بجد المكرونة دي تحفة حتعجبكم جداااااااااااااااااااااااا جربوها وادعولي
المقادير
معلقتين دقيق كبار
كيس مكرونة - نص كيلو لبن
كيس مكرونة - نص كيلو لبن
جبنة جودة-جبنة شيدر -جبنة حمرا-جبنة رومي- جبنة موتزاريلا للوجه (بس انا ما حطتهاش)
معلقتين سمنة كبيرة
معلقتين زيت زيتون
الطريقة
اول حاجة نحضر ميه سلق المكرونة و نحط عليها زيت الزيتون
نسلق المكرونة كويس لحد ما تستوي
بعد كدة نحط ملقتين السمنة على النار
و بعدين نحمر الدقيق لحد ما يصفر
وبعدين حط اللبن بارد مش دافي عشان ما يكلكعش ونسيبه لحد ما يتقل
بعد كدة نضيف نص كمية الجبنة شوية شوية ونقلب بس بعد ما نطفي النار ممكن نخفف الباشاميل بالميه الفاترة لو تقل اوي
ودا بعد اضافة الجبنة لو عايزة تضيفي ملح دوقي الاول بعد الجبنة عشان ماتبقاش حادقة اوي
بعد كده ناخد شوية نفردهم في الصينية
وشوية على جنب
وبعدين نحط المكرونة المسلوقة على الباشاميل بالجبنة اللي باقي
ونقلبها كلها فيه
نرص في الصينية طبقة وفوقيها لحمة متعصجة
وبعدين نضيف طبقة تانية وفوقيها نصب الباشاميل اللي بالجبنة اللي كان على جنب
فوق الوش نرش باقي الجبنة و الموتزاريلا
ندخلها الفرن ونولع الشواية بس هي تبقى في الرف اللي تحت خالص عشان الجبنة تسيح وا تتحرقش ودا شكلها بعد ما خلصت
ودا غدانا النهاردة
ماتنسوش الدعاء ولو عجبكم وجربتوه قيموني ما تنسوش