:074:
انشالله تكونو بـ خير وعآفيه ,وصحه وجمآل دآئم
و هآي هديتي الحلوه إلكم F:
,,
بما إنه آحنآ بـ فصل الصيف :013:
اللي بتكتر فيه المنآسبات و الحفلاآت والسهرآت ,,
وبما انه احنا بنوتات انيقات و منحب نظهر بـ أروع صور’ة
لازم تكون بشراتنا حلوه , و فيها نضارة ونعومه , :adore:
وآنا بإسمي , بـقدملكم هالمآسك هديه , F: , حـتى تحطوه على وجوهكم قبل مَ تبدو الميك اب , لمنآسباتكم السعيده :)
,,
هالماسك , واللي انا مسميته مآسك ((التآلق))
هو عبآره عن اشيا طبيعية , موجوده في كل بيت
و طريقته سهله
وفوائده روعـــه
,,
الاشيا اللي رح نحتآجها
عسل,دقيق ابيض,تفآحه,قهوه مطحونه,ماء فاتر ,طآقيه نايلون ,
_______________
ملاحظه : قبل مَ نبدآ بالماسك , والتحضير , لازم تكون البشرة نظيفه , أووك 8o|
ولازم نحط على شعرنآ , طآقيه نايلون , مشان شعرك ما يتوسخ هاهاي
_______________
طـريقتي :
اول شي بجيب المي و بسخنها عالنار , لـ توصل درجة الغليان
وبعدين بعرّض بشرتي للبخار , ( من المي المغلية )
بس مش تروحو تحرقو وجوهكم وتدعو عليي ههههه:-o,,يعني خلي وجهك بعيد عن البخار ,
خليكي معرضة وجهك للبخار , لـ حد مَ يصير لون وجهك أحمر:o , طبعا المسامات بتتفتح
وبتحسي انه وجهك كله ميّ
تاني شي , بجيب ملعقة قهوه مطحونه , او ملعقة ونص
و بفرك وجهي منيح بالقهوه , و برّكز على الدقن و الانف
وهيك البشرة بتتقشر تقشير طبيعي
بس بضل علينا نجيب مي فاترة و نشطف وجوهنا من القهوه
وبعد الشطف و التنشيف
رح تحسي بشرتك نآآآآآعمه نعووومـه خيآليه :adore:
,,,
بعد هيك نبداآ بالماسك
بجيب تفاحه , وببشر كمية صغيره منها
و بجيب طحين( 3 معالق كبار) ,
و بخلطه مع معلقتين كبار عسل
و بضيف عليهم التفاح المبشور
ملاحظه : لو حسيتي انه الخليط مايع , ضيفي كمان طحين
وهاي صورة الخليط لما خلصت منه
,,
و بالملعقة الصغيره وزعت الخليط على بشرة وجهي ,
وكل شوي كنت ادلك بشرتي بـ حركات دائرية خفيفه , و كنت اشيل بقايا التفاح المبشور
,,
طبعا الماسك مدته : نص ساعه , و الكمية بتكفي 3 اشخاص
و اشطفي وجهك بالمي العاديه ( من الصنبور )
,,
فوائد الـمكونات اللي ذكرتها
اول شي لما نعرّض البشرة للبخار , مسامات البشرة بتتفتح ,
و حتى اتخلص من الوسخ الموجود بالبشرة , قشرتها بالقهوه , لانها خفيفه , و بتعطي نعومه حلوه
طبعا العسل فائدته بـ إنه مرطب طبيعي , عدا عن هيك , هو مغذي قوي
التفاح فائدته بـ اعطائنا الفيتامينات الموجوده فيه متل أ و هـ
الدقيق : فوائده مشهوره , بـ نضارة البشرة و تفتيحها ونعومتها
والفائدة العامه للماسك
هي النضارة والنعومه من اول استعمال
يعني بتحطي ماكياجك و انتي مطمّنه انه رح يبقى ثابت على بشرتك الحلوه :lol:
,,
كمان هالماسك هو مغذي للبشرة
يعني لو بتحبي , اعمليه كل اسبوع
,,
انا و الله العظيم مجرّبته , ويمكن اللي بناآسبني , ما ينآسب غيري
مشان هيك لازم تعرفو انه بشرتي مختلطه :)
,,
للتوضيح
بعض الصور من تصويري الخآص , و بعض الصور من الإنترنت
انقلو الموضوع لأي مكان بالدنيآ , اهم شي تذكرو اسم منتديات عروس
,,
حبيبتكم May$on
:L: