السلام عليكم ورحمة الله و بركاته
شلونكم بنات.. عندي مشكله او قد ما تكون مشكله وانا مكبره الموضوع
ابغي ارائكم ...
فترة حياتي الزوجيه 4 فترات:
او سنتين كانت فترة الملكه صحيح كانت طويله شوي بس الحمد لله كانت اسعد ايام حياتي .. زوجي ما قصر معاي و ما عندي كلام اكثر عن هاذي الفتره
و بعدها تجي اول سنه زواج
بعد كانت ايام حلوه وما اذكر زوجي فيها الا بكل خير شايلني على كفوف الراحه مثل ايام الملكه
و السنه الثانيه من الزواج
كنت حامل و زوجي بعد ما قصر كان معتني فيني و بحملي و مرت هاذي السنه بسرعه و ما حسينا فيها
طبعا الامر ما يخلى من بعض المشاكل الي نسميها ملح الحياه الزوجيه
و اخر فتره هي هاذي السنه ... السنه الثالثه من الزواج
الاسبوع الجاي نكمل 3 سنوات على الزواج
احسها اكره فتره من عرفت زوجي فيها
تغيييييير , كلامه صار قليل , نااادر ما يمزح , بسرعه يعصب , ما يقول لي كلام حب و رومنسيه مثل قبل و كانه يقول خلاص احنا عجزنا وراحت علينا مع ان هو عمره 29 وانا 25
مع انه في الجانب الثاني من اهتمام و عنايه و قايم بكل واجباته ناحيتي و ناحية بنته و بيته و مو مقصر
مرات اقول يمكن بسبب دخول بنتي حياتنا لخبطت مشاعرنا و قلت الرومنسيه بينا
و لما اقول له انت تغيرت صرت ما تقول لي كلام حب ولا ترسل لي مسيجات مثل قبل .. يعصب و يتنرفز و يقول كل هذا وبعد تقولين مقصر انا كل وقتي لج و الى بنتج وبعد مقصر .. واندم اني قلت له
خاطري ترجع الايام لوراء و احس انه يحبني مثل قبل .. انا ما انكر انه يحبني بس وين الشوق و اللهفه و الحنيين الي كنا نعيشه وين رااااااااح ؟
هاذي السنه دخلت بنتي حياتنا و انا توظفت يعني شيئين دخلو حياتي في وقت واحد
مع اني مضغوطه ببنتي و شغلي و بيتي بس ما اغفل عنه و كل يوم اقول له احبك بس هو خلصت رومانسيته كل وقته معاي احسه قاعد يقوم بواجبه وبسسسسس
هل انا مكبره السالفه ؟؟؟
هل هذا من الروتين ؟؟
هل هذا من الظروف الجديده الي هي بنتي و شغلي ؟؟
هل هذا لاني حساسه وما عندي سالفه؟؟
للعلم .. حتى العلاقة الجنسيه قلت واااجد عن قبل .. بنتي ما تعطينا وقت ما ترضى تنام الا بالغصب و اوقات على ما انومها هو يكون مل من الانتظار و راح نام
مليييييييييت من حياتي معاه بهذا الشكل مو متعوده على جفااااااف منه
ريحوني وين الخطا ؟؟؟؟
هل هاذي مشكلة لو انا ما عندي سالفه !!!
*
07-07-2010 | 03:23 PM
ز
07-07-2010 | 03:32 PM
كل لرجال جدي
ك
07-07-2010 | 03:44 PM
حاولي تتكلمين معاه برومنسية بدون ما تخبرينه انه مقصر مع الوقت يمكن يتجاوب معاكي و يصير على الخط
و حاولي تنضمين وقت نوم البنوته على اساس يرتاح وما ينتظر و يطفش
و حاولي تنضمين وقت نوم البنوته على اساس يرتاح وما ينتظر و يطفش
ا
07-07-2010 | 04:22 PM
حبيبتي ,,
إذكري الله وصلي على نبيه (ص) المشكله مو كبيرة وااااااايد بالحجم اللي انتي اتحسينه وأصلاً ما في مشكله كل ما هناك ان صار تعود على الحياة من جذي اتحسين الرومانسية قلت بينكم ..
الطريقة اللي ترجعين فيها مسرى حياتج المفروض ايكون جذي ..
المفروض مو كل يوم اتقولين حق زوجج أحبك لأن بطبيعة الانسان مللول يعني حتى لو ما قالج اكيد تملل اهو .. لكن حلاتها اتخلينها بين فترة وفترة علشان يتلهف عليها ويحتاج إن يسمعها منج ..
