قصيده يا اهل الذوق - منتديات عروس

س

سوسو33

عروس جديدة

17-08-2003 | 04:17 PM

حبيباتي عضوات المنتدى اشلونكم انشاء الله طيبين
انا عندي طلب مساعده ياريت اي وحده متذوقه للشعر تعطيني رايها
وهو اني ابي اكتب قصيده حلوه جدا ومناسبه في ورقه بالكمبيوتر واسويلها تنسيق زين واحطها في علب كشخه وتتوزع على المعازيم يوم العرس بس مشكلتي اني محتاره وش القصيده اللي بلاقي فيها كلام حلو ورومانسي ويعجب كل اللي يقراه .....<<<<<<<<<<< وحده رومانسيه مره وتبي شي حلو تكفون ساعدوني اللي عندها ابيات حلوه لشاعر مشهور او مو مشهور وتشوف انها تصلح ليوم مثل هاليوم ياريت تلحقني فيها ولها كل شكري ودعوات

على فكره لو فيه امكانيه الابيات يدخل فيها اسم العروسه اي كان مع اختلاف اسماء البنات طبعا
ولو ماينفع مو مشكله اهم شي كلام حلو وبس

تكفون لا تخلوني ردو ا علي اوكي انا مستعجله لا تطنشوني ياعرررررررررررب

~

~Mrs $ugar~

عروس برونزية

17-08-2003 | 07:41 PM

اختي تبين تسوين القصيده بحجم ورق الطباعه
والا اصغر ؟؟
يعني انا اشوف انه القصيده تكون بحجم بطاقه التهنئه يعني اربع ابيات او خمس وتنشك ويه حلاوه مغلفه او ورده

فاذا ممكن تحديد عدد الابيات
وان شاء الله احاول اساعدج:)

ه

هداوه

عروس متألقة

17-08-2003 | 09:27 PM

هلا سوسو .. شوفي هاي صح انها طويله بس شفت مكتوب فيها اسم

يا قمر لا لا تطلع بطلعت هدى

خل في وجهك نور واستح يا قمر

كم نجم قبلك بطلعتها بــــــــــدأ

راح ملح وضاعت انواره هدر

من هدى حسن الغنادير ابتدأ

منتها لو تقسمه بين البشر

في سواد اعيونها ضعنا سوى

منهو يقدر يسبح ابغبت بحر

فوق وهج اخدودها حل الندى

فكر ان خدودها واحة زهر

والكرز مجنون على الثغر اعتدا

ما دري ليش اغتاض من لون الثغر

ومن يحب يخوذ ساحات الردا

في هدى ينظر ويمعن بالنظر

ما نلوم الي يصير ابلى هدى

في هوى ذاب من قبله قمر

ر

روضة الدار

عروس مشرقة

17-08-2003 | 09:50 PM

صح لسانج يبنت دار بابا زايد

القصيدة وايد حلوة كلماتها...

((((في سواد عيونها ضعنا سدى ))))

وليس سوى ..

اسمحيلي على التعديل البسيط الغالية هداوة... كله ولا بنات بلادي

وبعدين الغالية سوسو 33 كفاية للعرس 4 أبيات ...