لحقوووني...=(

و عليكم السلام و الرحمة

أختي و الله أنا نفس مشكلتك ليه درجه ان فراقات شعري تبان
( يعني بين كل شعره و الثانيه مسافه واضحه) << بدون مكبر و اي شي
صار لي تقريبا قريب 6 سنين و ما خليت زيت و خلطات و خضروات .. و منتجات زين الاتات
لاكن المشكله نفس ما اهي ما فيه تغير ملحوظ غير ان شعري يطول بس
ليه درجه أستحي أتجمع مع البنات و اذا تجمعت معاهم اقعد بعبايتي و شيلتي كأني عجوز

ألحين جربت علاج جديد من عند دكتور
أخذ أبر فيتامينات في راسي أسمها (( الميزوثوربي)) + نوعين من فيتامينات ( حبوب) + شامبو و أمبولات + بخاخ من عند الدكتور
صارلي شهر و نص و الحمدلله لاحظت شعري قوه عن قبل و حتى الدكتور قالي شعرتك قوت
و أنا بعد لاحظت حتى شعر جسمي صار أغمج و أقوه و يطلع بسرعه .. بس بعد يهون أن شاء الله لو كل أسبوع أشيل حلاوه ما عندي مشكله بس اهم شي يصير عندي شعر أستانس عليه
و أن شاء الله بستمر على هالاشياء كلها لين أشوووف شعر جديد بداا يطلع

هالعلاج يبيله مداومه يعني ما توقفين شي ( يعني الاشياء مع بعضها تكمل بعض و تجيب نتيجه)

الابره بـ 40 دينار .. في الشهر و نص كلفتني 200 دينار
و الأدويه في شهر و نص كلفتني 80 دينار

يعني أن شاء الله لو تقدرين على مصاريف هالعلاج تسوينه .. و تتوفقين فيه إن شاء الله

و حمامات الزيت اذا جيتي تحطينها على شعرك حاولي ما توصلينها لين الفروه و منامت الشعر
اي بعد في شي نسيته و قالي عنه الدكتور و اهوو الي يزيد من تساقط الشعر .. الزيوت
إذا فروة شعرك دهنيه لا تستعملين زيوت لأنه الفروه ما بتستفيد منها و بتقعد تطيح شعرك أكثر

سامحيني على الاطاله بس حبيت افيدج و افيد البنات
و الله يكتب لنه الخير