نظامي أكل x أكل إلى الساعه 8 وبعدها STOP..مين تبدأ معاي

السلام عليكم ،،،

ابي ابدأ بنظام غذائي ضعفت عليه بعد ولادتي في بنتي الثانيه ..ونزل وزني بشكل طبيعي وكنت ارضع ..
حابه ابتدي فيه مره ثانيه مع العلم اني والده من اقل من شهرين وأرضع ..وابي انزل من الوزن 16 كيلو ..
اللي حابه تبتدي معاي حياها الله ...مرضعه او أم او عروس او بنوته :D

مابقول لكم شكثر ينزل...لأن كل جسم يختلف عن الثاني ... كل وحده منا بتلاحظ نزول الوزن تدريجيآ

.
.
.
.
.
.

هالنظام عباره عن

وجبات خفيفه متعدده ..بشرط بين كل وجبه ووجبه 3 ساعات ..وآخر وجبه ماتتعدى الساعه 7ونص او 8 ..وبعدها نقضيها شرب سوائل من ماي وشاي اخضر ونعناع ..

مافيه وجبه معينه او شي نتقيد فيه

ممكن برجر مشوي مع خردل وخس وطماط
او اذا عيش مانكثر عن 6 ملاعق كبيره ( مجبوس -برياني -عيش مع صالونه..الخ)
أو روتي سلايس وجبن قليل الدسم مع طماط مكبوس بالشوايه
او سندويش بيضه وخس وطماط
أو نوع فاكهه هذي عباره عن وجبه
المهم وجبات صغيره وخفيفه ..

ممكن قطعة جوكلت او سوييت قطعه صغيره بس مب كل يوم ..ونعتبرها وجبه بروحها يعني بعدها ب3 ساعات تكون الوجبه اللي بعدها ..
راح امتنع عن البيبسي والمشروبات الغازيه والعصاير ..واكتفي بشرب الماي او البيرييه ..

بهالطريقه بينزل الوزن تدريجي ومابنحس بجوع ..
.
.
.
.
لحظه
.
.
.
.
.
نظام غذائي من غير رياضه ماينفع ..

10 دقايق بس..لاتكثرون ،،،مانبي نطمع :D

مثلآ

مشي داخل البيت ..
صعود الدرج ونزوله لا تحطون في بالكم رياضه ..بس تحريك جسم لا أكثر ،،
تمارين شد البطن 50 مره فاليوم ..قسميها..بعد كل صلاه 10 مرات شد بطن ( هذي كانت فكرة صديقه لي وانشد بطنها ماشاء الله ):thumbs_up:
نط الحبل
لعب الطوق (MY favorite)
رقص
حتى الشوبينغ والمشي فالمول من ضمن الرياضه ;)




وبس هذا هو النظام


اللي راح تبدأ معاي تسجل مشاركتها فالموضوع ..

و باقي البنات نبي منكم تشجيع من خلال تقييم البنات اللي استمروا فالنظام و بدى ينزل الوزن



راح اصور وجباتي تشجيعآ لي ولكم .. :thumbs_up:







وزني: 85
الحاله : أرضع
ابي يصير وزني 69 كيلو نفس قبل
مبدئيا 5 كيلو فالشهر يكفيني