انا كتير بتصفح هالقسم ,, وعآجبني حمآسكم
قلت ليه مآ اكون مـن المشاركات بـ هالقسم ;)
و قررت انزّل مجموعتي " البسيـطه " ,,
و اشوف رآيكم بـ لوكي النهاري , F: , " البــــسيط "
المهم ,
بشرتي ما فيها اي مشاكل , وهالشي مساعدني بـ اني اظهر بـ لوك هادي و رآيق ,
,,
خليني أحط صورة لـ مجموعتي الـكآمله ,
متل ما انتو شايفين ,,
فيتامين سي , هالكريم كتير حلوو , هاي خامس علبة بستعملها
هو بيوقي من اشعة الشمس , (ما كنت اعرف هالشي ) بس في مرة من المرات رحت رحلة و كنت داهنته ع وجهي من غير رقبتي
وتاني نهار اكتشفت انه رقبتي سمرااااااااااا من الشمس , بس وجهي مش صايرلو شي , بالعكس لونه كان طبيعي
نرجع لموضوعنا
هالكريم كتير لطيف عالوجه , بيرطب و بيوقي من الشمس , وبنفس الوقت بتحسي لون بشرتك افتح , ولو كان في حبة طالعة , بيخفيها وبيطفي لونها
بستعمله كـ كريم بالنهار , عدا عن هيك , هو بيحتوي على فيتامين سي المهم للبشرة
,,
كمان في مناديل نيفيا , هاي تالت مره بشتري هالمناديل,, كتير حلووه وبتنظف من قلب:thumbs_up:
وبتشيل كل الوسخ العالق بالبشرة
ومناديل جونسون لا يعلى عليها ,آكييييد
بستعمل من التنين , حسب المزاج :)
,,
البلاشر , ما بستعمله غير بالاوقات اللي بكون فيها مريضة ولون بشرتي اصفر , او مرات بكون عندي مناسبة ,
بيعطي لون حلو للبشرة , و ببين طبيعي
,,
الماسكرا
ماسكرتي حلووه , و بتعطي حجم مضاعف للرموش
طبعا ما بحطها بـ كل الاوقات
بس الاوقات اللي بكون فيها مناسبه , او حفله , و الخ
لاحظو ., الفرشاة تبع الماسكرا معكوفه , حتى تعطي للرموش شكل حلو
,,
هلا اجا دور الكحل ,
عندي الوان منوّعه , طبعا حسب لون التي شيرت اللي بلبسه ,
لما البس اخضر , بحط اللون الاخضر
لما البس زهري , بحط اللون الزهري
و هيك :confused:
هدول الالوان , زهري , و بنفسجي , و أسود , وكحلي
اغلب المرات بدمج الزهري مع البنفسجي
او الكحلي مع الزهري
بيطلعلي الوان عجيبه بس حلووه هخخخخ مخترعه
و هي الالوان على إيدي
نجي للمجموعة التانيه
و هي المجموعة اللي بحبها , لانها بتحمل لونين بدرجتين مختلفتين ب كل قلم
الاخضر و الاخضر الفاتح
الاسود و الفضي
البني و البيج
و هاي ألوانهم على إيدي
,,
هلا هاي صورة الآي شدو
اجتني هديه , :D
آلوانها حلووه ,,
بتوقع اني رح استعمل اللون الاسود او الزيتي فوق الجفن المتحرك
بالايام العآديه
واخليه جزء من لوكي :)
,,
هلا خلينا نشوف الاشيا اللي بتخض الشفايف :adore:
عندي 2 ,, و صرآحه نآويه اشتري جلوسات بالفترة الجاي
مرطب لابيلو " غني عن التعريف "
و المرطب التاني , لونه بيج على وردي , بيعطي لون حلو للشفايف
,,
طبعا لاحظو اني لما ادهن فيتامين سي , بضرب عش عصافير بـ حجر واحد
يعني ترطيب وحماية من الشمس و كريم اساس للبشرة
و لما استعمل مرطب لابيلو , بضرب عصفورين بـ حجر
اول عصفور هو انه بيعطي لـ شفايفي لون حلو مع لمعة طبيعية
تاني عصفور بيمنع الجفاف , وبخلي الشفايف كداا :thumbs_up:
فتحناها عصفوريه هههه
..
المهم
خليني اشرحلكم عن لوكي المسائي
اللي هو اساس لوكي النهاري :)
<<<<بحكي طلاسم صح
هلا رح تفهمو
;)
اول شي بعمله بالليل قبل م انام , بغسل وجهي بـ مي فاترة , و بجيب معلقة ملح او سكر (حسب المزاج) وبفرك وجهي و انفي
و بنشف وجهي منيح
و بحط كحل اسود بـ جوى عيوني , و برطب شفايفي بالفازلين
طبعا تاني نهار
بصخى بلاقي الكحل سايح, وشفايفي توت ,
بجيب قماشة , وبمسح تحت عيني عالخفيف , وبمسح شفايفي
و بغسل وجهي منيح بـ مي باآرده
و بدهن فيتامين سي
,, برجع بـحط كحل بالجزء العلوي من عيني / من غير الجزء السفلي ( هيك آحلاا )
والجزء السفلي بحط فيه لون الكحل على لون التي شيرت , اخضر او بيج او كحلي و الخ
و برطب شفايفي بـ لابيلو ,
لو عندي مشوار مهم :o , بحط بلاشر
ولو مآ عندي , بطلع عآدي !
و سلامتكم حبيباتي
انا حبيت احط هالموضوع , حتى اشوف آرائكم
بانتظار تعليقاتكم الحلوه
F:
