::: تجهيزاتي للمستشفى لولاده سمسومي الثاني ::::

ما شاء الله لاقوة الا بالله
كل شي حلو ومرتب
والف الحمد لله على السلامة
يتربى بعزكم الصغير ان شا الله

شكر جزيل لتواجدكم عزيزاتي و الله يبلغكم في عيالكم و يبلغني في عيالي و اشوفهم عرسان :)

بالنسبه للاستفسارات

عروس عندها ولد;12690054:
حبيبتي مراوي ابي فكرة حق توزيعات - ادري مصختها من الاسئلة بس احسش فرندلي و تتقبلين كل الاسئلة ما شاء الله عليش

اخذي راحتك عروسه بالعكس احب سوالف التجهيز و خاطري وحده تعطيني بجت مفتوح و اجهز لها جان تفلس على ايدي :lol:
افكار حق توزيعات انا كنت حاطه في بالي ابي شغلات تظل مع الزائرة و تستفيد منها

فكره المرايا حلوه بس كان وحده صديقتي مسويتها فأستبعدتها

كنت ابي اما طقم المانكيير

او طقم فرش مكياج في شنطتهم

توزيعات العطور كانت متوفره بالنسبه لي بسهوله لاني ابيعها بس لان اختي بعد سوتها فأستبعدتها

فكرت في قلم روج بألوان تناسب الجميع مثل البنكي و البيج

ممكن دفتر نوته صغير مع قلم ماله شفته في لايف ستايل كان عجيب صاير الستايل الهندي اللي كله مناظر ملون من بره بس انا كانت سالفه طقم المانكيير اهي اللي ضاربة في راسي من جذي حتى لو اشوف شي حلو اظل ابي الطقم المانكيير :D

تقدرين تاخذين اطقم صبغ الاظافر اللي يجون في شنطه جم لون مع بعض كنت اشوفهم بالمحلات بس مادري لحين موجودين او لا

انتي جم حاطه بجت للتوزيعه عشان اقدر افكر بشغلات تناسب الميزانيه

ماشاءالله روووعة

يالله مراوي نزلي لنا تجهيزات البيبي من فراشات وملابس وغيرها

مشكورة مراوي صج افكارش راااااااااااااااائعة و كل فكرة احلى من الثانية و احس روحي محتاره من الخيارات اللي عطيتيني ايها، بس انا ابي توزيعات تناسب النسوان الكبار اللي بعمر امي و الصغار اللي بعمري و اصغر
الدفتر اللي من لايف ستايل بكم ؟
انا في ولادتي بولدي سويت توزيعات الحبة بدينارين بس الحين ابي سعر اقل لو اقل من دينار يكون افضل
يعني اصير اوزع المنظرة مع ان وحدة من ربعي موزعة في ولادتها - شفت فوط اللي على شكل جييز كيك تعتقدين حلوة التوزيعة او قديمة و تنقط

ماشاءالله .. ذوووق .. وترتيب .. والثيم روعة وكل شي حلو.. تستاهلين التميز غلاتي ,,عسى الله يحفظ لج عيالج ويحفظج من كل عين.

ماشاء الله اول شي عجبني كلشي وجوعتيني ههه
تولدين بسلامه انشاء الله خيوتو

يعطيكم العافي خواتي على مشاركتكم لي :)

بالنسبه لاستفسار عروسه

عروس عندها ولد;12700746:
مشكورة مراوي صج افكارش راااااااااااااااائعة و كل فكرة احلى من الثانية و احس روحي محتاره من الخيارات اللي عطيتيني ايها، بس انا ابي توزيعات تناسب النسوان الكبار اللي بعمر امي و الصغار اللي بعمري و اصغر
الدفتر اللي من لايف ستايل بكم ؟
انا في ولادتي بولدي سويت توزيعات الحبة بدينارين بس الحين ابي سعر اقل لو اقل من دينار يكون افضل
يعني اصير اوزع المنظرة مع ان وحدة من ربعي موزعة في ولادتها - شفت فوط اللي على شكل جييز كيك تعتقدين حلوة التوزيعة او قديمة و تنقط

بالنسبه للمنظره اذا عادي ان صديقتك موزعه فترى الفكره حلوه تقدرين تسوينها

النوتات اللي كانو بلايف ستايل كان على ايام تخفيض يطلع بدينار او دينار و 200 شي جذي

الفوط اللي على شكل كيك شفتهم بعد بس انا كنت مستبعدتهم لان قلت مابتستفيد منها الوحده لان اهي حلاتها واهي ملفوفه مثل الكيكه

حق النسوان الكبار انا ما اسوي حق النسوان لان ماعندي زوار وايد يعني امي و نسوان عمي اعطيهم من نفس توزيعاتي عادي

لو بسوي حق نسوان كبار افكر اسوي لهم كل وحده كيس فيه حرام صلاه و كتاب ادعيه سبحه و تربه سجاده يعني هالشغلات تقدرين تضيفين او تشيلين

ترى جيان يايب حرامات صلاه و اسعارهم معقوله مايتعدى الواحد 1,5 كأن فإذا عزمتي روحي خميهم لان بسرعه بيخلصون :lol:

بنت خلف.;12704403:
ماشاء الله اول شي عجبني كلشي وجوعتيني ههه
تولدين بسلامه انشاء الله خيوتو

عليك بالعافيه :lol:

بس ترى انا ولدت و ولدي كمل 3 شهور :)

مشكورة مراوي و فكرة الحرام ضحكتني لو اسويها جان بصير ضرب الكف عليها من الكبار و الصغار و بياخذون التوزيعات العادية و الحرامات لان كل وحدة بتقول عندها نقص في حرامات الصلاة ما ادري اشفيهم النسوان ما يشبعون خخ ، قررت ما احط النسوان في جدول حساباتي و بعطيهم من التوزيعات اللي بوزعها وبسهم دلع << بل بل بل سويت قصة من لا شي خخ

انا هذا رايي بعد :)

النسوان الكبار في السن يتراوالي ما يجون يزورون في المستشفى

و اللي من سن امهاتنا عادي ياخذون من التوزيعات نفسها :)

حلووووووووووووووو

سوري بس واللهي ماعرفت المحل ههههههههههههه
ممكن تقولي لي في اي منطقة
وثاانكس

ماشاء الله شغل حلو وراقي

روعة الله يخليهم لك ويرزقك برهم لك احلى تقييم

روووعه عجبني كل شي الله يخليلج البيبي واخوه :)

مرة حلوة الله يعطيك العافية

مآآشآءالله تبآرك الرحمن / خوش أفكـآآر تونسسسسسسسسسسسسسس

مراويييييييييييييي شخبارش وحشتيني ’ شفت كذا شي من الموقع اللي بشتري منه التوزيعات : منظرة - مكسر اللي يخلط البيض يدويا على شكل ام حامل - شنطة صغيرة فيها ادوات خياطة تنحط في الشنطة لوقت الازمات - بس كأن المفروض اسألش هالاسئلة في مكان ثاني غير موضوعش والا شلون ؟:o