الوحدة قاتلتني

السلام عليكم

اتمنى تخففون علي ياصبايا في منتدى راقي ورائع
اكتب لكم مايجول بخاطري والم بروحي انا متزوجة لي اربع سنين عندي طفل الله يحفظة الحمدلله بنعمة وبصحة نحمدالله
لكن اشعر بوحدة وغربة رووح زوجي لدية اعمال تشغلة عني ياتي البيت يجلس معنا ثم يذهب لينام من شدة التعب
ليس لدينا اجازة معة ولم اطلع معاه باي مكان يوم كامل واذا اخذنا اجازة ثلاث ايام فقط نذهب عند اختة لايوجد خصوصية اي لا اشعر باان الاجازة لنا للي حوالينا
اللي ينقصني زوجي لا اشعر انه ملكي ولو يوم معي
انا عاطفية جدا اشعر باان لدي عاطفة حين اسمع اي وحده تحكي عن حياتها الزوجية وان زوجها يخصص لها يوم بالشهر يستانسون اشعر بالنقص والاحباط


وحين افتح معه الموضوع يقول طيب في اليوم الفلاني وحين ياتي اليوم اجده ناسي وانشغل بالف شغلة واظطر اطلع مع اهلة بااي زيارة عند اقاربهم
اول سنة من زواجي كان غير كذا معي ويحاول يرضيني واشعر بااني ملكتة ولكن بعد ماانجبت ابني اصبح ينام بغرفة لوحة وانشغل بااشغالة ولا طلعة ولااجازة مع بعض اشعر باانه يتهرب مني
وحين اجادلة بالموضووع واطالب يقول انتي رجال مو انثى تجرحني هالكلمة مايبني اطلب مايبيني اخرج وياة اااااااااااااااااه ياجرح هالكلمة مع اللي حوالي يقولو ناعمة وحبوبة صايرة منكسرة بس ماابين افكر دايم بالحب اللي كان بييننا واهتمامة الاول احيانا اروح ابكي او اكتب او اروح للنت لكن ماتغنيني عنه


او يقول انتو يالحريم ماتنعطون وجةهذي عادة من عادات بعض الرجال ماادري وش اللي غيرة صار لاهي بشغلة واذا جاء اتمنى اطلع معاه اشعر اني مع رجلي لحالي
حتى مسجات عاطفية مايرسل ارسل ومايرسل مشكلتي ان لدي عاطفة واتمنى زوجي يهتم بالشغلات اللي احبها ولو مرة بالشهر احس انه طلع علشاني

اليوم اكتب لكم وانا بااجازة الخميس وهو راح لشغلة مستحيل يقول بااطلع وياكم بمكان
وذا قلت له انا طفشانه يقول مو غريبة انتي دايم طفشانه

انا في ديرة واهلي بديرة وعندي صديقة واحدة بس مشغولة بدراستها نادرا مااشوفها

يمكن مشكلتي هينة بس اشعر بملل وبروتين ممل وعاطفتي تقتلني وعندي مشاعر حتى لم اقوله مثلا بكرة اليوم الفلاني بنطلع سوى يرفض او يتهرب حتى بالسووق اروح لوحدي مااحسة معاي الوحدة واشعر بكاابة ولم يجي بالليل يلاقيني حزينة يقول نكدية ..................
او يلاحظ اي شي غلط ينقدني هو موفرلي كل شي بس ينقصني هووووو وجودة بكل شي

ماعندي الا البيت وشغل البيت وولدي احس اني ماابغى اتكلم ولا سمع اي شي ولا ابغى اشوف احد عندي طمووح بالعلم ودي ادرس لم افتح الموضوع لايرحب يقول والولد مع انه في حضانة واهله عندنا وممكن يجيب شغاله ووظيفة صعب الاقي بزمن البطالة والواسطات

حتى بمجال عملة ممكن يطلع ع اللي كتبتة بس خلووني افضفض لعل تخففون عني