الشي الثاني ربي ايخلي لج بنتج إن شاء الله وتبلغين فيها يا رب .. حاولي اتسوين لها جدول بحيث انه مثلاً على الساعه الفلانية اتكون خلاص راقده علشان حتى لو زوجج كان يبي شي ايكون عنده حرية تامة مو يقعد ينتظر لحد ما تنام البنت .. لأن بعدين راح يصير عنده برود ومعذرة على الكلام قد يكون فيه بعض الكلمات بس ما اعرف اوصل لج اللي ابغي اقوله غير بهذه الطريقة ..
وحاولي تكسرين الروتين علشان ايحس انه محتاج للرومانسية ويرجع فيها طبعاً آنا ما اقولج كل يوم والثاني سوي لج حفله وما ادري شنو لكن حاولي مثلاً في الشهر اتسوين له حفله بكذا طريقة يعني حتى لو بدون مناسبة ..
حاولي تخلين بنتج في غرفة بروحها حتى لو كانت صغيرة بس أحسن لج ولها وله علشان يأخذ راحته معاج ..
حاولي انتي تبادرين بالعلاقة الحميمية ومو شرط بطريقة مباشرة .. لأن هذا يزيد الشوق عند الرجل ويزيد الحب عنده .. وهو الحمدالله تبارك الرحمن يحبج ويرعاج ويرعى بنتج وهذه الف الحمد ليك يا رب نعمه تفتقدها الكثيرات وربي يديمها عليكم ويحفكم من العين إن شاء الله ..
حاولي مثلاً تقعدين معاه وتتكلمين معاه عن الاشياء اللي في داخلج وانتي حاطه راسج على جتفه او صدره هذا ايخليه ينولد عندها احساس انج محتاجه للمسة الحنان والدفء ..
وإن شا ءالله ربي يوفقكم مع بعض .. وطمنينا عليج حبابة
إذكري الله وصلي على نبيه (ص) المشكله مو كبيرة وااااااايد بالحجم اللي انتي اتحسينه وأصلاً ما في مشكله كل ما هناك ان صار تعود على الحياة من جذي اتحسين الرومانسية قلت بينكم ..
الطريقة اللي ترجعين فيها مسرى حياتج المفروض ايكون جذي ..
المفروض مو كل يوم اتقولين حق زوجج أحبك لأن بطبيعة الانسان مللول يعني حتى لو ما قالج اكيد تملل اهو .. لكن حلاتها اتخلينها بين فترة وفترة علشان يتلهف عليها ويحتاج إن يسمعها منج ..
الشي الثاني ربي ايخلي لج بنتج إن شاء الله وتبلغين فيها يا رب .. حاولي اتسوين لها جدول بحيث انه مثلاً على الساعه الفلانية اتكون خلاص راقده علشان حتى لو زوجج كان يبي شي ايكون عنده حرية تامة مو يقعد ينتظر لحد ما تنام البنت .. لأن بعدين راح يصير عنده برود ومعذرة على الكلام قد يكون فيه بعض الكلمات بس ما اعرف اوصل لج اللي ابغي اقوله غير بهذه الطريقة ..
وحاولي تكسرين الروتين علشان ايحس انه محتاج للرومانسية ويرجع فيها طبعاً آنا ما اقولج كل يوم والثاني سوي لج حفله وما ادري شنو لكن حاولي مثلاً في الشهر اتسوين له حفله بكذا طريقة يعني حتى لو بدون مناسبة ..
حاولي تخلين بنتج في غرفة بروحها حتى لو كانت صغيرة بس أحسن لج ولها وله علشان يأخذ راحته معاج ..
حاولي انتي تبادرين بالعلاقة الحميمية ومو شرط بطريقة مباشرة .. لأن هذا يزيد الشوق عند الرجل ويزيد الحب عنده .. وهو الحمدالله تبارك الرحمن يحبج ويرعاج ويرعى بنتج وهذه الف الحمد ليك يا رب نعمه تفتقدها الكثيرات وربي يديمها عليكم ويحفكم من العين إن شاء الله ..
حاولي مثلاً تقعدين معاه وتتكلمين معاه عن الاشياء اللي في داخلج وانتي حاطه راسج على جتفه او صدره هذا ايخليه ينولد عندها احساس انج محتاجه للمسة الحنان والدفء ..
وإن شا ءالله ربي يوفقكم مع بعض .. وطمنينا عليج حبابة
ر
07-07-2010 | 04:26 PM
اكثر للرجال كذا ..بداية الزواج رومانسيه وغزل ومسجات ..بعدين يملوون بسرعه ..
