شنو اجيبلهم لا تحقروني

رووحي لايف ستايل عندهم طقم شور جل وكريمات وايد حلووه

او علبه حفظ الاكسسوارات






او ساعات او شنط او عطورات عندج وايد خيارات

ان شاء الله تردي بالسلامة

عزيزتي يعتمد وين مسافرة ..تقدري تجيبلهم شي مميز وينسب للبلد
يعنى تذكار او شي مميز في البلد

وتقدري تشتريلهم ايش ما يحبون يعنى حسب ذوقهم او اهتمامتهم
اذا تحب مكياج خذيلها عدة مكياج
اذا تحب تلبس وتكشخ خذيلها لبس او اكسسوارا او شنطة او نعال

يعنى وايد اختيارات عندج
وحلو تجيبلهم تحفة للتزين او تذكار يرمز للدولة الي سافرتي لها

اتمنى اني افدتج :)

حياج الله عزيزتي...

مثل ما قالت الأخت سونيا... اشتري لهم تذكارات تشتهر فيه البلد اللي انتي فيها! ميداليات، أكواب قهوة، شي من معالم الدولة مجسمات لبنايات مثلاً!

يمكن إكسسورارت... شنط... تشكيلة ملابس...أو جواتي و انتي بكرامة... أو اشتري لهم من الحلويات اللي تشتهر فيها البلد!

بعطيج أمثلة، مثلاً من إيطاليا، عندهم جزيرة تشتهر بصناعة الزجاج فاشترينا إكسسورات مصنوعة من الزجاج... طبعاً أشكالها كانت حلوة و غريبة و أسعارها غالية بعد!

من سويسرا، تشكيلة شوكولاتات، و نوعيات مو متوفرة عندنا!
من هوالندا، أنا طلبت من زوجي يجيب لي بذور ورد!
و كذا، يعني شوفي اللي متوفر هناك و مو موجود بالديرة، جيبيه، و حتى لو كانت الهدية بسيطة، تترك أثر طيب في النفس لمجرد إنج ذكرتيهم :)

موفقة عزيزتي F:

مشكورين يا بعد عمري افكار وايد حلوة والله اني كنت محتارة و انا على فكرة في بريطانيا مشكورين مرة ثانيه اليوم بحاول ابحث عن هالافكار الحلوة تحياتي

الله يوفقج سونيا ما قصرت.. والله يرد لاهلج بالسلامه يارب

عطوووووووووررررررررررررررررات