عطوري اللي جربتها و احبها حصريا لكم يا حبايبي

موضوع جدا جميل
يسعدني اكون اول من يرد
تتهنين فيهم اختي
في كم عطر عجبوني ان شاء الله نجربهم
تسلمي اختي على الموضوع الروووعه
في انتظار الدفعه التانيه
+تقييم

ماشاء الله تخلصينهم بالعافية

موضوع جميل ومنسق
عليش بالعافيه

كوليكشن انيق و راقي،،تتهني بيهم.

بانتظار جديدكF:

عطور مميزه ..
انا عندي نفس هوايتج بس صارلي فتره مازاولتها خخخخخخ
من الحمل والنساه ..
يبيلي زياره لمحلات العطور بس اشمشم هالعطورات الزينه ..
بعضهم عندي اياهم وفعلآ روعه ،،معناته راح يعجبوني باقي العطور ..ذوقج يشبه ذوقي

عطوووووووووووووووووور لذيــــــــــــــــــــــــــــــــــــــــــــــــــــــــــــــــــــذة و جااااااااااااااااااااااري التجربه

عطورك روعه روعه ....وخصوصا كلووووي ...

لحونه الحلوه;12559372:
موضوع جدا جميل
يسعدني اكون اول من يرد
تتهنين فيهم اختي
في كم عطر عجبوني ان شاء الله نجربهم
تسلمي اختي على الموضوع الروووعه
في انتظار الدفعه التانيه
+تقييم

و انا يشرفني انج رديتي حبيبتي..و الله يسلمج و يهنيج..مشكورة على التقييم الحلو مثلج..و ان شاء الله تجربين من العطور شي و يعجبج :-)

هات العلم;12559520:
ماشاء الله تخلصينهم بالعافية

الله يعافيج يا قلبي..مشكورة على المرور

نور قلبي اولادي;12559733:
موضوع جميل ومنسق
عليش بالعافيه

مشكورة غاليتي..نورتي الموضوع

i miss u dad;12559838:
كوليكشن انيق و راقي،،تتهني بيهم.

بانتظار جديدكF:

هذا من ذوقج يا عيوني..و الله يهنيج و يسلمج..ان شاء الله بيعجبج جديدي

كتكوته نايمه;12559966:
عطور مميزه ..
انا عندي نفس هوايتج بس صارلي فتره مازاولتها خخخخخخ
من الحمل والنساه ..
يبيلي زياره لمحلات العطور بس اشمشم هالعطورات الزينه ..
بعضهم عندي اياهم وفعلآ روعه ،،معناته راح يعجبوني باقي العطور ..ذوقج يشبه ذوقي

هههههه...تعالي نسوي رابطة لعشاق العطور اجل..هههههه...حب العطور و الميكاب عندي مشككككلة..خخخخ..و اذا جربتي شي ثاني من اللي ما عندج منهم..عطيني رأيج..دامنا من نفس الذوق معناها لزوم نبقى على تواصل هههههههههه..

مشاعر مجهولة;12560229:

ما شاء الله
يعطيج العافية

الله يعافيج و يسعدج يا قلبي..الف شكر على التقييم الحلو حبيبتي!

ميمااااا;12561920:
عطوووووووووووووووووور لذيــــــــــــــــــــــــــــــــــــــــــــــــــــــــــــــــــــذة و جااااااااااااااااااااااري التجربه

تعجبيييييييييييني..احب اللي عندها استعداد تجرب..و لو حتى بس برشة وحدة حتى تعرف اذا العطر حلو او لا..ان شاء الله يعجبج شي و تاخذينه..و لا تنسين تعطيني خبر..خخخخخ...مشكورة على تقييمج قلبو

هيوفه الحلوه;12563471:
عطورك روعه روعه ....وخصوصا كلووووي ...

تسلمييييين حياتي..عطر كلوي خرافي..شكله بيبقى المفضل عندي لفترة :-)..

ماشاء الله حلوين تتهني فيهم تم التقيم

F:F:F:

هات العلم;12559520:
ماشاء الله تخلصينهم بالعافية

تم التقييم

اوكي بناتز...هذا الجزء الثاني من العطور..ما عليه اعذروني على التجزيء..هالشي بسبب عدم وجود كاميرتي و حاجتي للبحث عن صور العطور :-(..بس ما عليه..انتو تستاهلوووووون فديتكم

يلا..نبدي مرة ثانية..بسم الله...

جادور من كريستيان ديور..الاوريجينال..المعروف عند معظم الحريم و البنات..عطر كلاسيك..راقي و هادي..للي تحب ريحتها تكون حلوة بس مو ظاهرة و قوية كلش..انا اشوف انه لازم يكون بكوليكشن كل بنت..لانه مثل ما ذكرت كلاسيك...



