحترام
وانا وخواتي حطت لنا المكياج اخت الماكيرة نهاد اللي اسمها وفاء
وصج صج صج ما اعرف شنو اقول عنها
انسانه في قمة الذوق والاخلاق والاحترام
وحبوبة لأخر درجة وطيبة
وحطت لنا مكياج وايد ناعم وحلو
لدرجة ان كل اللي في العرس سألنه من اللي حطت لكم المكياج
والكل استانس على مكياجنا وعلى تسريحتنا
وامي حطت لها المكياج الماكيرة نهاد
وطلعت امي رووووعة بمكياجها الحلو
وابصراحه نهاد واختها وفاء ماشاء الله عليهم فنانين بالمكياج
بس انا شخصيا حبيت مكياج وفاء ووووووووووووووايد
لاني حسيتها اتعرف اشلون اطلع جمال البنات بكل نعومة
وبخصوص الفساتين صج صج صج الكل قال عنه روعة
والكل سألني من وين شريتي فستانج
حتى لدرجة رفيجتي قالت بتاخذ فستاني لمناسبة
وفساتينه خذناهم من خبر بلازا
ويوم الجمعة تاريخ 16 يوليو
بيكون حفلة استقبالها في بيت خالي (ابوها)
وان شاء الله باحط لكم التقرير اذا رحت بإذن الله
في النهاية اتمنى اني ما طولت عليكم
والله يهني ويسعد بنت خالي الغالية
والله يحقق لها كل اللي تتمناه لانها تستاهل الخير والله
ومنه المال ومنها العيال يارب
والفال حق البنات اللي ما تزوجوا
والله ييسر حق كل بنت ويسعدها
واذا استاهل قيموني اذا ما عليكم امر
والله يعطيكم العافية