Retin - A - منتديات عروس

م

ميره

عروس مشاركة

17-08-2003 | 12:42 PM

السلام عليكم

في البداية .. اسمحوا لي أكون عضوة وياكم في المنتدى .. صراحة منتدى حلو ومفيد جداً.

الحين ندخل في الموضوع

من كم سنة كانت وياي زميلة في الدوام خبرتني أنها استخدمت كريم Retin - A لتقشير الوجه.

وتوني تذكرت السالفة .. فقلت أسألكم عن هالكريم.

طبعاً أنا عارفة انه كريم طبي .. يعني دوا .. وصراحة أنا أستخدمه حق الحبوب اللي تطلع لي أحياناً قبل الدورة .. وينفعني جداً ويزيل الحبوب بسرعة.

بس بغيت أعرف عن استخدامه لتقشير الوجه كله؟

هل في واحدة جربته قبل؟؟ .. وكيف طريقة استخدامه كمقشر .. يعني كم مرة في اليوم .. وكم مدة الاستخدام؟؟

ياليت حد يفيدني.

ولكم الشكر

$

$الحلوة$

عروس جديدة

17-08-2003 | 01:17 PM

هلا اختي
انا من رايي تروحين لدكتور جلدية افضل لك
انا استخدمتة بطريقتين طبعا من دكاترة
الاولى انك تمسحين الكريم على وجهك وتخلينة لمدة ساعة وتغسلينة وتتجنبين محيط العينين
اما الثانية انك تاخذين كمية بسيطة مررررررررررررة مرة يعني مرة وتخلطين معاها كريم مرطب طبي وتكون ضعف كمية الريتن اي
يعني نقطة من الرتن اي مع نقطتين من الكريم المرطب وتستخدمينة كل يوم قبل ماتنامين .
واهم شي اختي تستخدمين واقي الشمس .
انا الي فرق معاي لما استخدمت الرتن اي ان الحبوب راحت وبس ماشفت اكثر من هالنتيجة .
ان شاء الله اني افدتك

م

ميره

عروس مشاركة

17-08-2003 | 01:39 PM

مرحبا الحلوة

تسلمين عزيزتي على ردج.

وفعلاً أفديتني .. لأني ما كنت حاسبة حساب الكمية.

ربي يسعدج.

M

Mlle_paris

عروس جديدة

19-08-2003 | 01:40 AM

انا استخدمت رتن اي حبوب .. تقشر الجسم كله وتروح الحبوب واثارها ..

اما رتن اي كريم استخدمه على الحبه بس .. لا تمسحين فيه ظهرك كله لانه راح يتقشر جلد ظهرك ويحرقك على الحبه بس

ب

بنت ديره

عروس ماسية

19-08-2003 | 02:00 AM

انا استخدم راتن اي الكريم صار لي كم سنه الحين والحمدالله يقشر الجلد والحبوب تنشال بسرعه , طريقته امسح به علي الويه كامل ما عداء منطقه العين لانها حساسه وبس تستخدمينه في الليل مع واقي الشمس ...

تحياتي
بنت ديره
:o

م

ميره

عروس مشاركة

19-08-2003 | 08:40 AM

مرحبا بنات

Mlle_paris

تسلمين اختي على وجودج في الموضوع .. وفعلا ريحتيني بكلامج لأن عندي فعلا حبوب كثيرة في ظهري .. وإن شاء الله استخدم الكريم للتخلص منها.

Deira

مشكورة اختي على مرورج.

بس يا بنات بغيت أعرف مدة الاستخدام؟؟ .. يعني هل في فترة معينة وعقب المفروض أني اوقف الاستخدام والا استخدمه على طول؟؟

تحياتي

ر

ريوف

عروس مشاركة

19-08-2003 | 08:42 AM

انا استخدمت رتن اي

وكنت اخلط وياه الفاكورت

لان وحده شفتها كانت تستخدمه والبنت الحمدلله ياربي بشرتها كانت مو شيء تقول انها راحت لطبيب جلديه ووصف لها هالكريمين رتن اي والفاكورت تاخذ من هذا شوي وهذا شوي وتخلطهم وراح يقشر وجها اول عشر ايام على فكره مره باليوم يستخدم

انا جربت هالكريمين وشفته قشر وجهي حيل واخترعت بصراحه وخفت على بشرتي :D :D

وهالايام ادور على كريم الفاكورتي بغرفتي مومحصلته ابي ارد استخدمه ;) ;)

اتمنى افدتج

اختج
ريوف

م

ميره

عروس مشاركة

20-08-2003 | 12:39 AM

مرحبا ريوف

ربي يسلمج عزيزتي .. ومشكورة على الإفادة.

يعني عقب عشر أيام المفروض ينتهي الكورس؟؟

ر

ريوف

عروس مشاركة

20-08-2003 | 10:38 AM

لا راح يقشر الوجه اول عشر ايام بعدها راح تشوفين نتايج روعه يعني استخدميه شهر

وشوفي النتيجه

راح يفتح مناطق الاسمرار وراح يشيل الكلف البنت انا انبهرت ببشرتها اعرفها الحمدلله كان فيها كلف راااااااااااااااح اختفى كليا

لان البنت كانت تعتني بنفسها علشان عرسها قرب

وتقول انه بعد استخدمته حق ظهرها لازاله اثر الحبوب

وتقول والله راح وصار ابيض ظهرها

:D :D :eek: :eek:

والله اعلم

انا ناويه استخدمه

م

ميره

عروس مشاركة

20-08-2003 | 11:28 AM

تسلمين يا ريوف.

لا حرمنا.