:: عبث صغيري , وعصبيتي .. عطوني حلوول ..! ::

نــور العمــر;12506523:
الضرب يا عمري ,, عمره ما يوصل لنتيجة

بالعكس بيظل يعاند ويعاند

احسن حل برأيي

عطيه شي يلهى فيه ويلعب فيه مثل لعبة او دفتر تلوين وخليه يخبط فيه ويطلع طاقاته فيه

وحاولي وياه لما يطاوعج تعطينه هدية

ولما ما يطاوعج حاولي انج تسووين روحش زعلانه منه ولا تكلمينه لمدة خمس دقايق كعقاب يعني

وترى ارد اقولج الضرب ما يوصل لنتيجة

ومرة سمعت انه دكتورة نفسية تقول آخر الاشياء انج تفكرين انج تضربين ولدج وهو الضرب الخفيف كلش

وفيه اساليب وايد تقنعه

والله يهديه لكم يا رب

رسيل الورد εïз;12506633:
صغييييير على الضرب!! بعمر بنتي بس ماأتخيل اضربها؟؟

مع انها تسوي بلااااوي .. ساعات اقول اذا بنية وجدي ويش بتسوي لو كانت صبي :-#

هم الاطفال واجد حركيين وبخصوص من يوصلون عمر السنتين للثلاث مايتسيطر عليهم (حالة خاصة) خخخخخ

أخذي له ألعاب اللي تشغل الاطفال مثل التركيبات، مكعبات، طين، قطااار يتحرك

او مثلا الطاولة اللي تجي فيها شغلات ميكانيك يمكن ينشغل بها

او حتى مطبخ يجي بطوله في سناء وبيت التنزيلات وسنتر بوينت ترى الجهال يحبوون هالسوالف

ام علاوووي;12506788:
اي هو صغير على ضرب ..

بس مشكلتي مشكله اضرب من قهري , وهو كان من جذي اصغر بعد !!

بس واجد خفيت ايدي عن ضربه قد ما اقدر ,

لانه عندي قناعه انه الضرب مو اسلوب صحيح ..

,

بس لما اعصب حدي نفس اليوم ما انتبهت حق روحي ابدا !

وبالنسبه للعاب عنده واجد اللعااب بسرعه يمل ..

,

فكرة المطبخ حلوه يبي لي اشوف له شي يتعبث فيه ..

مشكووره والله يخليهم ويهديهم ياارب F:

بسمة أطفالي;12506799:

:'(يا عمري علاااوي مسكين مو لهالدرجة صغيرون

ولا تعودين روحش على الضرب بتخف ايدش عليه

لو تشوفين امس كتاكيتي تعاونوا على كبتهم

بس سمعوني اقول ليهم بسرعة تعالو بسبحهم عشان اعدل كبتكم

كلها نص ساعة ورحت حجرتهم الا اشوف :( الكبت بما فيه معفوس عفاس

والثايب كللللللللللها على الارض8o| تخيلي كبت ماشاء الله طول الحجرة وفضوه من كل شي :( وفتحوا لثيباب كلها

من امس لليوم كل مايصير عندي وقت ارتب اشوي 8o|

بس للحين لو اصور لش الحجرة تنصدمين

بس شنسوي يعني ندبحهم:-#

هوه في الاخير حركات عفوية براءة وعدم دراية ;)

لعب وترفيه واظاهر قدراتهم العقلية والجسمية :cool:

بس احنا مانتحمل :-o

فطووم;12506837:
ام علااووووي

الله يساعدش ويساعده عليش
نفس حالتي من افقد اعصابي اضرب بس بدون وجود ابوهم لانه ما يرضى
اذا كنت معاهم اضررب بقسوة بعدين يكسروون خاطري
واصيح واذا ناموا كل شوي اروح اطالعهم ويعورون قلبي
واعطي نفسي تعهد اني ما اضربهم اخر مرة
افج كم يوم وترد ريمة الى عادتها القديمة


والحل صعب بين يدي ويدك

رسيل الورد εïз;12506875:
ايييي بسرعة يملون من الالعاب :confused:

المطبخ اللي اقصده يكون حجمه كبير ويصير الطفل يلعب فيه من جميع الجهات للبنات والاولاد



:thumbs_up:

°• أم السآإدة •°;12506984:
الله يهديه إن شااء الله ~