بناااات البحرين ،، الفزعة لأختكم...لكل من تعاملت مع فرشة العرائس .. أو تعرف عنه

المفترض قبل لا تقدمين على أي خطوة

تسآلين وتستفسرين عن المحل زين ما زيـن !!..

لأن هذي ليلة العمر

وما تبغين تنغشين فيها

عدل ولا لا ؟!.. ;)

أنا لو شنهو أتكلم عن هالمكان ما بوفيه حقـه

لأنه محل معروف بحركات النصب والإحتيال على الزباين

وياما زباين ضاعت عليها فلوسها + وصلت لمراكز الشرطة ,

ولو تشتكين عندهم في المركز التابع للبديع بيقولون لج بوووه معروفيـن :worn_out:

إهما تعاملهم مع أي كستمر جديد مثل العسل

يحط لج الشمس بيد والقمر بيد ثانية

ويوعودونج إن كل شي تبغينه راح يصير لج بالضبط

لكـــــن !!!

لعبة الضغط النفسي تبتدي بعد إستلام الفستان

هني عاد يلعبون بأعصابج ويكرهونج حتى بمعيشتج

ولآخر لحظة ليوم حفلتج يمكن ما تلبسين الفستان ولا تشوفينه

وما تستلمينه إلا العصر أو المغرب كلللللللش عادي

ويكون واسع أو مب مقاسج موليه أيضاً عااااادي :lol:

وكلامي إلي أقوله

أبداً مب من باب المبالغة

أو قطع الأرزاق , والعياذ بالله

بس هالمحل معروف جداً , جداً , جداً

ريحته فايحة مثل ما يقولون :thumbs_down:

وكل وحدة عندها خبرة بمحلات الفساتين أكيد بتكون حاطه عليهم × كبيرة جداً

وما بتغامر بعمرها !..

+

أنا قبل سنتين !..

فصلت عندهم يا زعم فستان خطوبتي لبسة أولى

أتصل أبي أروح لبروفة

يقولون لي صبر

توى الناس

تخيلي لمتى ؟!..

وباقي عن حفلتي حوالي أسبوعين فقط :confused:

وأنا الفستان حاجزته ودافعة عليه عربون صار لي شهرين

وهما توى .. الناس , توى الناس

بعد الحفلة بأسبوع كامل بالضبط

رحت لهم المحل بشوف شسالفة ولمتى بالضبططططط

تخيلي فستاني ما جهز ولا أشتغلوا فيه مطلقاً ؟!..

باقي على حفل خطوبتي أسبووووووووووع

وفستاني ما جهز منه ولا شي

ويقولون لي صبري

وأنا لا خذيت بروفة ولا قياسات ولا هم يحزنون :mad:

على طول رحت حجزت لي فستان إيجار من محل ثاني ولا عورت راسي معاهم

وراحت علي بسببهم عربون بقيمة 100 دينار

وفي ذمتهم ليوم الديـن

ولا كلفوا عن نفسهم يسآلون أو يعتذرون أو حتى يردون لي نص المبلغ !..

عديمي الذمة والضمير والأخلاق :(

+

وليش أروح بعيد ؟!..

دشي موضوع ( تجهيزات عرايس البحرين )

وأستفسري من البنات

وشوفي شكثر بنات منصادين منه

وياما سمعنا قصص عن عرايس أنغشوا منه وأنخدعوا ولا لقوا أي حل

+

حالياً عليج بالمتابعة وايهم كل يوم , كل يوم

ألحي عليهم وحني على راسهم

أقلها علشان ما تروح عليج فلوسج .. ولا تتغربلين