بنت خالتي تبيني أعمل مكياج عرسها وانا خايفة

بنات معقولة ولا اي كلمة حتى بس اني اوافق او ارفض .......والله اني احبطت جدا

حسب معرفتج ببنت خالتج لو هي من النوع اللي راح يتوتر و ممكن يقيدج و تحرجج ساعاتها...ولا تخليج تشتغلين براحتج...بعدي عن الموضوع..أسلم..!
لانج عارفة توتر العروس كيف يكون..مع أشهر الماكييرات و ما يسكتون...بعضهم .ويمسحون المكياج...ويمكن معاج..تاخذ راحتها..أكثر..
..و تنقدج مباشر...
يعني المقياس طبيعة بنت خالتج..و نوعية ردود أفعالها..!

ثقي بمكياجك وحاولي تتدربي الحين على المكياج

توكلي على الله ويمكن اتكون اهي سبب شهرتش وهذا رايي يالخبيره

بصراحه مسؤليه كبيره لانه زفاف مو لعبه
اذا صبحيه او خطوبه نقول ممكن بس زفاف لامجال للمخاطره
ومدري كيف علاقتكم ببعض اخاف ترتبكين واحتمال تزعل
منك اذا ماعجبها احسن لك قولي لها اسوي لك
في الصبحيه بس الزفاف اخاف وخليها تروح الصالون احسن

مثل ماقالو البنات تروح الصالون ابرك

السلام عليكم ورحمة الله وبركاته
احتمال كبير انج تتوترين لانها عروس وبنت خالتج بنفس الوقت

ويطلع المكياج غير عن الي سويتيه لها في البروفات

وساعتها هي مابيعجبها

واحتمال كبير مثل ما قالوا البنات انها بتاخذ راحتها معاج

يعني كل شوي بتعدل وبتغير

جربي تسوين لها بروفات وشوفي رايها

اذا اقتنعت توكلي على الله

بس قولي لها من الحين ان هالموضوع حساس

وانج تبين تطلعينها باحلى طله

فلو ماعجبها المكياج لا تخسرج

السلام عليكم حبوبه
بالعكس خلج واثقه من نفسج
و تدربي عليها سوري بروفات
و البروفه اللي تضبط
خلج عليها
طبقيها يوم العرس
و قبل ذي كله
صج
ادعي اول و استخيري
و بالعكس اصلا بنت خالتج
انتي عادي وياها تمون
يعني بكون الوضع مريح انكم تعرفون بعض
و تقدرون تسولفون ويا بعض تتفقون على الالوان
و هي تقولج يعني هذا مو عدل
و تشور عليج
و انتي بعد وياها
يعني احس عادي بس شيلي الخوف
و ليلة العرس ادعي ربج
انج تسوين شي يبهر الجميع
و الاهم يرضيها
و تكونين قدها

موفقه يارب :)

اي صح ابتدي معاها
مو وقت عشان لو قدر الله و اخترب او ما ضبط في وقت انج تغيرين
و خلج ريلااااااكس و ان شاء الله كل شي بتم على خير

اذا شايفه مكياجك وعاجبها سوى لها لاتخااااافين

انا من رأأي الشخصي

سوي لها برووفه

وسوي لها المكياج من وقت علشان في حال ما عجبها

تقدر تتصرف وتروح صالون والطرفين ما يزعلون

خليه تروح الصالون احسن وسويلها في الصبحه احسن
تقبلي مرورررري

إذا جافت مكياجج و عجبها بس خلآص لا تحاتين ، اذا انتي خايفه واتحسين روحج بتتوترين اقترحي عليها انها تروح لصالون اذا لزمت انج انتي تمكيجينها خلاص توكلي على الله بس الموهييم انج تسوين لها برفا اكثر من مرآآ علشان اهي ترتااح و انتي ترتاحيين

ونسيت شي مهم بعد ! اذا بعد خلآآص بتمكجينها تأكدي كل شي يكوون عندج ولاحظي لازم تشترين مكياج يديد أولا لانها عرووس ولازم المكياج يكون أحسن نوعيه و ثانيا لأن بشرتج يمكن تختلف عن لون بشرتها وحتا يمكن اهيه بشرتها ما بناسبها الفونديشن اللي تحطينه فسأليها انتي شنو يناسبج ! وانا صراآآحه انصحج ب شانيل اعرف ماكييره تستخدمه دايم وعلى الكل يطلع حلوو و بالتوفيييق قلبو ، واذا غيرت رايهآ او انتي قنعتييها انها تروح لصالون قوليلي كم ميزانيتها و باقترح علييج انشاء الله أفيدج و تقبلي مرووري

بصراحة ردود الجميع فرحتنيييييييييييييييييييييييي موت بغض النظر عن الكلام بين مؤيد ومعارض ......أنا رح أحاول معاها ببروفات ....ويارب يا رب اقدر امشي لقدام يا رب وادعم ثقتي بنفسي ...بس حاليا محتارة شن نوع المكياج المناسب للعروسات ....لو وحدة عندها خبرة تفيدني وبتكون م قصرت وبتزيد من خبرتي....يعني بالبروفات هيا رح تحكم بس انا شي واحد رح يدوخني مو المكياج ....اضاءة الوجه المستمرة طول السهرة .....و احمر الشفاه ..... هوا اللي مخوفني موت أكتر من مكياج العيون .....وبصراة عيبي ما احب حد ينتقدني ...يا ربي يا ربي ساعدني ....تسلمو يلي كتبتو .....الله يرفع درجاتكم وحسناتكم ...يا رب

رايي من راي Golden Sweat

سويلها اكثر من بروفا .. و بعدها قرروا مع بعض .. منها انتي تتعلمين على وجهها .. و بنفس الوقت اهي تشوف شغلج


و انتي استخيري .. و الله يوفقج ان شاءالله .. لكن لو انا منج ما ارفض و اشحذ طاقاتي و قدراتي حق هاليوم .. يمكن تكون انطلاقتج منه!



الله يوفق بنت خالتج و يوفقج معاها :)

عزيزتي ميمونة لا حرمنا الله طلتك .....وفيدينا بانواع الميكاج .....والشي اللي يفيد العروس تسلمى على ردك