ديور آديكت 2 من كريستيان ديور..ايضا عطر مشهور..فيه فريشنيس حلوة و قوية نوعا ما..فيه روح شبابية فا العطر ريحته سبورتي شوووي بس..اعتقد هذا من العطور اللي فعلا مصممين ديور حاولوا يجذبون فيه الشابات..و نجحوا فهالشي..من العطور الخفيفة (بستايل العطر مو الجودة) اللي احطها دايم..



هيبناتيك بويزن من كريستيان ديور..ريحة العطر هذا قوية و باااااارزة..ما فيها ريحة الزهور المعهودة بالعطور..في نوع من السبايسينيس..احس انه مستوحى من العطور الشرقية شوي..استعمله بكثرة لما ابي شي يذكرني بالشرق و جذي..



بي ديليشز من دانا كاران لدي كاي أن واي..ريحته بعد بأسمه..فعععععلا ديليشز..ريحته جايه على تفاح..بالتحديد التفاح الاخضر..ستايله فريش و سبورت..الاخضر هو الاوريجينال..في منه عدة مشتقات الحين..الاحمر جربته..و حبيته بعد..بس احس ان الاخضر ارقاهم..يغني عن العطور الرخيصة اللي تجي بروايح الفواكه..لان هذا كلاسي اكثر و ارقى بمرااااااحل..



فيفارا آكوا 330 من ايميليو بوتشي..حبيت شكل البطل..فيه لمسة فنية و هادئة..و العطر يوحي بهالشي بعد..ريحته مثل الباودر او شي من هالقبيل..لكن يوحي بكلاسيكية حلوة..ريحته تبدي شوووي قوية..بس يوم تفتر تصير احلى و احلى و تطلع منه نوتات العطر الهادئ..



يوفوريا من كالفين كلاين...حلو..ستايله شيك..يبدي بريحة سبايسي شووووي..بعدين تطلع منه ريحة سويت..مزيج فريد بالنوتات..عندي منه دائما..رغم انه صار قديم..ريحته لا تقاوم..



فلورا من غوتشي..روعة ثم روعة ثم روعة..يهببببل هذا العطر..من عطوري المفضلة على الاطلاااااق..داااااائما موجود عندي..هو من العطور الحديثة لغوتشي..اعتقد هالعطر طلع بال2008..يعني بعده جديد..ريحته مقااااربة لعطر ميراكل من لانكوم..و لكن..فلورا فيه نوتات عطر سبايسي اكثر شوووي..و ثباته فضيييييع..اذا ترشيه على الملابس..خلاص ما بيطلع الا تغسلينهم..انصح فيه بقووووووة..



غوتشي من غوتشي...اللي تبي تدمن على عطر..خل تاخذ هذا..مرات ارش منه على يدي بسسسس حتى اشمه..ريحته سبايسي..بعيدة عن الزهور و ما شابه..و ريحته متوازنة..لا هي هادئة يا دوب تنشم..و لا هي قوية و ظاهرة..راااااقي..استعمله للكشخة لانه فععععلا جذي...و هو بعد من العطور الحديثة لغوتشي..



كينزو أمور من كينزو...انا ما احب العطور الشرقية (مسألة ذوق لا اكثر)..و لكن احب اني الاقي البديل لها او القريب لها و يرضي ذوقي العام بالعطور..هالعطر يوفي بهالشي 100%..ريحته شرقية بحححته..فيها شي من البخور و جذي..رغم انه مبني بنوتات عدة زهور منهم زهرتي المفضلة زهرة الفرانغيباني..لكن مازجينهم بحيث يشكلون ريحة شرقية بكل معنى الكلمة..العطر يتدرج بالريحة..يبدي قوي و بعدين يهدأ..حلو و بعد انصح فيه..خصووووصا للي يحبون العطور اللي فيها لمسة شرقية...ملاحظة..في الوان لبطل العطر..كلللهممم نفس العطر..اللون يبين حجم العطر فقط لا غير..و هو بعد من العطور الحديثة..و ربح جائزة افضل عطر بال2007..من حبي له اعرف حتى اسم مصمم بطل العطر..ههههههههههههههه..



فيفا لا جوسي من جوسي كوتور..ريحة سوييييت بس برقي..ممكن تصير للكشخة و ممكن تصير للطلعات البسيطة..ريحته فريدة..لحد الآن ما شميت عطر مقارب له..و الريحة تثبت مثل ما هي الين تفتر و تروح..هو من العطور اللي دائما موجودة عندي..و بطل العطر لحاله قصة..ماركة جوسي كل عطورهم شكلها راقي جدددا يعني يخلوج مو بس تبين ترشين العطر..بعد تبين تاخذين البطل و تطالعينه و تتأملين فيه..خخخخخ..انصح بعطورهم (و شنطهم بعد لانها كيوت و عملية خخخخ) للي تبي شي فريد و مميز..



