زوجي يتعاطى الحشيش أنقذوووووووووني

السلام عليكم ورحمة الله وبركاته

قصتي صراحه طويله لكن بحاول اجيب النقاط الرئيسيه فيها يعني الزبده والخلاصه وتكفووووووووووون أبي الحل

انا عمري 22 سنه وزوجي تقريبا 25 سنه متزوجه من أربع سنوات وعندي طفل وحامل الحين بالشهر الثامن

بداية زواجنا صارلنا ظروف مس وسحر والعياذ بالله وطاح زوجي بالحشيش حتى انه طيحيني معاه كان يجيبه يسويه بالبيت وكانت حياتنا مقبره انواااااااااع النكد ، مااستحملت الوضع قلت لأخته واخته قالت لأمها وابوها طبعا زوجي راح مستشفى الأمل طلع بعدها ....

الآن زوجي له تقريبا سنه ويمكن أكثر إلتزم وإقترب إلى الله أكثر وهذا الشي انا اشوفه واااااااااااضح فيه يحضر دروس للمشايخ ومحاضرات ويحفظ ادعيه وقرآن وأحاديث كل شي تغير لكن هالشهرين الأخيرات مدري وش اللي قلب الحال حتى ان ابوه راح فيه لشيخ يقرا وقالي زوجي انه قاله ان فيه سحر مره ثانيه لكن زوجي يقول انا متأكد ان مافينا شي البلوى العظيمه ان زوجي رجع للحشيش

حذرته مره وثنتين وثلاث واكثر بأنه إذا استمر على هالحال انا بعيش حياتي زي ماأبي يعني طايشه مع صديقاتي وبسوي البلاوي حتى البارح ارسلتله قلت له مثل ماتلعب بذيلك انا اعرف العب بذيلي ....

اللي قهرني أكثرررررررررررررررررر

اليوم قالي برساله على الجوال انه يحبني وانه مايستغني عني وانه وانه ... ألخ ويحلف ويقسم انه من يوم يطلع مايقابل احد وان اللي يبيع له ماعمره دخل بيته مع انه ---------> ركزوا على هالنقطه " مع انه من الفلان اللي هي عايلة زوجي ،،،،، مت قهر يعني اللي يبيع له واحد يقربله وأكيد مايبيع له محبة فيه وإلا هو مو عارف انه يدمر أسره كامله ولا حتى فكر فينا

آآآآآآآآآآآآآآآآآآآآآه بس لو أدري منهو والللللللللله لأبلغ عليه وخلهم يربونه بالسجن ، انا بصراحه شاكه بواحد :confused:

وش اسوي :confused:

اروح لهلي ولاعاد ارجع :confused:

والا اسفه زوجي ولا كأنه موجود :up: يعني اعامله برسميييييييييييييه

وإلا ادشر زيه عشان يحس بالخطا اللي سواه شلون انعكس على بيته

أعرف بنات يقدرون يدبرون حبوب وبلاوي أهبل بزوجي :D2

أرجوووووووووووووكم ابغى النصيحه والله مالي احد اشكي له

خايفه اقول لأهله ، وإستحاله اقول لأهلي مع اني دايما اهدده بأبوه

ومالي احد اخذ منه المشوره تعرفون قريبات صعبه يدرون بهالموضوع وصديقات مامن وراهم خير اصلاً

انا من قبل البارح ماأكلم زوجي قايمه بواجباتي على أكمل وجه لكن مافيه موده ولاأرخيت له وجهي

وش اسوي :confused:

أتمنى تكون الردود من الذكور أكثر من الإناث لأنهم هم أدرى بمثل هالشغلات والعاطفه تغلب على الإناث مع اني ماأنقص من قدرهن وأنا لاأستغني عن الجميع