هلا عرااايسنا شخباركم؟
اليوم يبتلكم طريقة لتبييض الاسنان في 3 ايام فقط!
هذي الطريقه تعلمتها من ربيعتي و طبقتها صارو اسناني خياااااااال مثل اسنان هالنجوم و الفنانين اللي تلج تقولون لمبه خخخخ----->>> قولوا ما شاء لله عشان اكمل
قلتووووووو؟؟؟؟؟
ههههه
انزييييين,,,,طبعا هالطريقه تناسب الكل و بالذاات العرايس قبل زفافهم
, بس اللي اسنانها و لثتها وااايد وايد حساسه رجاء لا تجربونها وتزيدون الطين بله----->> حذرتكم ترى خخخ
بتحتاجون اربعه اشياء:
- اي معجون اسنان (انا استخدمت كرست المبيض)
- معجون كرست الاسبوعي (يكون في انبوب صغير بتلاقونه في الصيدليات او اي سوبرماركت عود --ملاحظه: هذا المعجون لا يحتوي على فلورايد و وظيفته وايد مهمه في سنفره و تلميع الاسنان)
- شرائح كرست لتبييض الاسنان (نفس الشي تلاقونه في الصيدليات او اي سوبرماركت عود)
- اي غسول فم (انا استخدمت ليستارين)
هذي صوره المجموعه الكامله
هذي صوره شرائح كرست
وهذي صورة معجون كرست الاسبوعي
اوكييييي الحين طريقة الاستخدام:
الصباح:--
* تنظفين اسنانج عدل بالفرشاه و المعجون العادي
* (الطريقة موضحة على العلبه)
* تخلينهم مده 30 دقيقة
* عقب تطلعينهم و تغسلين الفم بالغسول
المساء:--
* تنظفين اسنانج بالفرشاه و المعجون العادي
* و بعدين تنظفين اسنانج مره ثانيه بس هالمره بمعجون كرست الاسبوعي--->>> ((( اهم خطوه لا تنسونها! )))
* تحطين شريحة كرست وحده ع الاسنان العلوية و وحده ع الاسنان السفلية
* تخلينهم مده 30 دقيقة
* تنظفين اسنانج بالفرشاه و المعجون العادي مره ثانيه
* تحطين شريحة كرست وحده ع الاسنان العلوية و وحده ع الاسنان السفلية لمده 30 دقيقة مره ثانيه
* و اخيرا تطلعينهم و تغسلين الفم بالغسول و خلاااص
استمري على هالخطوات لمده 3 ايام متتالية وراح تصيرين نجمة فريجكم ههههههههههههههههه!!!
صدق بنات هالطريقة رهييييييييبة و بغيت افيدكم اليوم عشان باجر تتدعونلي و تقيموووني
[COLOR=Red]للتنبيه::::: هذي الطريقة ممكن تسبب حساسية للاسنان و اللثه لا تخافون هذي شي طبيعي و بيزول بعد 2-3 ايام من استخدام هذي الطريقة في هذي الاثناء حاولوا انكم تبتعدوا عن المشروبات الساخنه و البارده----
و ارجع اكرر البنات اللي عندهم حساسية ف الاسنان واللثة من الاساس هذي الطريقة ما تناسبكم لانها راح تزيد من مشكلتكم--
هذا الموضوع مجهود شخصي و متعووب عليه ما احلل لاي شخص ينسب هالموضوع لنفسه واللي حابه تنقل تكتب المصدر و انه الموضوع منقول!
اتمنى انكم تستفيدوا من موضوعي و تخبروني نتايجكم
ولا تنسون تقيموا الموضوع اذا عجبكم واذا ما عجبكم لا تبخلوا علي بدعوة حلوة او رفع
باااااااااااي
[/COLOR]