نارسيسو رودريغيز فور هر من نارسيسو رودريغيز..عندي العطر (الاسود) و عندي ميست الشعر..ليش؟..لان الرقي كلللله بهذا العطر..مستحيييل اقدر اوصفه و اعطيه حقه..لاااازم تشمونه بنفسكم..انصح فيه و بقووووة للاخوات المتزوجات..هالعطر فيه سر..ما حطته حرمة متزوجة الا ما زوجها انهبل و ادمن عليه..ههههههه..انا متأكدة فيه فيرومونز او شي لانه مثيييير للرجال..اي وحده تبي تسوي كوليكشن عطور..خل تاخذ عطر نارسيسو الاسود..



هابي هارت من كلينيك..قصة الوفاء تستمر..ههههههههه...هذا فيه ريحة زهور اقوى من الاوريجينال..بس ريحته شي شي شي..دااااايم احطه فالبيت لان ريحته فريش و كلييييين..تهبببلللل...



رومانس من رالف لورين..الاوريجينال..معرووووف..و لكن يبقى عطر كلاسيكي و راااااقي..للمناسبات يطلع شي..للعزايم شي..ثااااااااابت..و ريحته ما تتغير..من جد عطر كلاسي و سكسي بنفس الوقت و مستحييييل ما يكون موجود بالكوليكشن حقي..بعد انصح فيه للي تبي تسوي لها كوليكشن يعتمد على ستايل معين او ماركة معينة..لانه افضل عطور رالف على الاطلااااااااق..



ميس ديور شيغي من كريستيان ديور..عطر كلللللللله دلع..ريحته جذاااااااابه..ما حطيته مرة اذا ما احد سألني شنو عطرج؟..رووووعة...و هو من العطور الاكثر حداثة لديور...



بلو من رالف لورين...عطر فريش و قوي بنفس الوقت..ريحته تهدىء بعد فترة قصيرة..بس واااجد فريد..يذكرني بريحة البحر بالليل..خخخخ..ما ادري ليش..بس يمكن لان الريحة فريش تذكرني بريحة البحر...احط منه واجد لما اكون فالبيت..



فيري هوليوود من مايكل كورز..احددددث عطر منه..حسب ما اتذكر طلع من سنة بس او اكثر بشوي..العطر كللللللله مرتكز على عطر وردة الغاردينيا و وردة الماندارين..الاولى فيها ريحة سبايسي شوي يعني مو زهرية كالمعهود من الورد المتعارف عليها..و الثانية فيها ريحة مايلة لريحة الحمضيات..المزيج بينهم مسوي عطر فيه روح شرقية..لذلك في رقي حلو..يصلح لكل المواسم..



اينتو ذا بلو من ايسكادا..ريحته شهية..ما ادري شنو اللي فيه..بس يخلي ريحتج شهييييية..رغم انه من العطور اللي ريحتها كلين..لكن فيه مزيج رهييييب يخلي ريحته فريدة جددددا..هو بعد ما له مثيل..و ما حطيته مرة الا ما احد سألني شنو عطري..حتى الاطفال يشمشمون فيني يوم احطه..خخخخخ..انصح فيه لانه شي عجيب..فالصيف ريحته تصير شي و فالشتا شي ثاني..و هو واحد من العطور الحديثة لايسكادا و المفضل بالنسبة لي من هالماركة..



اينفيوجن دُآيغيس من برادا..عطر قوي..ريحته ظااااااهرة..حدددددها كلاسيك..عطر مميز..اللي يعرفون بالعطور فورا يعرفون انه من برادا لان فيه نوتات العطر اللي تميز عطور هالماركة..حلو جدا..و هو عطري الوحيد من برادا رغم انه من العطور القديمة شوي منهم...





لهنا حبيباتي و تنتهي تجاربي..هذول العطور اللي ما استغني عنهم..و لازم يكونون موجودين عندي..طبعا مثل ما ذكرت بالبداية..انا حطيت اللي احبهم بس..يعني ما ذكرت التجارب الفاشلة حتى ما ادوخكم..و ان شاء الله يعجبكم الموضوع..و لاتنسوني من صالح دعائكم..انا ما سويت هالموضوع الا حتى اشارك خواتي و حبيباتي بالشي اللي احبه و ودي انه يكون عندهم بعد..و مشكورين على الدعم و التقييم و الرد سلفا F:F:F:

دمتم بحفظ الرحمن

:025::03::087::083::016::ok::065:عطورات راااقية من جد تستاهل التجربة تم التقييييم خصوصا كللللللللللللللللللللللللللوي:biggrin::049:يمي يم احب العطور من قلب:L:

ماشاء الله روعة عطورج يالغلا

ماشالله مشكوووورة عالموضوع


يعطيج العافية حبيبتي

,,BXS,,

تسلمي على طرح تجربتك