افضل منظف

الغاليه بصراحه الوحده لازم تعتني ببشرتها و طبعا ولا وحده من العضوات تقدر تفيدج لان كل وحده تختلف بشرتها عن الثانيه

راح اكتب لك مواصفات كل بشره و شوفي بشرتك من اي نوع و بعدين نقدر نساعدج يا اختي الغاليه

البشره العاديه:
هذي الحمد لله ما تحتاج لاي عنايه مكثفه لكن و يجب المحافظه عليها يعني لا تستخدمين مستحضرات للبشره الجافه لانها راح تخلي بشرتك دهنيه و العكس ولازم تحرصين على اختيار مستحضرات خاصه للبشره العاديه

البشره الدهنيه :
مسام واسع ,الانف و الذقن و الجبين اكثر مناطق تفرز دهن , بثور , بقع , بشره سميكه و بعض الاحيان لون الوجه اغمق من الجسم
هذي البشره تحتاج للتنظيف العميق اللي يساعد على التقليل من افراز الدهن و تنظيفه من البثور

البشره الجافه :
ملمس ناعم , بشره مشدوده , متقشره , اورده بارزه ,خطوط محفره على الوجه , بشره غير سميكه , تجعدات .
هذي البشره تحتاج للترطيب الدائم

البشره الحساسه :
وجه ناعم ,بشره مشدوده ,مقشره , احمرار , بشره غير سميكه
و هذي تحتاج لمواد خفيفه و الافضل تكون طبيعيه و نسبه المواد الكيماويه ضئيله جدا لان البشره تتحسس منها

البشره المركبه :
مسام واسع ,الانف و الذقن و الجبين اكثر المناطق تفرز الدهن , بقع , بشره سميكه , لون البشره اغمق من لون الجسم
واللي بشرتها من هذي النوع لازم تنتبه اذا بتاخذ المنظفات لانها تحتاج لتجفيف بعض المناطق و ترطيب مناطق اخرى من الوجه عشان تكون عندها بشره متوازنه

و انشاء الله اكون ساعدتج بمعرفه نوع بشرتج و الحين لازم تقولي من اي نوع بشرتج و مستعده اساعدج في اختيار المنظف :up::up:

بصراحه اختي انا ما استخدم منظف انا استخدم صابونه الدكتور اللي كنت اتعالج عنده وصف لي اياها و لما تخلصت من المشكله استمريت عليها لأن ويهي دهني و هي تفيد وايد حتى ما قام ويهي يدهن مثل قبل
حتى اني اغسل ويهي اذا حبيت اشيل المكياج اسرع

اسم الصابونه
acne aid