ازيكم ياقمرات النهاردة جايبة ليكم شوية نصايح ان شاء الله تستفيدوا منها واللى تستفاد حتى ولو بالقليل تدعيلى ربنا يتمم حملى على خير ويخليلى جوزى
1) عند غسل الشعر بالشامبو اقلبى راسك لاسفل واقلبى شعرك للامام وادعكية بينشط الدورة الدموية للشعر وبالتالى يمنع سقوطة
2) وانتى على الكرسى وقاعدة قدام الكمبيوتر قومى واقعدى 5 دقايق بتتخلصى من الارداف والشحوم المتركزة فى هذة المنطقة
3) اغسلى وشك بالصابونة واتركى الرغوة وضعى اربع نقاط معجون اسنان على الرغوة وادعكى وشك وبعدين اشطفية هتتصدمى قومى جربى وارجعى ردى تفتيح انعاش لون وردى وهتلاقى البشرة بتتنفس
4) وانتى فى المصيف التراب الموجود تحت الماء على الشط خدى شوية وادعكى سنانك هتبرق تماما ولو دعكتى وشك كل الخلايا الميتة هتروح من الاملاح الموجودة فى التراب
5) دايما اشفطى بطنك للداخل كل ما تفتكرى شهر وبطنك هتختفى احسن من اى تمرين الشفط بيقوى عضلات البطن حتى مع الحمل والولادة
6) وضع ماء الورد المخصص للشرب على ماء الشرب العادى بيورد كل بشرة الوجة والجسم وينظف الجسم ايضا من الداخل ودى وصفة الايرانيات هتلاقيهم بشرتهم تحفة من مية الورد
6) اخلطى كريم الاساس فى كف يدك مع كريم مرطب واقفلى اليد الاخرى واخلطيهم مع بعض وضعيهم على الوجة يمنع تكتل كريم الاساس وهيديكى لمعة تحفة ويمنعة من التشقق مع الوقت الطويل ولا اغلى ماركة
7) اغلى نصف فنجان ماء مع كركدية واخلطى المية بعد الغلى مع فازلين وادهنى شفايفك كل يوم بالليل اسبوع شفايفك بتبقى وردى طبيعى لمدة شهر
8) شرش الجبن ( او الماء اللى بيكون فى علبة الجبنة ) حطية فى زجاجة وادهنى وشك منة مرتين فى اليوم وادعيلى تفتيح وترطيب وازالة البقع والنمش
9) تغيير نوع الشامبو كل اربع شهور لان شعرك بياخد علية ولو بتحبى نفس النوع ابقى ارجعيلة بعد التغيرعادى بس غيرى وارجعى
10) ضعى طلاء الأ ظافر فى الثلاجة قبل وضعة هينشف بسرعة ويتحط بسرعة ( من اسرارى)
11) عضتك نموسة او حبة فجاة وعندك خروجة بسرعة حطى عليها اى نوع من قطرة العين وادعيلى اوعوا تنسوا
12) خايفة على الشراب النايلون من القطع اغسلى رجلك ببلسم الشعر واشطفى رجلك هتبقى نعمة موت حتى لو مش هتلبسى شراب ( من اسرارى )
13) مزيل الماكياج خلص استخدمى الزبادى لازالة الماكياج ومنة ماسك سريع هتتصدمى من النتيجة
14) زبدة الكاكاو لدهن كعوب القدم ( اللى بنستخدمها للشفايف ) بتخلى الكعوب تحفة ادهنيها بالليل والبسى شراب وشوفى النتيجة الصبح
15) للمعان الشعر قبل السشوار اشطفى شعرك اخر شطفة بالماء المضاف الية الشاى المغلى بعد تبريدة واتفرجى وادعيلى
16) قشر الرمان نشفية فى البلكونة كويس ودقية واطحنية بودرة وضعية تحت الابط لمدة اربع ايام رائحة العرق بتختفى شهر.
يتبع