ا
07-07-2010 | 04:39 PM
عااااااااااادي الحياة صعبة ويمكن تراكمت عليه المسؤليات الحياة مو دائما رومنسية لازم فيه ضغوطات تسبب بعض الفتور بس هذا مو معناه انه تغير عليج ومايحبك بالعكس يمكن يفكر كيف يسعدك الزواج مسؤلية والرجال تفكيرهم عملي وواقعي أكثر من ان يكون رومنسي لا تكبرين السالفة وهذا دورك الحين بادريه انتي بالدلع والرومنسية في الوقت اللي تشوفينه مناسب حاولي ترتبي امورك عودي بنتك تنام في وقت محدد عشان تحصلين وقت للقعده معاه بروحكم انتي اكسري الروتين موضوعك جدا بسيط اطلعي ابتعدي عنه احيانا الواحد يحتاج يبعد حتى احنا النسوان نحتاج نبعد عن رجالنا عادي لا تقعدين بروحج وتفكرين ودورين حل والحل بيدك انتي الله يفرج لك ويحنن ويعطف قلبه عليج حبيبتي والسموحة
نسألكم الدعاء لأولادي بالهداية والصلاح
نسألكم الدعاء لأولادي بالهداية والصلاح
&
07-07-2010 | 04:47 PM
البسكوتة;12573704:عااااااااااادي الحياة صعبة ويمكن تراكمت عليه المسؤليات الحياة مو دائما رومنسية لازم فيه ضغوطات تسبب بعض الفتور بس هذا مو معناه انه تغير عليج ومايحبك بالعكس يمكن يفكر كيف يسعدك الزواج مسؤلية والرجال تفكيرهم عملي وواقعي أكثر من ان يكون رومنسي لا تكبرين السالفة وهذا دورك الحين بادريه انتي بالدلع والرومنسية في الوقت اللي تشوفينه مناسب حاولي ترتبي امورك عودي بنتك تنام في وقت محدد عشان تحصلين وقت للقعده معاه بروحكم انتي اكسري الروتين موضوعك جدا بسيط اطلعي ابتعدي عنه احيانا الواحد يحتاج يبعد حتى احنا النسوان نحتاج نبعد عن رجالنا عادي لا تقعدين بروحج وتفكرين ودورين حل والحل بيدك انتي الله يفرج لك ويحنن ويعطف قلبه عليج حبيبتي والسموحة
نسألكم الدعاء لأولادي بالهداية والصلاح
ما قصرت الاخت :thumbs_up:
ق
07-07-2010 | 06:50 PM
فتره وتعدي إن شاء الله أنا كنت نفس وضعك وتعدلت أمورنا والحمد لله
.
07-07-2010 | 07:02 PM
عادي حبيبتي هذا كلنا كيذا عانينا
بعدها تعودنا اول سنتين حلوين بعدين خلاص
بس انتي حاولي تغيبين عنه اسبوع
ورجعي له وشوفي الشوق والحب
الم وعشناه
بعدها تعودنا اول سنتين حلوين بعدين خلاص
بس انتي حاولي تغيبين عنه اسبوع
ورجعي له وشوفي الشوق والحب
الم وعشناه
م
07-07-2010 | 07:12 PM
اممم ماعندي كلام اكثر من اللي قالته الامورة شجن .. بس ترى انتي مكبرة الموضوع و احيانا العلاقة تمر بمرحلة فتوور لا تخافين فترة و تعدي بس طبعا حاولي تحلين الوضع .. موفقة ان شاء الله
*
09-07-2010 | 09:01 AM
مشكورين خواتي على ردكم ..
الاخوات الي قالو ان لرجال جذي اول رومنسيه بعدين خلاص
خسااااره اذا زوجي من هذا النوع .. ما عندي غير اني اتذكر الايام الي مضت واتحسر عليها
و الاخوات الي عطوني اقتراحات و بعض الافكار ...
بديت اطبقها و بديت بتنظيم نوم بنتي هذي الليلتين و للان ما قدرت عليها ما ترضى تنام
احنا نتعب و انام و هي تبغي تلعب
و ما رجعت قلت له انت مقصر
و باخذ بآرائكم و ان شاء الله يتغير و ترجع العلاقة مثل قبل
الاخوات الي قالو ان لرجال جذي اول رومنسيه بعدين خلاص
خسااااره اذا زوجي من هذا النوع .. ما عندي غير اني اتذكر الايام الي مضت واتحسر عليها
و الاخوات الي عطوني اقتراحات و بعض الافكار ...
بديت اطبقها و بديت بتنظيم نوم بنتي هذي الليلتين و للان ما قدرت عليها ما ترضى تنام
احنا نتعب و انام و هي تبغي تلعب
و ما رجعت قلت له انت مقصر
و باخذ بآرائكم و ان شاء الله يتغير و ترجع العلاقة مثل قبل
ي
09-07-2010 | 09:25 AM
الله يوفقج حبيبتي ، فترة وتعدي حاولي تتغلبينن عليها
د
09-07-2010 | 10:47 AM
الله يوفقك ويفك ضيقتك وهمك وترجعون مثل قبل